توظفت على وظيفه غير
 

السلام عليكم ورحمة الله و بركاته


عندي مشكله مدري كيف حلها , و هي اني توظفت على وظيفه غير مسمى الوظيفه اللي طلع اسمي عليها و هي "كاتب بوزارة الصحه " إلى مدير مناوب و شغلها شفتات و ما عندي خلفيه عنها و أحس انها مسؤوليه أكبر مني كلمت المدير أن يعطني وظيفه غير مدير مناوب قال لي ما عندي إلا هيه طيب ليش طالب أحتياج كاتب!!! أحس أني حيران مدري وين أروح للمديريه الصحيه او الخدمه المدنيه أو أقدم أستقالتي أو أعتذر أو أسحب عليهم و أرجع لديرتي , مع العلم ان مدير مناوب تحتاج لخبره و شهادة ادارة صحيه و دوامها ضغط في ضغط

هل إذا قدمت شكوى على المستشفى ينصفوني ؟؟؟

وظيفتك في اي منطقة وانا اخوك مستشفي او مركز صحي نظاميا :Thumbs:ماتستلم العمل قله خليه يعطيك خطاب ان الوظيفة الي عنده مدير مناوب ما حيعطيك ابد لانه وظيفة مدير مناوب مسئولية كبيرة اذا رفض يعطيك خطاب للمديرية الشؤون الصحية بعدم وجود وظيفة كاتب لك ارجع لهم وهم يدبرونك هم مرجعك وبلغهم انك طلبت من مديرك خطاب مشكلتهم انهم يتعاملون مع الجدد انهم مايعرفون حاجه ايش جاب مدير مناوب لمسمي كاتب من ناحية المسؤلية والتعب ةمواجهة المرضي وفي النهاية ولا ريال تاخذه زياده وابلاغنا الي يسير معك الله يسهل امورك

أشتغل في مستشفى و من ناحية أن يعطيني خطاب بمسمى الوظيفه فمستحيل بكرا بطلع بطاقه و أن شاء الله أنها تكون بديله للخطاب بس يا خوفي أن المديريه يكون جوابهم مثل المدير , و الدوام مره من 4 عصر إلى 12 الليل و مره من 12 الليل إلى 7 الصبح و يوم الجمعه و السبت من 7 الصبح إلى 4 العصر كرف و الراتب بس 6 الاف , صبرنا سنوات عاطلين و أخرتها طحنا في يدين اللي ما يخافون الله , و ماودي بعد السفر و الغربه أرجع لأهلي عاطل و أزعلهم بعد مافرحوا .

يارجال داوم لاتستقيل ولا شي

امسك المدير و اللي يداومون معك مدير مناوب وقله علمني العمل كيف
وقل له راح اداوم مؤقت هنا الى ان تنقلتي كاتب ولا مكان ثاني

ومافي شي صعب

وبالعكس مدير مناوب منصب وانت اهل لها

وبطاقة العمل يحطها مدير مناوب الله لايهينه

قدها وقدود وانا اخوك بغيت اسالك ايش المسمي الي يسويه لك في البطاقة مدير مناوب بس انا اشتغلت في مستشفيات خاصة ووظيفتي الان كاتب في وزارة الصحة عرعر ماباشرت لسه يمكن علي الاسبوعين الجايه انا شارد من نظام الشفتات واعرف عمل المدير المناوب الشغله مو منصب انته بالعربي مدرك المستشفي يعني كل شي في وجهك فا انا من شوري عليك تروح المديرية الصحة الي في منطقتك تشوف الوضع وتشوف حل لانهم تجاوزوا مسماك الوظيفي ومهامك الوظيفية الي موجوده في دليل الخدمة المدنية لكن اذا بتقبل فيها لازم تطلب البدل لانك تنطبق عليك الشروط 20% من اول مربوط في المرتبة السادسه فيه تعميم فيها الله يسهل امرك ويكتب لك الي فيه الخير

على اي اساس تداوم 8 ساعات في اليوم ؟؟ انت تتبع لنظام الخدمة المدنية مو نظام اللائحة الصحية او

الكادر الصحي .

اخوي االدوام الحكومي للاجهزة الحكومية يبدأ عادة الساعة 8 الى 2:30 اي بمعنى 6 ساعات ونص

انت موظف عن طريق الخدمة المدنية وتبع سلم الرواتب العام على السادسة , دوام ال 8 ساعات هذا

والشفتات كنك تدوام مثل الاطباء والصيادلة وهذول ياخذون بدل ( تفرغ) عشان الساعات الزيادة .

لا تسكت عن حقك وراجع الخدمة المدنية وفهمهم بالموضوع وان ساعات الدوام 8 ساعات وهذا يتعارض

مع لائحة الخدمة المدنية .

شوف الرابط بيفيدك
http://www.**************.com/showthread.php?t=105439

المنطقه اللي تعينت فيها "عرعر " و فيها شي ما عجبني و هي شقق العزاب غاليه جداً جداً لي أكثر من ثلاث أيام و أنا أدور لي شقه تخيلو شقق العزاب بـ 1650 وشقق العوائل بـ1550 و المشكله اللي زادت همي هي الوظيفه بشفتات غير منتظمه عاد تخيلو يوم السبت من 7 إلى 4 العصر و يوم الاحد الساعه 12 الليل إلى 7 هذول يبغون الفيوز تضرب عندي مكلفين بمهام أكثر من طاقتي ... الله المستعان و ان شاء الله تنحل المشكله

يا خوي أنت و حضك ترى مافي وظائف كتاب فقط مسميات في واحد تعين معي في المستشفى مدير أمن و سلامه و و هو مسمى وظيفته مثلي كاتب ... الدعوه و مافيها الوظائف الحلوه خشوها و اعطونا الوظائف اللي تتطلب مجهود برواتب اقل

اخوي مرزوق الرابط ما فتح معي

اذا يعطونك البدل توكل على الله وداوم واذا مافي بدل قله يفتح الله وراجع الخدمة المدنية هي مرجعك قبل لا تباشر
والاهم لا تتصادم معهم وخذهم بالطيب