تقرير شامل لتقديم على دوره 45 كليه الملك فهد الامنيه للضباط
 

السلام عليكم ورحمه الله وبراكاته

اسعد الله مسائكم بكل خير ياوحوش 45

وباذن الله تتيسر اموركم ونقول يازملا ضباط معنا ف قطاعات الداخليه

بسم الله نبدا

اولا التقديم راح يكون على الموقع الاكتروني بشكل مبدئي احب ان انوه الى ان التقديم على الموقع راح يفتح بتاريخ 13/8/1436
يتقدم يتاخر شي بسط على حسب تخرج دوره 44

ثانيا التقديم راح يكون لجامعيين فقط للمتخرجين السنه هاذي والسنه الي قبلها التقديم لا يشمل الي تخرجهم راح يكون في الصيف حتى لو خلصت اجراءاتك راح تستبعد بعد ما تروح الملفات للوزاره في نهايه شهر 9 لانك مسجل لدى الكليه طالب

بالنسبه للي من خارج المملكه لازم معادله والتخصصات الطبيه لازم تصنيف
ويكون شهر 4 للمميزين من السنه التحضيريه حسب معدلاتهم وتكون لهم خطه مميزه يبتعثون وياخذون الدوره في كليه امريكيه

ثالثا : بالنسبه لشباب المترددين اقدم او لا انت في كل الاحوال قدم لان المميزات المقدمه لضباط لن تجدها في اي وضيفه غيرها المشكله كلها في الدوره خلصتها امورك باذن الله تكون تمااام , لما تخلص اجراءاتك وتطلع النتائج في نهايه شهر 9 الى بدايه شهر 10 ويكون التحضير 20 الى 28 / 10



تقدم عن طريق الموقع بعض الجامعات ما تنزل معدلك الا متاخر حط المعدل المتوقع والطول والوزن المتوقع

حسب جدول اطول الوزن احسب طولك الوزن المثالي يكون الطول ناقص 100
مثال لو كان طولك 160 الوزن المثالي 60

اقل طول هو 168 للادبي و165 للعلمي فيه تجاوزات بعض الاحيان الا 1 سانتي حسب التخصص ونسبه المتقدمين

الوزن اقل حد طولك ناقص 115 واعلى حد طولك ناقص 95
مثال لو طولك 160 اقل وزن 45 واعلى وزن 80

http://www14.0zz0.com/2010/08/26/22/163514349.gif

المرحله الاولى

بعد ما تقدم يجي لك رقم طلب هاذا الرقم خليه معاك لانك تحتاجه كثير وموعد لحضورك للكليه
بعد ما يقفل التقديم الالكتروني بالكثير يومين او ثلاثه ايام تطلع النتائج
اذا طلع اسمك يكون اول مرحله من مراحل التقديم وهي قياس الوزن والطول طبعا الي عنده مشكله او شي يقدر يحضر بعدها بيوم عادي الامور سهالات مهو شرط نفس الموعد

تدخل تمشي على خطوط بعد القياس تجي لك 3 خطوط ازرق اصفر اخضر .اعاده قياس الطول للي وزنه قريب ومقبول وغير مقبول وباذن الله انها خيره لك في الدنيا والاخره
http://www.kfsc.edu.sa/News/Publishi...8%A9%20338.JPG


ويتم تسليمك دفتر القبول وهو اكثر شي يقروشك في القبول بياناتك بيانات الاب الجد الوالده واشياء كثيره انصح الي مهو من اهل الرياض يرسله عن طريق شركه شحن لواحد من اقاربه في نفس المدينه يخلصه له لان فيه اشياء من العمده والشرطه والاحوال في نفس الحي او ينقز المطار ويدور اي شخص رايح لمدينته ويعطيه اياه ويخلي احد يستقبل الرجال وياخذ الملف منه ما تاخذ ساعه . والعوده نفس الشي


المرحله الثانيه

بعد انتهى الجميع من الطول والوزن يومين وتطلع النتائج
يكون عندك مرحلتين كشف طبي 1 . وكشف طبي 2 وكل كشف له وقت يومين متتاليه

ملاحضه ( الحاسب والهندسه والطب والعلوم الطبيه التخصصيه لهم مقابله تخصصيه , المقابله سهالات عرف بنفسك كيف التخصص ومشروع التخرج او التطبيق سهلات جدا بسيطه )


معلومات عن الكشف الطبي

طبي 1

كشف عيون ::

مقياس النظر - عمى الالوان والسماح للاقسام العلميه بلبس النظارة

كشف الاذن والحنجرة::

كشف سريع على الاذنين بواسطة جهاز وتفتح فمك له

وينصح تنظيف الاذن من الشمع قبل الفحص

كشف الاسنان::

يقول لك ابتسم والاهم سلامة الاسنان الامامية للكشخه

وعمل الحشوات وتنظيف الاسنان قبل الفحص

تحليل دم وبول وانتم بكرامه::

تحليل الدم

-للانيميا
-كريات الدم البيضاء
المعدل الطبيعي : 4,500 الى 10,000 cells/mcL

-كريات الدم الحمراء
المعدل الطبيعي في الرجال : 4.7 الى 6.1 million cells/mcL

-الهيموجلوبين
المعدل الطبيعي في الرجال : 14.0 الى 18.0

-نسبة الهيموجلوبين لبلازما الدم
المعدل الطبيعي في الرجال : 38.0 الى52.0

- عدد الصفائح الدموية
المعدل الطبيعي : 140 الى 440

-انزيم في الخلايا يرتفع عند تكسر الدم

C B C تحليل تعداد الدم الكامل

ESR = Erythrocyte Sedimentation Rate و معدلها الطبيعي الى 20 فما اكثر فهو غير طبيعي

- :: تحليل البول::

الكشف عن نسبة المنبهات والمهدئات الممنوعه - كالحشيش والكبتاجون الخ

الكشف عن المكيروبات

الكشف عن نسبة الاملاح

الكشف عن نسبة الدم بالبول

اشاعه صدر والظهر

(معروفة بدون شرح)


(الانتهاء من اليوم الاول طبي 1)


اليوم التالي


(طبي2 مقابلة شخصية 1-2)


عيادة النفسية::

مجرد اسئلة يسألك هل انت مسحور احد من افراد عائلتك يعاني من مرض نفسي الخ


عيادة الباطنية::

يكشف على بطنك وظهرك وصدرك

والتأكد من وظائف الكبد والطحال بسماعته

عيادة الجراحة::

هنا تفسخ ويشاهد البتاع كلها ثواني

والكشف يكون للتاكد من عدم وجود

دوالي الحصيتين

او خصية مهاجرة


او عدم وجود تورم صديدي ومن مسبباتها كثر استخدام العاده السريه


ثم مقابلة شخصية 1

تاخذ ورقة وتقراها ثم يسألك مما قرأت وماهو الارهاب وما سبب تسجيلك بالكلية واختيارك لها الخ....:::

مقابلة شخصية 2

دردشة ويسألك بتخصصك


ثم تروح مقياس الوزن من جديد على السريع


ثم تروح تبصم

اخر مرحله الجري والاطاله وسهالات لا تخافون 700 متر المثالي في 3.5 دقيقه


مثال على الاطاله الاطاله

http://www.arabianmuscles.com/userfi...ningpage/4.jpg


بالنسبه للجري حتى لو ما عندك لياقه صفر تقدر تجيبها بسهول لا تخاف واعرف ناس كثير جابوها يعني تفك سبرنت وتجيبها يا شنب






النتائج النهائيه تاخذ وقت لانها تروح الملفات للوزاره ويسوون كشف امني لك اخر مقابله راح تكون 12/10/1436

ملاحضه :
وراح يكون عندك وقت كافي باذن الله انك تستخير وتدعي ربك انه ييسر لك والله يوفق الجميع وييسر لكم ياوحوش واهم شي العزيمه لازم تكون عاليه ولا تخلي احد يوثر على قرارك قدمت تبي الكليه انسى العالم وخلك وحش وكمل الرجال مهم احسن منك راح تتخرج بطول حلو وزن حلو هيبه والي ما ينقبل اعلم ان الله اختار لك ما فيه خيره لك رغم انف الجميع


القبول مبني على نقاط كل شي له نقاط مثال وزن مثالي لك نقاط نضر كويس لك نقاط الجري الاطاله لها نقاط كل ما جبتها في وقت اقل واكثر لك نقاط

بالنسبه لتخصصات المطلوبه جميع التخصصات مطلوبه بدون استثناء تختلف بنسب معينه حتى لو التخصص المطلوب واحد احتمال يكون انت الواحد واحتمال انك تكون احتياط والواحد ينسحب لا تخاف رزقك مكتوب

بالنسبه لصور عشان ما تتعب صور البطاقه اقل شي 20 صوره
وصور شخصيه مكشوف الراس 4*6 عدد 30
وبالزي السعودي عدد 30 وخليها عندك لانك بتستخدمها كلها


اتمنى اني ما نسيت شي وشملت المراحل جميعها اذا فيه اي شي نسيته ياليت تعدل علي وانا اعدله على الموضوع الاساسي وبالنسبه للدوره باذن الله راح انزل موضوع مستقل لها شهر 9


بالتوفيق

جعل والديك بالجنه لي رجعه امخمخ عالموضوع

جزاك الله خير موضوع شامل متكامل
نفع الله بك وبعلمك
واتمنى من الله ان يكتب لك كل الخير ويوفقك دنيا واخره

وبالتوفيق يارب

مشكوور يالغالي جعلك في الجنة ومن يعز عليك


اللهم ارزقنا القبول النهائي لي ولأخواني المسلمين


اللهم افرحنا بقبول النهائي

^ ممكن اخوي يكون تخصصك ليس من التخصصات المطلوبه

جزاك الله خير أخوي. الله يوفقك يا رب

عندي سؤالين: كم مدة الدورة وما هو العمر المسموح كحد أعلى.

شكرا لك

اللهم امين والجميع ان شاء الله
اشكر لكم مروركم




هلا والله . الله يعافيك وان شاء الله السنه هاذي يكون لك حظ باذن الله

بالنسبه للقبول الانقلش قبلو عدد كبير ومالهم مقابله تخصصيه مقابلات عامه مثل الشباب التخصصيه تشمل ( الهندسه الطب الحاسب العلوم الطبيه التخصصيه )


تعقيبا على النقطه الاولى :

المقابلات فيه ضباط وفيه مدنيين تقريبا رتب صغيره ملازمين ونقباء

المقابله التخصصيه تافهه يمكن ما تاخذ 5 دقايق بالكثير
اذا سالك عن جامعتك او تخصصك او شي كثر كلام لانه هو يبي يسمع بس لا تسكت درسنا ودرسنا ودرسنا

يسالك عن معدلك مشروع التخرج وين كان تطبيقك درجه اختبار قياس اساله تخصصيه عامه مثال

ايش هي ماده لغه انقليزي 1 (طبعا يسالك في مواد تخصصيه بما ان الخطه الدراسيه معه تسلمها لهم ) تعطيه بشكل عام


تعقيبا على النقطه الثانيه :

القبول يعتمد على نقاط

كل شي في القبول له نقاط مثال
ما سافرت خارج المملكه لك نقاط ابوك امك جدك جدتك جدك من الاب والام كلهم سعوديين لك نقاط
طول ووزن مثالي لك نقاط اختبار القدرات كل ما كان عالي لك نقاط زياده اختبار اللياقه اذا جبت في وقت اقل لك نقاط اكثر الاطاله اذا كفك تعدى كل ملي له نقاط التحليل الاحماض النظر خطاء واحد يقبلونك لكن نقاط اقل الاذن الجراحه المقابلات كل مقابله لها تقييم واخيرا ملفك يروح الوزاره ويسوون تشييك كامل على كل شي دخلت توقيف سجن



بعدها ترتبون من الاعلى الا الاقل يعني 100 و100 و99 و98 و70

ياخذون الاول والي بعده والي بعده لين يشملون العدد كامل والي بعدهم احتياط كمان بالترتيب

مثال 100 و100 و99 مقبولين بالترتيب وطبعا لهم ترتيب في الاقدميه في الكليه يعني 100 يكون في اول السرايا و99 في اخر السرايا

و98 و70 احتياط لو انسحب احد يكون ياخذون 98 وهاكذا


يختلف على حسب كل سنه سنه من السنوات نزلو الى درجه مقبول في المعدل
السنه الي راحت بعض التخصصات عددهم قليل استدعو الي ناقص طولهم ووزنهم الى 1 سانتي



شد حيلك السنه هاذي ياوحش والمقابلات خلك ثقه ولا يهزك ريح المقابله الي مع الضباط الرتب مهمه خش في عيونهم يحاولون يحشرون ما يهمهم ايش تقول يبون واحد واثق ما يتلعثم

وبالتوفيق ان شاء الله