حال الخريجين مع وزارة الخدعة المدنية ..؟!
بسم الله الرحمن الرحيم السلام عليكم ورحمة الله وبركاته بدون أي مقدمات أكره المقدمات لأني ما أعرف فيها شيء ..! المهم موضوعي هذا يشمل جميع الخريجيين من الدبلوم والبكالوريوس والماجستير ...إلخ ومن زود الفراغ إلي فيني قررت أكتب هالشيء وأسميه : مسلسل الخريجين وحالهم مع وزارة الخدعة المدنية :b الحلقة الأولى : شهادات غير تربوية بعد ما تخرجنا وفرحنا وقررنا نقدم ع الوظائف التعليمية نتفاجأ أننا الغير تربويين غير مقبولين على الوظائف التعليمية / ليش ما السبب ..؟! شهاداتكم غير تربوية روحوا أدرسوا دبلوم تربوي أو قدموا على الوظائف الإدارية :r طيب والتخصصات العلمية مثل الرياضيات والكيمياء والفيزياء إيش موقعهم من الإعراب ..؟ لا وظائف تعليمية ولا وظائف إدارية والدبلوم التربوي بفلوووووس / طيب وإلي ما عنده :court: الحلقة الثانية : شهادات تربوية vs قياس (كفايات) ياسلام أخيراً صارت شهادتي تربوية بأروح أقدم على جدارة ... تشك تشك تشك وشهو قياس وينه فيه ذا وش أسوي / أها عرفت بأروح أسجل وأدفع الفلوس وبأذاكر له زين أخيراً طلعت النتائج / إيش راسبة غير مجتازة الله يعينني أنتظر السنة الجاية أعيده وعساني أنجح بعد (والمشكلة إلي يصحح آلة << جماد ما يندرى عن وضعه هو يعرف الأجوبة الصح من الخطاء :q) الحلقة الثالثة : جدارة أو حقارة أخيراً نجحت بقياس بأروح أسجل بجدارة ... تشك تشك تشك (تم حذف بعض المشاهد التافهة = أعطال الموقع :cool: ) الحين جاري التدقيق ومدري إيش وبيفوتني التقديم على الوظائف وهم باقي ما خلصوا ..! الله يعيننا عليهم وأن شاء الله يخلصون قبل ما يروح التقديم :eek: الحلقة الرابعة : المفاضلة العجيبة جاتني رسالة تم التدقيق والـ... بأروح الحق عالتقديم قبل يسكرونه أوه وش سالفة هالمفاضلة :do5h: أضربي وأقسمي وأجمعي وأطرحي ثم تطلع لك نقاطك ! ما علينا خلونا نقدم ونشوف أخرتها معهم / تم أختيار جميع المناطق :Looking: الحلقة الخامسة : نتائج الترشيح الظالمة آآآآه طلعت النتائج طلعت النتائج سهرانة من أمس ما جاني النوم أنتظرها :m أيوه خلونا ندخل على جدارة ... إيش هذا :c النتائج فيها غلط :court: ليش مرشحين شخص نقاطه أقل مني على نفس الوظيفة إلي قدمت عليها "P لازم أراجعهم :g الحلقة السادسة : الخدعة الأخيرة أيوه .. أها .. نعم .. وشهو .. كيف .. ليش .. السالفة بالمختصر أنه في حاجة أسمها (الأولوية) يعني إلي تختارها قبلك تصير لها وأنتي راحت عليك بح مالك شيء ؟؟ طيب وش سالفة الترشيح على نقاط المفاضلة والأقدمية << تلعبون علينا يا ... :mish: وكيف بعض المرشحين وصلت نقاطهم 100 وأنتم تقولون ما تتعدى 95 نقطة !! الظاهر أن السالفة صاير فيها لعب من تحت الطاولات وأحنا طحنا في حفرة خدعتهم ... الحلقة السابعة : وتمر السنوات وتتكرر الأسطوانة الخلاصة كل إلي فوق بيتكرر مرة ثانية وثالثة ورابعة وخامسة وسادسة وكل مرة تتعقد الأمور أكثر بكثير عن السابق ما يدري الواحد هو يدعي عليهم ولا يتحسب ولا يعصب ولا إيش وإيش يسوي مع ذلك لازلنا صابرين عليهم وندري أن كل هذا يروح من أعمارنا :k وفيه حاجة بأذكرها هنا بخصوص خريجيين الدبلوم صح أنه ما عندهم قياس لكن الرجال عندهم أختيار تقييم وحالهم مع حالنا أسوأ بكثير في الترشيح والتوظيف أكثر من خريجين البكالوريوس ومعروف أن الوظائف الإدارية مرغوبة أكثر من الوظائف التعليمية كثير منا شاف تعليميين يبغون يحولون إداريين لكن ... ما شفنا أبداً إداريين يبغون يصيرون تعليميين لأنهم عارفين أنه شيء مستحيل :confused: لا يجي أحد يقول كملوا دراستكم << بعضنا شيبنا والعمر راح وأنا منهم :cool: لا يجي أحد يقول أفتحوا هاشتاق << التويتر مليان هاشتاقات وتغريدات بالهبل لكن لا حياة لمن تنادي :eek: لا يجي أحد يقول تجمعوا وأطلعوا وروحوا << الأوضاع متوترة ولو نسويها ما لنا الا السجن :mish: إذا عندكم حلول غير هذه أذكروها هنا وخلونا نتناقش بجدية أو ما لنا ولكم الا القطاع الخاص :z والصراحة قلتها سابقاً فقدت الأمل كلياً بالتوظيف الحكومي وتوجهت للبحث في القطاع الخاص حالياً عسى الله يرزقني ويعوضني من حيث لا أحتسب عن السنوات الضائعة حتى ذلك الوقت متى ما التفتوا لنا المسؤولين وصارت أصواتنا مسموعة نبغى منهم الآتي : 1/إلغاء قياس كلياً لأنه مهو مقياس أبداً لأختيارك للوظائف التعليمية :) 2/قبول الغير تربويين في التعليم لأن وزارة التربية والتعليم أصبحت وزارة التعلم يعني ما عندكم أي حجة :g 3/إلغاء نظام النقاط والمفاضلة, والقبول يكون فقط بالأقدمية لان نظامهم فيه أخطاء وظلم كبير :Thumbs_down: 4/استحداث وظائف خصوصاً للنساء والتركيز على التخصصات المظلومة شوفوا أغلب المدارس والدوائر الحكومية فيها نقص شديد ومع كذا يعلنون وظائف بالقطارة :court: أخيراً هذا كل إلي عندي وتمنيت من زمان أقوله وما لقيت غيركم أعضاء وعضوات منتدى حلول البطالة :Thumbs: عسى الله يرزقنا جميعاً ويفتح علينا أبواب رزقه من حيث لا نحتسب أنه سميع مجيب الدعاء ..~ |
تحمست صراحة مع السيناريو ابدعتي حقيقة
لكن باقولك نصيحة لا تيأسين وانا اختك دوام الحال من المحال وانتي شفتيهم كل قرار يجي يوم وتتغير قراراتهم في صالحك بس انتي فوضي أمرك لربك |
اقتباس:
ابداااااااااااااااااع ... ولكن لاسف شكلها ستستمر الحلقات بنفس السناريو بدون اي تغيير شكلنا نحتاج مسلسل على نفس الحلقات علشان يوصل مطالبنا :ash: |
أم تروكي أبشركي حتى الخاص الآن كله واسطة
|
صراحه هذا الي حاصل
1/إلغاء قياس كلياً لأنه مهو مقياس أبداً لأختيارك للوظائف التعليمية :) 2/قبول الغير تربويين في التعليم لأن وزارة التربية والتعليم أصبحت وزارة التعلم يعني ما عندكم أي حجة :g 3/إلغاء نظام النقاط والمفاضلة, والقبول يكون فقط بالأقدمية لان نظامهم فيه أخطاء وظلم كبير :Thumbs_down: 4/استحداث وظائف خصوصاً للنساء والتركيز على التخصصات المظلومة شوفوا أغلب المدارس والدوائر الحكومية فيها نقص شديد ومع كذا يعلنون وظائف بالقطارة :court: لو يطبقون هالكلام كان مافي ولا عاطله بس شكلهم هما يبونها كذا |
بصراحه هذا حاااااااالنا وبكل أسف =(
يوم رحت حفل اختي حق التخرج وشفت الخريجات بالعبايات وفرحانات ومبسوطات خنقتني العبره لان في يوم كنت مثلهم فرحانه وخلصت وباتوظف أخيرا وانصدمت من الواقع كله هم وغم ونكـــــد .... حتى الواحد استبشر بالوزير الجديد بس طلع (( جحيش اخو جحنش )) كل واحد اردى من الثاني ... بس أملنا بالله سبحااااااااااانه أنه يرزقنا ويوفقنا ويسهل دروبنا ... |
اقتباس:
وصحيح كل سنة قرار لكن ما في قرارات قوية وحازمة وتغيير جذري :mish: غالباً قرارتهم تكون بسيطة وفي صالح فئة بدون الفئة الأخرى مثل الحين رجعوا 50% درجة النجاح في قياس للتقديم ع التعليم طيب والخريجين الغير تربويين والوظائف الإدارية << عيال البطة السوداء :cry: |
اقتباس:
يعني لو سوينا مسلسل صدقي بتنحل مشكلتنا / ياليت والله "P أو ينفع نسويها حلقات في اليوتيوب :i مثل ذاك إلي أسمه بقنة / أول في اليوتيوب والحين صار بالتلفزيون ! |
اقتباس:
أروح أقدم هنا وهناك وأسأل هنا وهناك وأطور من نفسي بدل ما أعتمد على شهاده انتهت صلاحيتها ونسيت معها أغلب إلي درسته ؟! والزين في القطاع الخاص مو كل شخص يتوظف فيها ما يتوظف الا الشخص الجاد إلي يصبر يتحمل الضغط من العمل أما إني أجلس أنتظر وظائف حكومية ما تفتح الا مرتين بالسنة ووظائفهم بالقطارة / هزُلت ! :court: |
اقتباس:
بدال ما يعالجون الأخطاء يزيدون الطينة بلة << خريجين متراكمين (التعليم) على قرارات سيئة(الخدمة) ودي أدخل عليهم أشوف وش الشيء الصعب إلي خلاهم ما يعرفون حل مشكلتنا :cool: |
الساعة الآن 12:07 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين