ابي اقدم على الجيش
 

السلام عليكم ورحمة الله وبركاته
يااخوان انا معي دبلوم محاسبة من كلية التقنية وودي اقدم على الجيش رحت لمكتب التجنيد بتبوك قالو لي قدم على الانترنت دخلت الموقع ماحصلت شيء
وفيه ناس قالو لي روح الرياض وقدم هناك
المشكلة اني خائف اروح لرياض وآخر شيء يرفضوني ويصرفوني

الله ييسر أمورك ويختار لك الخير .

تابع في قسم الوظائف العسكرية مواعيد التقديمات العسكرية .. وأحيان تكون ع النت وأحيان ملفات .

ووظائف الجيش ممتازة .. الدورة فقط متعبة شوي .. وبعدها الأمور سهلة ومتيسرة .

وأفضل من الشركات .. والله ناس تعسكروا وفتحوا بيوت وصار معهم أبناء ماشاء الله .. واللي ما يبغى الجيش أو العسكرية ما زال يتقلب بين الشركات والبطالة .

بالنسبة للرياض فما أدري .

ولكن أذكر كان البعض يقدم ملفه في الوزارة نفسها ويتصلون عليهم بعد فترة .. بس ما أدري هل ما زال ذلك ممكن أم لا .

فاتحين التسجيل بقاعدة الملك خالد بحفر الباطن بس على رتبة جندي في سلاح المشاة وسلاح النقل .

روح للرياض حي الوزارات مبنى الخلية القوات البرية ويستقبلون ملفك باذن للله

المشكلة ان عمري 30

طيب الحق ع عمرك قبل تتعدى 30 روح لهم وشوف وش بيقولون لك واذا رفضو يقبلونك عندك تجنيد الحرس الوطني بحي الربوه مفتوح والعمر لحد 40

مافي تدقيق في العمر .

بس حاول تتابع التقديمات اللي تفتح في العسكرية وغيرها .

دبلوم محاسبة ؟!

والله قسمك حلووووو ومرغوب فيه بكل قطاع تلقى وظيفة
خصوصاً البنوك وارامكو والقطاع الخاص بشكل عام

وبالنسبة للجيش اللي اخبره ان رواتبهم مب ذاك الزود مير الله ييسر امرك ويوفقك ويرزقك من حيث لا تحتسب وبإذن الله تلقى الوظيفة اللي تتمناها

ععآدي ي اخوي . واذا عمرك 30 ، اصلا الجيشش يقبل الي عمرهه 35 . انا قدمت على الجيش وقبلوني
وعطوني اوراق وقريت من شروطهم ان العمر م يتجاوز ال 35 سنه

آنت قدم ولاطالع بعمركك ،، والله يرزقك وبتوفيق يارب .

ياخوي ممكن استفسار فيه ناس راحو للحرس قبل فتره ملفات وردوهم قالو لهم سجلو نت هذا الكلام في الرياض وين حي الربوه ذا

الرياض/ هيئة شؤون الأفراد / إدارة التجنيد ، حي الربوة ، شارع الأمير بدر بن عبدا لعزيز

متاكد اخوي
لاني والله بعيد عن الرياض وخايف اروح المشوار هذا كله وفي الاخير يقولون تسجيل نت
وفي النت ماردو علينا بشي
فتكفون واحد يتاكد ويعلمنا
:( :(

اذا مؤهلك ثانويه حااف يمكن يقولون لك قدم عن طريق النت اما اذا معك ثانويه وحاسب 6 اشهر او رخصه نقل خفيف او ثقيل او تقنية او جامعه بياخذون ملفك باذن الله. عموما اتمنا احد من الاعضاء راح لهم خلال هالشهر يرد ع موضوعك لان اقرب واحد من معارفي راح لهم قبل ثلاث اشهر

الله يوفقك اخوي ويوفق كل واحد يحب يساعد الناس
انا معي تقنيه وحاسب وتمنى اي واحد يستفسر ويعلمني اليومين هذي عشان اروح وان شاء الله تتيسر
:m

ياخي روح تجنيد الخميس انا قدمت من هناك بثانوية ورخصة عمومي