أستشارة ياليت تعطوني رايكم
اولا السلام عليكم
اخواني ودي استشيركم انا خريج كلية معلمين تعليم ابتدائي ومعدل جيد المهم معطل لي سنة ونصف يعني عندي مؤهلات كثير بس التوفيق بيد الله منها بكالوريوس في التعليم الابتدائي رخصة الحاسب الدولية ICDL شهادة لغة انجليزية من معهد معتمد من جامعة تكساس_ اوستن The University Of Texas_Austin المهم مع كل هذي الشهادات موووو لاقي وظيفة زينة اللي يشترطون خبرة وهذي اغلبية الشركات اذا مااقول كلهم واللي عندهم شروط غريبة واللي يقووولووون خل ملفك وندق عليك ((والله من كثر الملفات صرت اشتري ملفات بالجملة )) اوووووووو نسيت اهم شهاده شهاده افضل متبرع بالدم من مدينة الملك عبدالعزيز الطبية .... والله من الفضاوة كل يوم انقز لهم واقل ابي اتبرع قالوا ذا اكيد يبي شهادة ولا يبي شئ ....... هههههههههه المهم ماطول عليك بعد عناء طويل مع الدراسة والكبر في السن قلت مالي الا العسكرية هي اضمن شئ في الوقت الحالي ابي رايكم أتوكل علي الله واسجل بالعسكرية جندي هذا والله يحفظكم ويرعاكم مقدم الطلب/ ......................<========= متأثر بالمعاريض |
سلام عليك
أسمع اذا انت ناوي تبي عسكريه بس تررى انا ادورها بأي طريقه ومع ذالك ماانصح فيها العسكريه أعرفها تعب . لاكن عندك أحسن قطاع الدفاع الجوي أو المرور أو الشرطه وبعدين مؤهلاتك تسمح لك بأن ماتدخل جندي يمكن عريف يعني رتبه حلوه ! لاكن لاتستعجل وتسجل بالعسكريه !!! خل العسكريه آخرر أمل عندك دور دور ان شاء الله تحصل والسلام عليكم |
وش رايك باخر الليل تصلي لك ركعتين ومعاها صلاه استخاره وتطلب العزيز الحكيم وان شاء الله تبي تتيسر الامور .. والله يوفقك .. وانتظر شوى بس شوكرن لك .. |
اذ تبي العسكرية خذها من الكلية الامنية يعني ملازم نصيحة
لاتستجعل بعدين تندم وانت خريج كلية معلمين يعني معلم خلي العسكرية اخر شي لاتفكر فيها الحين |
انا مع راي المفلسسسسس صل ركعتين واسال الله يهديك للي فيه خير لك وقتها تلاقي نفسك مرتاحه وانشاء الله تتوفق
|
بسم الله الرحمن الرحيم
اخوي فراااغ انت سجل ومارح تخسر اي شي مافي شي تخسره على شااان يمنعك من التسجيل بالعسكريه واذا فيه شي يستاااهل اطلع من العسكريه بس اهم شي اخوي لاتجلس عاااطل ترى الايااام محسووبه من أعماارنا وكل ماكبر الوااحد في العمر قلت فرصه حصووووله على وظيف بالتوفيق للجيمع يارب وشكرا (^_^) |
مشكورين علي الردود
والله انا ما احب العسكرية يوم اتخرج من الثانوية حصلت وكيل رقيب ورفضتها علي شان وظيفة كلية المعلمين مضمونة المهم تخرجنا وجحدونا ((قالوا اكتفينا وزارة التربية والتعليم)) حسبي الله علي من ظلمنا والله مافيه الا فزعة الله سبحانه وتعالي والا المسئولين غاسل يدي منهم من زمان وكما قال الشاعر: المعطي الله مال خلقه عطايا لــــــو هي علي خلقـــــــــه سقتنا المراير علي العموم مشكــــــــــــورين علي الردود والله يبيض وجيهكم ويوفقكم لما فيه الخير......... |
الساعة الآن 12:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين