16-05-2015, 11:41 PM
|
|
عضو ماسي
|
|
تاريخ التسجيل: Mar 2012
الدولة: الظهران
المشاركات: 1,636
معدل تقييم المستوى: 9235622
|
|
الـدور ماهـي زرفتـيـن وشبابـيـك
الـدور ماهـي زرفتـيـن وشبابـيـك
الـدور صفحـة نـور ونجـوم وافـلاك
احسهـا مثـل الكـفـوف المشابـيـك
مثل البحر والنـاس ..حيتـان واسمـاك
واخترت امـد جبـال صوتـي واناديـك
يا الواضح ..المجهول..يا الغامض..الشاك
الله يـا مسهـل ومصـعـب معانـيـك
الله مامـرك علـى القـلـب وأحــلاك
يـا مـا نشـزت ودوزنتنـي أغانـيـك
يا ما زعلت وكـان يرضينـي ارضـاك
قـبـل المدينة..مدّنتـنـي صحـاريـك
قبـل الـبـداوة بدونتـنـي سجـايـاك
يا الشيح عمـك يـا الخزامـى بناخيـك
يا الشمس تشرق بيـن شرقـة ثنايـاك
قلـت الغـرق واستدركتنـي موانـيـك
قلـت الضيـاع وقـدت الـروح ظلمـاك
مالـي وطـن ياكـود داخـل منافـيـك
مالي سمـا ..خـارج اشمالـك ويمنـاك
سمعـي فمي..سيرتـك غايـة مساويـك
دمعي ..دمـي مابيـن وصلـك وفرقـاك
تفـداك عيـنٍ ماتـرد النـظـر فـيـك
ويفداك قلبٍ ما يشـوف العطـش مـاك
قلـبـك دليـلـك كــل دربٍ يـوديـك
الـشـوق زادك والنـوايـا مطـايـاك
صب السحـاب وبلـل اشفـاه ضاميـك
وان قلت قربك طالبه قولـي لـي: جـاك
والـوزن وزنـك والقوافـي قوافـيـك
والا القصايـد قـاصـره دون معـنـاك
|