يليت نسوي استطلاع لنقاط دراسات والتويتر
ممكن أحد ينزل لي نقاط آخر مرشحه للمناطق العام مشكورين |
طيب الجامعيات يتقدمون على ابتدائي كرغبه اخيرة
|
مساء الورد
كم تتوقعون توصل النقاط اعداد المعلمات كل سنة تنزل 4 نقاط صح او لا العام وقفت ع 67 نقطه صح |
مساء العسل
ﻻ حبيبتي اذكر اعداد المعلمات كانت وحده تعنيت العام الله يبارك لها نقاطه 60 بس أتوقع أقل النقاط . |
اقتباس:
الي تعينت نقاطها 60 العام وقفت 67 إعداد معلمات …… |
العام اعداد معلمات اقل وحده تعينت كان نقاطها 67
كليه التربيه والجامعات كانت 75 |
فعلا كانت العام 67
تتوقعون تنزل النقاط او تزيد :eek: |
إيه حبيبتي وتعنيت في نجران وهي إعداد المعلمات ونقاطه60
|
واسطه او بدون واسطه
|
الله أعلم ماأتوقع واسطه لو واسطه كان تعينت بديرتها لكن رزق كتب الله لها والله يرزقكم ويفرح قلوبكم .
|
امين واياكم يارب
|
ياجميلات
من فيكم إعداد مُعلمات وبتقدموا على جمبع الرغبات ؟ |
انا ابغى اعرف ليش حرقه الأعصاب ليه ماقتحو التسجيل اعصابنا على الآخر 😠
|
يا بنات ماشاء الله عليكم عندكم استعداد الغربه انا شخصيا ودي أقدم بالجنوب بس عندي عيالي بمدارس حتى لو ب اخذهم معي احسها مسؤوليه وزوجي ما يقدر يجي معي ولا عندي أحد يروح ما راح اغامر بسجل ب منطقتي الشرقيه ويارب اتعين مليت عشر سنوات بطاله
|
ن قاطي 79 واخرمرشحه بالشرقية 84 تتوقعون في امل اتعيين
|
على كلام المتحدث بداية رمضان يبداء التقديم والاحتياج المسرب صحيح لان الي سربه مواول مره يقول شي ويصدق معانا
|
أي والله ياخريجة وبكل فخر
حرقة أعصاب أقلها نزلوا الإحتياج مع إنه تسرب بس نبي مصدر رسمي الله يوفقك ياخريجة وتتعينين هالسنة بمنطقتك بين أهلك وناسِك وأنا جميع من ينتظر |
بتشاور معاكم في مناطق الاحتياج بالذات الي نفس وضعي
عندي اولاد يدرسوا وزوجي مو راضي اطلع من منطقتي مع ان احتياجها صفر بجلس احاول فيه الى ان ربي يهديه ويوافق بس كيف بدبر اموري؟لانه العام وافق لي بس قال انا مابروح معاك اي مكان بجلس في مكاني وانت بتروحين لوحدك لكن مابقدر اترك اولادي باخذهم معاي مليت من البطاله والتفكير فالوظيفه وبدخل العشر سنين بعد كم شهر المشكله فالجنوب اخاف من المرتفعات والشمال بعيييده عن مقر اقامتي وكيف بجلس في مدينه او بالاصح قريه مااعرف عنها ولاشي واترك اهلي وزوجي كيف بدبر اموري وامور اولادي لوحدنا الله يسعدكم ابغى الي تشجعني وتساعدني اطرد الوساوس من نفسي واقدم على حلمي من الطفوله |
خريجه بكل فخر باذن الله بتتوظفين هذي السنه وفالشرقيه نقاطك ماشاءالله حلووه واحتياج الشرقيه ماشاءالله حلو والاحساء وحفر الباطن يعني باذن الله بتترشحين وبنبارك لك
|
خريجة وبكل فخر
بماأنك من الشرقية تسرب إحتياجنا الإعداد وإحتياج الشرقية كثير لاهنتِ وضحي لي طبيعة المنطقة بشكل عام وقراها والهجر وأكون لكِ شاكرة |
ريماتي العسل حبيبتي اولا قبل ماتقدمين على إي خطوة استخيري ماندم شخص استخار
ثانيا الدعاء بطلب العون والتوفيق و السداد في أمورك وفوضي أمرك لله واستغفري إذا حسيتي براحة تأكدي ان تعيينك في مكان قريب أو بعيد خير لك بإذن الله الجنوب حبيبتي لاتنظرين لها على أنها مرتفعات ومخيفة بالعكس الجو الباريسي والخضرة والجبال وعاد اكيد انتي راعية الوجه الحسن إذا أولادك يدرسون انحلت نصف المشكلة لأنهم لو صغار مرة راح يتبهذلون وتتبهذلين معاهم انقلي ملفاتهم للمكان اللي بتروحين له تكونين انتي وزوجك امنتوا سكن ومواصلات الأمور سهله على من يسرها الله عليه وقلبه راضيه اقنعي زوجك قولي هذا رزق جاينا وطموحي وتعبي ودراستي طول السنين وكلها كم سنة وانقل بإذن الله اللي يصبر يصبره الله شوفي أحد من أهلك يروح معك إذا مافيه ، لو عندك خادمة ثقة على الأقل تونسك وتشيل بعض حملك .. وأما الشمال وش اقول وش اخلي يكفي اخلاقهم وسعة صدورهم مو يقول المثل خل صدرك شمالي ومعرفة الناس ترى مكسب سواء من أهل الجنوب أو الشمال أو غيرها اعتبري نفسك في رحلة سياحية وتونسي ... الله يوفقك ويرزقنا ويرزقك من واسع فضله ... |
همه
أن شاء الله تعين ه السنه وكل البنات وتودع البطاله انا عايشه بالأحساء اهلها طيبين فيها مولات والخدمات متوفره هذا بالنسبه للمدن اللي فيها الهجر والقرى طبعا حالها حال غيرها من الهجر تكاد تنعدم الخدمات وما عندنا جبال ولا شئ يعني قدمي وتوكلي على الله همه بتقديم الجنوب يا بنات ودي أقدم بالجنوب المشكله عيالي مدارس ومسؤليه والنقل يطول خلوني على الشرقيه دعواتكم |
سعوديه
طيب زوجي ما يقدر يترك عمله ويجي معي وأولادي مدارس احاتيهم على عكس لو صغار بالشقه |
يا بنات بذات اللي عندها أولاد استخيرو وفكرو العام كانت نقاطي تاهلني بالجنوب اتعين واستخرت سبحان الله على اخر يوم من التقديم سحبت من الجنوب ماادري ماارتحت
|
تكفون بنات مافي اخبار عن احتياج القصيم
|
الرياض مافيها احتياج؟!!!!!
بكالوريوس تربوي نقاطي 76 الله يكتب لنا ولكم ماكان فيه الخير |
أن شاء الله نبارك لبعض بالتعيين قولوا آمييين
|
بنات الله يجزاكن خير احسبن لي نقاطي
تاريخ التخرج 1431/7/9 معدلي جيدجدا 81.73 وناجحه بقياس |
سعودية الانفاس الله يجزاك خير والله كلامك ريحني وانا اكيد بستخير العام استخرت وماقدمت الا للي ارتحت لها والسنه هذي كمان بستخير والله يقدم الي فيه الخير ويرضيني فيه
|
اقتباس:
|
احساس انثى لازم تحطي درجة قياس العام والتخصص حتى احسب لك نقاطك
|
انا عن نفسي بحط كل المناطق ب اذن الله
لكن بقول لكم قصه خوفتني شوي وحده تعينت بقريه تابعه لمنطقه حلوه والكل يتمناها لكن بيوم من الايام هجمو ع المعلمه شباب من القريه هجمو ع المدرسه والمعلمه كانت لحالها ب المدرسه وحده من المعلمات من اهل القريه وشكلها دايم تسولف لقرايبها ان المعلمه تبقى متاخره لحالها ب المدرسه الله يستر علينا |
اقتباس:
أنا سجلت دبلوم تربوي وماقبلوني إلا في منطقة تبعد عن ديرتي 200 كيلو اضطريت اني اروح ادرس هناك لأن الفرص تجي مرة وحدة رحت واستاجرت وزوجي يجينا بعد كل 3 أيام او اكثر عشان عمله وكنت بنهاية حملي والله لايوريك وش جاني من ابتلاءات عظيمة ولدت لوحدي ولادة قيصرية ماعطوني إلا أسبوعين راحت أكثرها في إجازة الأسبوع اللي بين الترمين وما كان معي إلا الله ثم زوجي جا بس ما يعرف يتصرف كثير بس كان عندي جيران زي العسل ما قصروا معي وكانوا أخواتي كل وحدة بديرة وأمي متوفيه الله يرحمها فكان صعب يجوني إلا لما رحت ديرتنا .. تبهذلت وخاصة لما جيت أطبق الترم الثاني كله في المدرسة وكنت أخذ معي بنتي يوميا واشرح للبنات وانا نفاس وهي معي ماسكينها الطالبات :cool: والشغاله ماجاتني إلا في النهاية بس ماضمن الشغالات بس شهادة حق زميلاتي ومديرة المدرسة وقفوا معي وراعوا ظروفي الله يجزاهم خير :h:w بس كنت مضطرة أدرس هناك لأن كل الجامعات ماقبلوني عشان معدلي وماقبلوني إلا بهذه الجامعه لأن دوبهم فتحوا التربوي فكانت خيرة لي .. الحمد لله أعاني ربي وتخرجت ولكن ماتتخيلين مقدار العذاب اللي لحقني وين عزام الدخيل وخالد العرج عن معاناتي لكن يدريبي الله هو خير الشاهدين لو عيالي يدرسون يهون مليون مرة لكن الله يكتب لنا شهادة في سبيله وأجر المجاهد في سبيله ... |
سعودية الأنفاس
ماشاء الله لاقوة إلا بالله حقيقي أحييك من كل قلبي ومع هالصبح أخذت درس جميل… منك الله يجمّل أيامك من فيكم إعداد مُعلمات؟ |
وأنا يعجبني الأسماء التفاؤلية همة تناطح السحاب
حفظك الله أختي .. وجعلنا وإياك في جنة عاليه قطوفها دانية ويقال لنا كلوا واشربوا هنيئا بما اسلفتم في الأيام الخاليه... |
ياجماااعة نزل الاحتياج قبل شوي ..:Thumbs:
http://www.mcs.gov.sa/InformationCen...4360830-1.aspx |
نبي نتشاور مين بتقدم على مناطق المنطقة الغربية ؟؟ ومع ان الاحتياج فيها ضعيف :(
انا اتكلم عن بكالوريس جامعيات ؟؟ |
بتوفيق لكم جميع ياربب
|
بنات يلا نتشاور وين بن قدم
انا من الشرقيه بقدم عليها وبس مقدر ابعد وإن عن خلونا متفاءلين رغم ضعف الاحتياج |
حياكم الله يا اخوات
انا زوجتي اعداد معلمات ونقاطها قريبا 71.972 ساكنين الرياض وأهلها في ابها واهلي في النماص بتقدم حسب الاحتياج كالأتي والله اعلم المجمعه عسير النماص القويعيه هل تنصحون بأمور أخرى واذا فيه اعداد معلمات هنا كم نقاطهم ووين بيقدمون والله يكتب لكم الرزق الحلال الطيب |
الساعة الآن 12:14 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين