الخطوط السعوديه او كلية الضباط (حاسب الي)
 

بسم الله الرحمن الرحيم

السلام عليكم

اولاَ احب اشكر كل المشاركين في هذا المنتدى

و واضح ماشاء الله ان الكثير مستفيدين منه

سؤالي يااخوان طويل و موضوعي معقد

انا متخرج من امريكا بكالوريوس علوم حاسب الي عام 2012 ( 1433 هـ) … بعد التخرج قدمت على وظائف كثيره و ربي ماكتب لي فيها نصيب الحمد لله على كل حال,, و بصراحه وقتها ما جاء في بالي القطاع العسكري

بعد التخرج بحوالي ثلاثة اشهر قدمت على شركه امريكيه بمدينة الرياض و توظفت و لله الحمد و لاكن الوظيفه بعيده جداَ جداَ عن تخصصي

و في فترة توظيفي مع الشركه الامريكيه قدمت على الشركات الكبيره (سابك, ارامكو, الخطوط, .. الخ)

ماجاء رد منهم

المهم اني جلست مع الشركه الامريكيه حوالي سنتين و نص, في هالفتره جاني قبول في الخطوط السعوديه على برنامج تدريب منتهي بالتوظيف

مكافأه 6000 ريال فقط في فترة التدريب الي هي 6 اشهر
و
راتب اساسي 9085 مع بدل سكن و نقل و تذاكر و تأمين طبي بعد الانتهاء من التدريب و يكون العمل في مدينة جده

الدرجة الثامنة (ترقية كل سنتين)
http://www11.0zz0.com/2012/03/26/21/293749616.png


مع العلم اني من اهل الرياض

المهم, سويت المقابله و الفحص الطبي للخطوط السعوديه و بعد ماتأكد كل شي

قدمت استقالتي من الشركه الامريكيه

و استأجرت شقه في جده و دفعت حق 6 اشهر (فوق العشر الاف ريال)

بعد ما صار كل هذا, جاني الوالد ينصحني و بقوه على التقديم على كلية الضباط..مع العلم ان الوالد مدني و ليس عسكري

و يومياَ يتصل علي يقول “وش صار على التقديم حق الضباط؟”

و انا بصراحه متردد و متوتر من الموضوع

بما اني الان في الاسبوع الاول من التدريب مع الخطوط السعوديه

ولا ادري انا افصل من الدوره و اقدم على كلية الضباط

او انسى الموضوع و اكمل مع الخطوط


اعرف اصدقاء كثار في القطاع العسكري (افراد) يقولون غلطان لو جيت للعسكريه

ايش تبي فيها, خاصة هالفتره بعد الي صاير مع اليمن


عمري 25 سنه و ان شاء الله ادخل 26 في رمضان, احس ان عمري كبير على التقديم على رتبة ملازم


و الله مادري ايش اسوي


رأيكم يهمني


يعطيكم العافيه

استخير وفكر بينك وبين نفسك وقارن وضعك بدوامك
وبالنسبه للعمر عادي ماهو كبير

وبالتوفيق

التقديم على كلية الضباط من شروطهم انك تكون خريج نفس السنة او السنة اللي قبلها وانت متخرج من سنة 1433 يعني لك 3 سنوات متخرج ،،

هذي يمكن كلية الملك فهد الي ماتقبل الا نفس السنه

لاكن الي اعرفه انه الكلية الحربيه تختلف

الله اعلم

ا"ن لا يزيد عمر المتقدم الحاصل على شهادة البكالوريوس عن (27 عاماً لجميع التخصصات) و (30 عاماً للأطباء), واحتساب مدة سنتين إضافية للحاصلين على شهادة الماجستير وخمس سنوات إضافية للحاصلين على شهادة الدكتوراه على أن يحستب العمر إعتباراً من بداية التسجيل."


ما فيه غير هذا الي مكتوب في صفحة شروط القبول

http://www.afca.gov.sa/SysAfcaUniver...onditions.aspx

قدم على وزارة الدفاع ولن تندم بحول الله
-رواتب مجزية
-ابتعاث
-دورات
-مكانة اجتماعية
-ترقيات
-سكن
-راحة في العمل
-وظيفة حكومية(امان وظيفي) ولا احد يتحكم في ترقيتك وزياداتك زي الشركات
-لك احترامك وهيبتك كضابط في العمل وخارجه


توكل على الله ولن تندم. العمر مرة واحدة فاستغله بالشكل الصحيح والتحق بالخدمة العسكرية

ولا تنسى موضوع السفريات والطلعات والجيات
شوف هذي لها ميزه وهذي لها ميزه .. الضابط سمعه حدك على رأس العمل بعدها تروح الهيبه وايضا الراتب بالمدنيه رح تاخذ راتبك زي ماهو عكس العسكريه ..

بصراحه في كل الوظيفتين يكون لك مكانتك الاجتماعيه

مع الخطوط لاسباب معروفه,, مصلحه

و كـضابط لهيبته و منصبه

من ناحية السفريات, ما اسافر خارج المملكه الا مره واحده في السنه

شف استخر ربك الخطوط حلوه وتامين طبي لك وعايلتك
وكلية الملك فهد حلوه بعد هيبه وضابظ بالامن الداخلي
وترقيات ماشين ويصرفون لك سياره
عليك بالاستخاره
دمت ب خير