|
رئيس الشركة يقول : ليس لك في اليوم الوطني أجازة
السلام عليكم ورحمة الله وبركاتة أخوتي الكرام أنا أعمل في أحدى الشركات في الإعدام الخاص موظف من درجة المغضوب عليهم براتب 2750 ريال هذا غير خصم التأمينات الإجتماعية عموما ما لكم بالطويلة راح أذكر لكم المعوقات بختصار هذا بالاضافة الى الطامة الكبرى وهي أجازة اليوم الوطني -داومي ما قبل رمضان 10 ساعات الى 10 ساعات ونصف -دوامي في رمضان 8 ساعات -داوم نصفي يوم الخميس قلت في نفسي لا لازم أشتغل يا ولد وخل وزارة العمل تولي اللى تقول دوام 8 ساعات وفي رمضان 6ساعات وأفكر راح أطلع أحسن من الإجانب اللى عندي وراح أترقى في العمل وصار عندي حماس وصرت من أحسن الموظفين في الشركة حضور وأنصراف وتفاني في العمل وأخلاص لا وبعد أعمل أعمال ليست من ضمن متطلباتي وليس من أعمالي والحقيقة أنني تعرضت لمضايقات لكن ليست من الإجانب الموجودين معي بالعمل كما هو الشائع والمتعارف عليه أتعرض لمضايقات من رئيس الشركة للاسف وهو سعودي للاسف ما راح أقول لكم وش نوع المضايقات عموما أنتظرت وأنتظرت وأنتظرت والآن لي 3 شهور ونصف ومامل خير أني راح ألقى نتيجة تعبي حتى جاءت القشه التي تقصم ظهر البعير وهو أنه يسمح لبعض الأجانب بالاجازة غدآ باليوم الوطني للمملكة العربية السعودية وهم أجانب هه ولا بعد بعضهم من الديانة المسيحية والهندوسية وأنا السعودي يحرمني منها ولا معي كذا أثنين سعوديين بعد مع أن عملي يجد من يسد مكاني وزميلي في العمل وهو من الجنسية الفلسطينية اه يالقهر وش أسوي ..... أشتكي لمين أنا ماعندي خبرة في هذا الأمور |
المادة السادسة من اللائحة 112 : لكل عامل الحق في اجارزة بأجر كامل في الاعياد والمناسبات التي تحددها اللائحة.
واللائحة تقضي بالمرسوم الملكي إجازة جميع العاملين في القطاع الخاص والعام بمناسبةاليوم الوطني , ولصاحب العمل الحق في عدم منحك الأجازه تحت مصلحة العمل على أن يتم التعويض بيوم آخر أو مبلغ نقدي عن اليوم الذي عملت فيه يوازي يوم عمل مثل مايعطى في العطلات الرسمية ( الساعة بساعة ونصف ) موفق,, |
حسبي الله ونعم الوكيل
اصبر وباذن الله ربي بيعوضك |
الله يعوضك خير يارب
----------------------------- |
الله يصبررك اخوووووي على هالشررررركه بالنسبة لي الحمد لله توني انفصلت من شركه جند للخدمات الامنية
والله اني انظلمت وتعذبت في هالشررركه انا وزملائي في العمل تقريبا 2 او 3 من اللي معي بالدوام وارتحنا من هالشركه اللي ما فيها نظام يمشي على الكل بس يمشي على الى اللي قد حالهم الله يعين |
الله لا يوفقك مديرك الله حسيبه لا تاخذ هم
|
الله يكون في عونكم .. هذا مشكلتنا يالسعودين نشوف الظلم والغلط ونسكت
|
الى متى والشباب العاملين في القطاع الخاص مظلومين من جمييع النواحي؟ |
الله يعينك
|
انا كمان ماعطونا اجازة لليوم الوطني مثلي مثلك
|
الله يكون بعووونك انا موظفه في القطاع الخاص بس وقعت على العقد وقريته طبعا من مكتب العمل
ومكتوب من ضمن الاجازات اجازة اليوم الوطني , ماعليك واشتكي انا وياك اخوي خلص تعبنا لمتى واحنا ساكتين على الظلم يعاملون الاجانب افضل منا ,بشنو اهم احسن منا اوووف . بس ماقول غير حسبنا الله ونعم الوكيل . |
حسبنا الله ونعم الوكيل
حمودا خلك قده وقدووود ولا تتأثر كثير بهذا اليووم وهذا نوع من انواع المضايقات وعرف ان هذا اليووم هو نقطة ضعف عندك وبكذا اكيد ما يوافق على طلبك وانت اكيد متعوود على تصرفاته بس خلك احسن منه فى كل شىء واثق من نفسك دائم وقل له فرحت اليووم الوطنى ماكانها فى القلووب موفى الاجازه ونووووم وقوولى شنوو صار معاك بعد سويت شكووه ولا دوامت شو صار معاك ووشكرااا |
الله يعوضك بخير
|
الله يكون في عونك
|
انا اشتغل في مجموعة السواني بائع في مول من مولات جده
وقبل اليوم الوطني سألنا عن الاجازة في اليوم الوطني وقال المدير (( مصري )) اللي يداوم تنحسب له الساعه بساعه ونص واللي ما يداوم ما عليه شي وايضا العيد اعطونا اربع ايام للسعوديين واللي يحب يداوم الساعه بساعه ونص يا غالي انا والله اجد مضايقات وعدم عدل في العمل لكن اقسم لك بالله ان فرصتنا احنا السعوديين افضل منهم اهم شي التزم في حضورك وانصرافك ولا تغيب وسوي المطلوب منك وقتها ولا ارجل شنب يتكلم عليك بالعكس راح يحترمك الجميع بالتوفيق للجميع |
الله يكون في عونكـ ...
|
| الساعة الآن 12:01 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين