♒ ♒ ناقش الحنّا ♒ ♒
 

يا ناقش الحنّا على كفك الزين
كفك عذاب اقلوب من غير حنّا

اخلفت عقّال العرب والمجانين
خلْق الله اتباريك منّا ومنّا

بنظرتك ترسلهم يسار ويمين
احد ٍ تبنّج معك واحد ٍ معنّى

يدْبك وحظّه خابره دايما ً شين
ما قد خبرته في المدابك تهنّى

يشكي على الاقصين منّك والادنين
وجا يشتكي فتنتك حتى فتنّا

وجينا نتفرج مثل باقي المعنّين
اللي شكى واللي لعيناك غنّا

حتى اجتمعنا فوق سته وعشرين
وكل ٍ يجهّز جيش غزوة مهنّا

وجنّا البنات المترفات المزايين
ولا التفتنا صوبهنْ يوم جنّا

الناس مثلك فيهم رجول وايدين
بس انت غير ومنوة اللي تمنّى

كفّك لحاله يجعل القاسي يلين
تومي على البزران ونطيح حنّا

شي ٍ جرى صاحين والا خبالين
لكن عسى الله يرفع الذنب عنّا

الله الله
ابيات غزليه جميله
اعجبني :
كفك لحاله يجعل القاسي يلين
تومي ع البزران ونطيح حنا

صح بوحك
وتسلم اياديك
ذوق باختيارك دايم

احترلمي لشخصك

حياك ونورتي الصفحه ، الله يديك العافيه ع الرد الجميل