::::: تكفون ألحقوني قبل فوات الآوان ::::::
السلام عليكم بإختصار شديد أنا ولله الحمد تجاوزت قياس بنجاح وأنا الآن موظف في قطاع بن لادن والتقديم على التدريس بدأ وأنا بصراحه هذه السنة ما أرغب بالتدريس إذا ماقدمت ولا على أي منطقة هل يضرني شيء ؟؟ وهل بإمكاني التقديم على السنة المقبلة ؟؟ شاكر لك من يفيدني وربي يرزقه بالسعادة في الدنيا والآخرة تحياتي للجميع |
وعليكم السلام
التقديم على الوظائف مو اجباري اخي الغالي ما يضرك شي |
فيه كل سنة تنتظر لانها عندها ظروف مثلا يبي قرب اهله و ينتظر الين ربي يفرجها عليه ولا ضره شي
التقديم اختياري و غير اجباري |
جامعي شريعة قانون
--------------------- بالضبط كلامك صحيييييح أنا اللي خلاني أتأخر سنة بسبب رواتب بن لادن ( ماشاء الله ) والشيء الثاني أبي أجمع تكاليف زواجي لأني أنا ساكن بمكة وعملي بمكة فالصرفية قلييييلة ولله الحمد وأقدر أجمع بسهولة ربي يرزقك الجنة ويرزقك الأكل الحلال الطيب شكرا |
برأيي الوظيفه الحكوميه فرصه لاتعوض
|
اللهم امين يارب
ويعطيك على قد نيتك و يتسهل زواجك بإذن الله العفو بخدمتكم |
كلام الجماعة صحيح ..
التقديم اختياري بس اهم شي تكون مجتاز قياس ومسجل بياناتك بجدارة ممكن باي وقت تعدل عن رايك وترغب بالالتحاق بالوظاييف الحكومية لاكن طع شوري وانا اختك والله العظيم وظايف الحكومة انها ابرك الف مرا ساعات عمل اقل ورواتب افضل واجازات اكثر وغير كذا امان وظيفي مايجي كل من هب ودب يتفلسف عليك او يشعرك بالخوف ان تفقد شغلك وعموما الاستخارة هي الفيصل !! موفق اخوي :) |
أخوي أمرك غريب ومن إسمك بعد أغرب
بن لادن الله يرحمه وظيفته ماهي تابعه للدوله عشان تضمنها وبعدين أكبر دليل إنك مانت مرتاح من وضعك وهذا الواضح. هو ترددك في الأمر .. ألحين أنت شايف الناس حولك وحواليك ينتظرون الوظائف الحكومية بشق الأنفس وأنت يمكن تحصلها بمشيئة الله وتقول بتأجلها أنت لا تفكر في نفسك فقط وراك زواج وبيت ومسؤولية وزوجة تطلب منك الضمان لحياتهم ومستقبلهم .. وش يعني لو جاك التعيين بعيد كلها فترة وترجع لديرتك سيد قومك بعدين الباب اللي يجي منه خير لاتسده وترفس النعمه ترى النعم زواله والحفاظ عليها بالشكر والاستغفار .. أنت استخير الله واستفتي قلبك حتى لو الناس افتوك لاتتردد في شئ فيه لصالحك فتندم بعدين .. قدم وانا أختك مانت بخسران شي واترك عنك الشركات اللي ماتدري وش نهايتها .. ولا تترك الوظيفة الحاليه إلا بعد أن ينزل إسمك ويرشحون ويوافقون عليك نهائي والله يوفقك ويسدد لطريق الخير خطاك .... |
الساعة الآن 07:29 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين