|
مناطق الجنوب ..
السلام عليكم
مممم مثل ماتعرفون ان شاء الله بكرة التقديم ونكتب الرغبات وانا بكالوريوس عربي وكل المناطق سهل اختيارها ماعدا العقبة الدائمة مناطق الجنوب اهلها حبوبين واجواءهم باريسية لكن تبقى مناطق جبلية صعبة ووعرة والعيشة فيها صعبة لمغترب رجال كيف عاد بامرأة ؟ والحين ابي اسالكم محايل عسير بيشة صبيا سراة عبيدة النماص جيزان نجران وش اسهل وحدة فيهم والاصعب ؟؟ واذا كنسلت الجنوب كامل تضيع فرص تعييني ولا في مجال اتعين بالمناطق الثانية ؟؟ مع العلم عاطلة 11 سنه ونقاطي 79 مشورتكم يا اهل الخبرة بجد محتارة الفرصة تجي مرة وحدة وبرضو مابي اغامر :court: |
عليكم السلام
والله انا ماعرفها زين مناطق الجنوب لكن اللي اعرفه ان النماص حلوه جدا وبعدها بيشه يمدحونها اما نجران وجيزان خليها اخر شي. يجي من يفيدك ان شاء الله ،، موفقه ان شاء الله |
اذا عربي ونقاطك ماشاءالله 79
بنسبة كبيرة جدا تعيينك ماراح يكون فالجنوب اهتمي بترتيب اول 5 مناطق لان نقاطك عالية وراح يكون تعيينك باول 5 الى 8 مناطق اما مناطق الجنوب الاسوء جازان نجران صبيا وهذه تكون في نهاية الترتيب |
شووفي انا مرة سمعت ان يقولون بيشة من اوعر مناطق المملكة بالنسبة لهجرها وقراها بس مو متاكدة من هالكلام تاكدي اختي وسووي بحث اكثر قبل لاتحطينها
|
رغم ان السؤال للاخوات الكريمات ولكن حبيت افيدك درجاتك جيدة وفرصتك كبيرة باذن الله ومن خلال الاحتياج للغة العربية ارشح لك اول 3 مناطق النماص ( مدينة جميلة وسياحية ومكتملة الخدمات وبها شقق ووحدات وفنادق ومواصلات ) القويعية ( مدينة جميلة وخدماتها متكاملة ويوجد توصيل من القويعية لباقي المناطق التابعه لها وايضا يوجد توصيل من الرياض الى القويعية والمناطق التابعة لها ) عسير ( منطقة معروفة وسياحية وتوابعها كلها جيده ماعدا منطقتين تقعان في تهامة ) اكتبي اختياراتك على حسب الاقرب والاصلح لك وبالتوفيق للجميع |
اقتباس:
مشكور ما قصرت |
اقتباس:
يعني 79 تعتبر زينه ؟؟ ويعطوني رغباتي الاولى ولا ياخذون بالاخيرة لو كتبت الجنوب !! او اكنسلها خير شر |
اقتباس:
والله احترت ومعلومات النت تحير كثير لانه لما بحثت يمدحون بيشة والوعورة في الجنوب كله واردة بس ابي ع الاقل شي مريح العيشة فيه |
اقتباس:
والمناطق ماهي محصورة على اللي انا ذكرتها في مناطق كثير مثل تبوك حايل القصيم الحفر الخ بس انا اسال عن الجنوب عشان احطها باخر الرغبات او اكنسلها |
ياجماعة المقصد ابي منطقة سهل المعيشة فيها مثل باقي المدن
يعني سوبر ماركت كبير / بنك / مجمع تجاري / خدمات مويه كهرباء سكن شي مأهول وطبيعي ماهمني القرب او البعد هو بكل الاحوال بتكون المناطق بعيدة علي وبسكن فيها لكن الجنوب طبيعتها صعبة علي مره |
والله يااختي موبس انتي حتى انا محتارة بالجنوووب
|
اقتباس:
وتعيينك قريب ان شاءالله ويكون في رغباتك الاولى لكن ضروري تضعين جميع الرغبات حتى الجنوب للاحتياط ,, نقطة لابد التذكير منها حتى لو جاء التعيين في المدينة او مكة او القصيم او الرياض مو شرط يكون التعيين داخل المدن ممكن تكون في قرى مافيها اقل متطلبات الحياة وتبعد عن المدن من 200 الى 250 كيلو |
بالنسبة اشوف افضل بين اللي ذكرتو من المناطق نجران حتى العيشه فيها بسيطه بالنسبه للمناطق الثانية كايجارات وكذا صح ماعندنا مجمعات كثير لكن تعتبر كحياه افضل اتكلم عن المدينة نفسها وبالتوفيق للجميع
|
واي استفسار انا حاضر
|
اخويه اعطينا فكرة عن نجران دامك من هناك واذا عندك معلومات عن الدوادمي والقصيم وحائل والرس وخاصة القرى
|
معليش ياغاليه غير نجران ماعرف كثير
اما نجران فابشري ايش تبين تعرفين عنها من ناحية اقصد |
ترا لنجران محافظات مثل شروره ويدمه وحبونا وبدر الجنوب وثار بس ان شاءالله اللي يتعين بنجران يكون تعيينه بنفس المدينه
|
ياليت تقول لنا من ناحية العيشة فيها هل هي صعبة ونائيه والقرى متباعدة
|
أخوي سعودي… ..لاهِنت
شرورة متوفرة فيها الخدمات وهل هي وعرة وكيف القُرى متباعدة ؟ |
اقتباس:
الله يطمنك ويبشرك وبالنهاية الرزق بيد الله ان شاء الله خير وايوه انا اعرف مو شرط بالمدن ممكن قرى لكن عندي صحراوية ولا جبلية .. |
شروره صحراويه
|
اقتباس:
الله يسعدك اخوي كيف الاوضاع؟ عاديه؟ فيه صفارات انذار او شي زي كيذا؟ ولا امان؟ المطار شغال دايم؟ وطبعا بنجران مطار؟ وبرايك الافضل اختار صبيا او نجران كرغبه اولى ...من ناحية الامان بسبب الاوضاع واكره المرتفعات.... رايك يهمني لان حقدم نجران على رجال المع ومحايل بسبب الجبال....بس استبعدت نجران اول بسبب الاوضاع.. |
وعليكم السلام ..
بيشه ان شاء الله انها زينه وعوره وكذا ما اعرف بصراحه ؟.. بس كتبتها باخر الرغبات ومحايل عسير تعينت فيها اخت زوجي وعنها تقول جميله مافيها خطوره وفيها خدمات .. وقدمت عليها بعد .. والله يقدم لنا اللي فيه الخير |
اقتباس:
حبيبتي الله يسعدك تاكدي من المعلومات .. محايل فيها عقبه معلقه بين السما والارض تفجع, وهالنقطه لازم تنذكر لان فيه ناس فيهم فوبيا مرتفعات.. شوفي العقبه باليوتيوب تفجععع. |
لا ي بنتي في طريق للساحل
خوفتيني بجد والله :( |
شفته وقررت احذف رغبات الجنوب :(
|
رياضيات ونقاطي 79 أو 80 مانيب متأكدة
فهمت من ردودكم أن فيه مجال تتحقق رغبتي بالمناطق اللي حولنا بالوسطى |
السلام عليكم ~
بأختصار شديد ~ مناطق الجنوب فيها سراه الي هي مثل ابها والسوده وفيها تهامه يعن مثل محايل وصبيا ~ طيب محايل مدينه تنقسم الى قسمين ~ اصل المحافظه والمدينه وكذلك القرى البعيده يعني اخر منطقه ممكن تروحون لها في محايل جبليه تبعد تقريبا عن اصل محايل 40 كيلوا او 45 كيلو تراب ووادي بس بسيطه بتقدرين تسكنين في محايل طبعا محايل تبعد عن ابها 60 كيلو وعقبتها سهله جدا ما فيه منها خوف وابها يوجد مطار وكل شئ ~ النماص ~ جدا جدا جدا رائعه منطقه واحده الي اسمها منصبه تبعد 60 او اقل وهي الحين متطوره قليلا صار فيها مكان لسكن فندق صغير سابقا كان السكن بالمدرسه ~ صبيا منطقه تابعه لجازان وهي منطقه سهله وجميله بس اجوائها متعبه شوي ~ نجي لبيشه ~ وهي اخس المناطق السابقه ~ لكبر المنطقه وقل الحضاره في الباديه منها - نجران بوجهت نظري ان فيه مناطق متعبه فيها تصعب على النساء الذهاب اليها لوجودها في الصحراء واسف على الاطاله واسأل الله لنا ولكم الصالح |
اقتباس:
الله ييسر لك ,عندك وقت فكري والله يكتب لك ولي وللجميع الخير. |
اقتباس:
شكرااا مقارنتك للاسف مو ذاكر اهم نقطه.. كم يبعد المطار عن المدينه؟ هل يوجد مطار بنفس المدينه. |
اي نعم نجران فيها مطار بس مقفل عشان الاوضاع حاليا وبالنسبة للاوضاع فانشاءالله نقول انها تمام وحتى المدارس مابتفتح الا اذا تحسنت الاحوال وعلى كل حال الواحد مايدري وين الخيره
|
بالنسبه لجميع المناطق سواء الجنوب والا غيرها الهجر يكون فيها متوسط وثانوي والا بس ابتدائي...؟؟؟؟؟
عشان احذف بيشه لو الهجر فيها متوسط |
| الساعة الآن 04:50 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين