افضل تخصص في كلية التقنية
 

السلام عليكم
ابي اسأل عن افضل تخصص بالتقنية و يكون له مستقبل ويقدر اخوي يتوظف في اي مجال سوا كان في الوظائف الحكومية المدنية والوظايف العسكرية

الدبلوم يشمل ستة أقسام رئيسة تضم عشرة تخصصات فرعية؛ وهي: قوى كهربائية، شبكات، برمجيات، إلكترونيات صناعية وتحكم، محاسبة، إدارة مكتبية، محركات ومركبات، مساحة، عمارة، إضافة إلى قسم التقنية الخاصة "فئة الصم".

الله يجزاكم خير ساعدونا وربي ماعندنا اي خلفية عن كلية التقنية ومانا عارفين عن تخصصاتها

انا خريج ادارة مكتبية هذي السنة الخامسة عطاله معدلي 4من 5

لا حكومي ولا شركات

قدمت على كل شي لاكن لاجدوى الى مصفف ارفف ولا قبلت ؟؟؟؟


مع العلم تخصص اداره مكتبية سهل ومن افضل التخصصات الي طرحتها من ناحية التوظيف بالقطاع الحكومي

((حسبه بسيطه ))

اذا اخذت معدل 5 من 5 راح تصير نقاطك بجدارة 75 وكل سنه تحسب نقطتين
واقل واحد توظف عن طريق جدارة قسم ادارة مكتبية نقاطة 83 يعني يبيلك اقل شي 4 سنوات على بال تتوظف بالمرتبة الخامسة الدرجة الرابعه .

اتمنى اني افدتك بالي اعرفه وشكرااا

على حسب معرفتي الكهرباء - الانتاج - الكترونيات من افضل الاقسام المطلوبة بالشركات الكبيرة خاصة اذا كملت مرحلة الهندسه بعد الدبلوم لكن الافضل ميلولك عشين تقدر تبدع وتجيب معدل وصدقني اذا تبى عروض وظيفية ورواتب خلك بالشركات .

الله يوفقك

اهلا وسهلا بحكم اني متخرج منها ولله الحمد بمرتبة الشرف الثانية ميكانيكا انتاج .. والتخصص القوي في الكلية ينحصر بين اثنين انتاج وكهرباء والميكانيكا فيها 3 اقسام انتاج - تبريد وتكييف - ومحركات ومركبات


وموفقين .. انسب تخصص للي جاي من ثانوية عامة انتاج وبس

اللهم اصلح لي شأني كله ولا تكلني إلى نفسي طرفة عين لا إله إلا أنت

نصيحه ابعد عن التقنيه بتضيع سنتين من عمرك على الفاضي ادخل جامعه اصرفلك

انا دخلتها ولي سنتين عاطل وذحين ادرس بالجامعه من اول وجديد


الله يعين دعواتكم

يااخوي شوف وخذها قاعدة ونصيحة ادخل اي تخصص وشد حيلك حاول انك بااول ترم تضغط على نفسك بالمذاكرة وحاول انك تجيب معدل فوق الاربعة وصدقني اذا تخرجت ومعدلك حلو راح تتوظف باسابك او ارامكو والشركات الكبيرة والمعروفة
انا تخرجت من كلية التقنية تخصص محاسبة وللاسف معدل 2.77 جيد والله قدمت على البنوك والشركات وماقبلوني زملائي واحد معدله 4.70 ممتاز توظف بالبنك
وذا الحين فصل من البنك ويبي يبتعث
بس نصيحة اجتهد اجتهد بدراستك

قوى كهرب / انتاج ميكانيك / محاسبه / محركات ومركبات

كل ذي حلوه بس يلزم وجود خبره

انا تخرجت بمعدل 4.67 من 5 تخصص محركات ومركبات ولي 8 شهور لقيت عروض بس ما ناسبتني
بالاخير اقولك
استخر وشوف انسب تخصص تميل له وشد حيلك وحاول تسجل بتامينات حتى لو بدون راتب اهم شي يكون تسجيلك فيها نفس تخصصك عشان لما تتخرج تكون لك خبره اقل شي سنتين

الوظيفة بالمرتبه الاولى تحتاج واسطه
واذا ما عندك واسطه ف الخبره تكون بديل لها
والله يوفق الجميع