اسمحيلي ياملاك الزين ياكل الدلال
 

اسمحيلـي يامـلاك الزيـن ياكـل الـدلال
فيه كلمه واتعبتنـي عرضهـا مـن طولهـا​

كل شخص له حبيب وله ميول وله خصـال
وانت حبي ياخصال النفس وانـت ميولهـا

بس قلت (ميولها ) فزيت وطيحت العقـاال
اختلفت وقمت اناظر في الجـدار وحولهـا

ماقدرت ألـد عينـي للرمـوش ام الظـلال
خفت تزعل مهرة .. عنـي يزيـد جفولهـا

استدارت ثـم قالـت عيـد ياولـد الحـلال
ماسمعتك زيـن مشغولـه وانـا مشغولهـا

قلت لا لا فيه واحـد بينـي وبينـه جـدال
وانتهت كـل المشاكـل وانتهـى مفعولهـا

اضحكت مثل الغرير ثم قالـت لـي تعـال
قولهـا والله ترانـي قـد نويـت اقولـهـا

قلت احبك ايه احبك ايـه احبـك ياغـزال
ياسحابـه كـم رجيـت الله يـوم هطولهـا

استحليتي خفوقـي مثـل جنـدي الاحتـلال
في السنة فيها فصول انتي ربيـع فصولهـا

لين قلبي شـاور عقلـي بحفـل الاعتـزال
عن سواها وعيد ميلاده فـي يـوم دخولهـا

وقفتني قالت اصبر بس انـا عنـدي سـؤال
او هـي عـدة اسئلـة ولا لقيـت حلولهـا

انت شاعر مبدع عنـدك سواليـف وخيـال
هل انا بنت الخيال اللـي قـدرت تطولهـا

قلـت لا بالله انتـي كـل اسبـاب الجمـال
حد معقـول الحسـن هـذا ومـو معقولهـا

قالـت الشعـار فيهـم كـذب والا احتيـال
قلت قصدك كـل كلمـه مايشـوف فعولهـا

الا اللذيـن آمنـوا يابنـت اعطينـا مجـال
لا تزيدين النفـوس حمـول فـوق حمولهـا

كم رقيت اجر صوتي لك على روس الطوال
وعنـد بيتـك كـل بيبانـك عليهـا قفولهـا

انشدي جدران بيتك عـن سواليـف الليـال
كـل لحظـة والتفـت بالله يـوم وصولهـا

قالـوا ان العشـق احيانـا يوصـل للهبـال
قلت فعـلا .. سجلـوا انـي انـا مهبولهـا

اشهدي ياكل نجمه واشهـد اشهـد ياهـلاال
اني اعشق صعبها من قبل عشـق سهولهـا

اضحكت مثل الغرير ثم قالـت لـي تعـال
قولهـا والا اقولـك خلنـي انـا بقولـهـا

ايه احبك ايـه احبـك دام للشاعـر خيـال
اختلفت وقمت اناظر في الجـدار وحولهـا


احترامي :h:w

صح لسانكك

صح بدنك ..

سلمتي
بنتن لقحطان:Thumbs:

يسلمتس
"

صح لسانك بنتن لقحطـآن


اسمحيلـي يامـلاك الزيـن ياكـل الـدلال
فيه كلمه واتعبتنـي عرضهـا مـن طولهـا​

صحت جوارحك
نورت -؛

مبدع فهد الشهراني .. وشكرا لرقي نقلك الذائق

العفو
وشكرا لتواجدك الانيق
احترامي