اخطأت في تسجيل التخصص بالمطابقه
السلام عليكم
اليوم رحت اطابق عبيت الورقه وسلمتها وخذ مني نسخة شهادة ونسخة بطاقة احوال وبعد مارحت للبيت طالعت الوثيقة طلعت مخطي في اسم التخصص فبدلا من كتابة دراسات اسلاميه فقه واصوله كتبت ثقافة اسلاميه فقه واصوله هل هناك اشكال ؟ وعموما هل الاخطاء في هذه الورقه تسبب مشاكل او استبعاد لاقدر الله ؟ مع العلم انهم ارفقوا معها نسخة موثقه من الوثيقه وصورة لبطاقة الاحوال طمنوني الله يجزاكم خير هل اروح اراجعهم واقولهم ولا اتوكل على الله وانتظر الاسماء ؟ |
والله يالذيب ودي انك تروح تراجعهم أفضل .. ولا يلعب عليك الموظف يقولك عادي لانك ماتعرفه ولايعرفك ولاتفرق معه رح لاكبر مسؤل تقدر تقابله وضح له الخطا .. لان فيه افضليات حتى على اقسام التخصص نفسه .. ومايضرك شي لو رحت وان شاء الله خير ..
|
وسع صدرك امورك بالسليم ان شاء الله لان عندهم الشهادة ويشوف وش تخصصك والورقه زود بيانات .. لكن مايمنع انك تروح الاحتياط واجب ..
|
ايوه رووح كذا صار مع مع شخص اعرفه واستبعدوه .. وبعد مراجعات صلح الخطا وباشر بالتدرييس ..
لايروح عليك التعيين وروح عدل ... بالتوفييق |
من رأيي وحتى تطمن روح راجعهم ووضح لهم ولا تطلع من عندهم إلا وانت واثق ان الامر تصلح
افضل وترتاح بدل ماتجلس على اعصابك لين تطلع الاسماء مع المناطق والله يوفقك وييسر لك كل امورك |
اخي الغالي كيف ترجع البيت و ما تطالع بالورقة عندهم
بالعقل لاني وقعت استلام نسخة منها وقراءتها اتوقع راحت عليك لان الموظف بالطائف يقولون نرسل الاوراق على طول بس روح بكره وانشب للموظف نفسه وقوله انت مخطي بالتخصص لان الثقافة الاسلامية مو ضمن اولوية التخصصات في التربية الاسلامية |
راجعهم افضل ترى قبل المقابلة في ادارة التعليم المعين عليها راح يكون تدقيق دقيق جداً على الوثيقة والسجل الاكاديمي (يتأكدون من المواد التربوية)
اي خطأ راح يستبعدونك من المقابلة فالافضل ارجع للخدمة وخلة يصحح الخطأ |
الساعة الآن 07:41 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين