هل تنصحوني أتوظف أو أستمر على الراتب الضمان
 

السلام عليكم ورحمة الله وبركاته

هل تنصحوني أتوظف أو أستمر على الراتب الضمان

علماً بعد كم سنة يصير عمري 40 سنة

وشهادتي ابتدائية لكن حصلت وظيفة حارس أمن 4800 ريال في مستودعات الدواء

وأفكر بالزواج والمسؤلية على نفسي وزوجتي إذا تزوجت إن شاء الله

وش رأيكم؟

أشكر الله واحمده انك ليقيت وظيفه وراتب الضمان ياخوك مو دايم لك و4500 تقارنها 1000 شهري توظف واتكل على الله يشهد الله لي سنتين مخلص ثانوي ما بقيت مكان مارحت له ما لقينا وظايف فرح للدواء اشرف لك والله يرزقك بالزوجه الصالحه يارب

انصحك بالوظيفه مهما كان الراتب الوظيفه
مستقبل لك ولمن بعدك وراتب الضمان ﻻيقضي
لك حاجه وﻻتستطيع تصرف منه على نفسك وﻻ على من
تعول الله يوفقك ويرزقك وجميع المسلمين والمسلمات....

ماشا الله تبارك الله
الله يسهلكم
انا لو مكانك زي ماقالو اللي قبلي فعلا معاش الضمان مايتقارن مع
راتب الوظيفه وان شا الله مع الايام بتزيد
وصدقوني كل شي يجي ومعاه رزقته يعني الحين ان شا الله اذا تزوجت وانجبت عيال والله العظيم بيزيد وعن تجربه وهذا اللي صار مع احد قريباتي كان راتب زوجها م يتعدى الفين ورب الكعبه انها م تخلف احد الا ربي يزيد في راتب زوجها والحين فوق الست الاف
الله ييسر لك ويكتب البي فيه الخير واولا واخر اللي يستخير م يضيع
وربي عنده كل خير

تكفى تكفى تكفى ياشيخ توظف وخل الضمان يولي طع شوري
أسأل الله العلي العظيم أن يرزقك من حيث لاتحتسب ويوفقك بزوجه الصالحة

الضمان يمديك ترجع لة من غير شر..

بس الوظيفة امان و استقرار و حس بالمسؤولية ..
جرب منت بخسران شي\\وفالك التوفيق

جزاكم الله خير

لكن أخاف أطلع من الوظيفة لأن مو متعود على العمل لأَنِّي من سنوات طويلة جالس لا عمل ولا شيء

طول وقتي أكل وأنام

وأخاف أصير مثل جارنا عمره مثل عمري قرب 40 سنة يشتغل ويطلع يقول مو متعود على الشغل يكفي عنده محلات يجيها أي وقت

توظف الله يسعدك وخل عنك مو حق وظايف اذا شفت الدراهم بتستانس

إذا رجعت إلى الضمان هل يطول يعني في صعوبات مراجعات المكتب الضمان مثل 6,3 أشهر حتى ينزل لي الراتب الضمان مثل الطلب أول مرة

اخي الكريم شكلك كاتب الموضوع للدردشه
واﻻ هل يعقل رجل عمره 40 عام ماتوظف ولما لقي عمل
يقول يمكن ماواصل بالعمل مو متعود اذا بهذا العمر وهذا كﻻمك
اجل متى بتعتمد على نفسك الله المستعان