الاستشارة قبل التجاره ( هذا عنواني عضو جديد ) استشير ولا تتردد
 

الله يوفقكم اخوي
وشكرا على مبادرتك وطلبك تقديم المساعدة للموجودين
ولكن الأغلبية هنا محتارين
ولكن أحب اقولك بأنه قد خرج من هذا المنتدى الكثير من التجار بعد أخذ الإستشارات والخبرات من اهل الخبرة في المنتدى

تحياتي

شكرا لك على مبادرتك ومساعدة ابناء بلدك الله يعطيك على قد نيتك

لو حابه افتح بزنس بالبحرين ايش الأجرائات اللي اسويها كخطوه أولى
شكرا لك

بوريفاج

اشكرك جدا اخوي على مساعدتك لأخوانك الاعضاء
ماهي المميزات والتسهيلات اللي تقدم للمستثمر الخليجي وهل فيه تعقيد
وماهو الافضل الاستثمار بالبحرين او دبي

وان شالله من اعلى الى اعلى يفيدونا وان شالله نقدر نفيدهم والشكر لكم انتو

تسلمين الشيخه الشكر لله
اول الخطوات
انك تجيبي معك غير جوازك حسن سيره وسلوك
وتفعلي البطاقه السعوديه في مملكة البحرين تسويلك عنوان لازم تاستاجرين سكن باسمك والكهرباء تكون باسمك
عشان يدخلونلك عنوانك في البحرين بالبطاقه السعوديه لن احين لقو البطاقه السكانيه البحرينيه للخليجين
وبعدها تتجهين هيئة تنظيم سوق العمل وتقدمي على اي مشروع تبينه
واي استفسارات اخرا لا تترددين


الشكر لله اخوي
المميزات ياخوي كثيره في البحرين
سرعة استخراج السجل التجاري
العماله يعطونك الي تكفيك وزود يعني مثلا لو طلعت سجل مقاولات اول مايعطونك خمس تاشيرات
بس جيب العمال عليهم تقدم رفع سقف العماله من غير توظيف بحرينين
ويعطونك اربع او خمس ك حد نازل يعني عشر فيز
بعدين توظف بحريني ويعطونك اربع او خمس على حسب العقود وحجم العمل وبسرعه وبدون اي تلكيع
وماعندك مصاريف على السجل الا تجديده اذا انتهى كل سنه 500 ريال
واجار مكتبك
واذا عندك العمال التامينات ياخذون 4% من راتب الموضف الي عندك
عندك تمكين تشمل حتى المستثمرين الاجانب
اي بضاعه تبي تشتريها تدفع نص قيمتها وهم يكملون الباقي

الله يوفقك اخوي عبدالله و يرزقك


متابعه لموضوعك

ايش التجاره الي ماشي سوقها هالايام
يعني مثلا عندي مبلغ بسسيط مثل 2000 ريال كيف اقدر اسوي فيه مشروع ناجح يدخل ارباح؟؟

هلابك ومرحبا بيك
طال عمرك في افكار كثيره بس الي اشوفه
انك تشتري كذا تشرت ماتكون عليه اي كتابات ولا رسومات ( ساده ) وتصممين عليها صور او رسومات او شعارات انديه لكرة القدم بشكل احترافي تجذبلك الكستمر وركزي على الاطفال الصو الي تجذبهم .. وتتعاملين مع مطبعه تطبعي التصاميم على التشرتات واذا مالك في التصميم النت متروس صور مبدعه وتجذب وتعاملي مع حد يعرف للفتو شوب
وتسوقيها بدايتا مع ربعك واقاربك واهلك وتلتقطي صوره بشكل احترافي وتفتحي صفحه الكترونيه وتعرضي اعمالك التسويق الالكتروني بهاذي الايام صارمهم وبالدرجه الاولى وفي ناس تطلب صور اولادهم للاطفال على التشرت
وهم ينطبق بعد مثلا على فلاش ميموري تشترينها وتطبعي عليهاشعارات مثلا نوادي الكره النصر والاتحات والهلال وتسوقيها وكثير ناس طبقها وسوقتها وانجحت

الله يوفقنا واياك