|
تجمع المعلمين المعينين الجدد في الدمام
السلام عليكم ورحمة الله وبركاته .. مبروك للجميع المعلمين الجدد والذين تم ترشيحهم للمنطقة الشرقيه .. اول شئ حطوا في بالكم التوجيه راح يكون مو للمدينه الدمام نفسها لاني انا مثلكم وقعت في الفخ كنت اظن التوجيه راح يكون في مدينة الدمام نفسها وانبسطت الا اني صدمت التوجيهات غالبا وحسب ماسالت يكون بقرى وهجر تبعد عن الدمام مئات الكيلوات ... واغلب التعيينات تجي بهالاماكن الرفيعه - الصرار - النعيريه - الخفجي - بقيق - قرية العليا طبعا انسى الدمام الخبر القطيف صفوى والاماكن الجميله هذي حسب ماسمعت مكتفين ومستحيل يتوجه لها معلم جديد سويت هالتجمع عشان كل واحد يعلمنا وش يصير معه وتوجيه والاستفسارات وغيرها ارجو لكم دوام التوفيق |
وعليكم السلام ورحمة الله وبركاته
الف مبروك التعين يا وششششش اسمك غريب😂 انا من اللي تعينوا في الدمام لكن ما فيه امل نتعين في الدمام او الخبر او الظهران او صفوى ؟ |
ما عندي اي مشكلة في اي مكان في الدمام اللي فيه الخير يقدمه ربنا
|
معليش اللي تعينو بالدمام ممكن نعرف نقاطكم وتخصصكم ؟
|
الف مبروك التعيين في مدينتي الجميله بكل مدنها وضواحيها وقراها
اول شغله مابتحس بغربه ولا بوحشه ولا بتطفش ولا بتتعب بالسكن ولا بأي شي بالخدمات واهل المنطقه وشبابها وناسها عسسسسل ومشكلين من كل نوع وجنس ولون وعرق ومن كل قاره اعني ذلك بسبب وجود الشركات الكبرى بالمنطقه الان نجي للي تقولونه انه انصدمتو وقراها تبعد مئات الكيلو مترات تراها سهله ! اول شي بقيق ( تسكن بالعزيزه او الظهران او الخبر وبينهم وبين بقيق حوالي 70 كيلو يعني تاخذها بثلث ساعه او نص ساعه بالكثير ! وبقيق ايضا مرررره كويسه يعني تقدر تسكن ف بقيق وتصير تروح وتجي عالخبر والدمام تروح لربعك تسهر تنبسط تتمشى كنك بين شمال الرياض وشرقها اوكي ؟ ! طيب النعيريه ! بينها وبين الجبيل ساعه فقط وياعيني عالجبيل وجمالها وحلاها وتطورها وبين الجبيل والدمام فقط ساعه الا ربع يعني امورك تمام طبعا الجبيل فيها كل شي من مطاعم عالميه الى ماركات عالميه الى مستشفيات كبرى الى كورنيش الى مقاهي الى الى الى يعني نفس وضعية الدمام والخبر لا لا صح نسيت اشاراتها اتوماتيك زي نظام ارامكو ع اساس انها الهيئه الملكيه ( الجبيل الصناعيه ) وفيه الجبيل البلد بعد نفس الحكي بس مو ماسكتها الهيئه الملكيه لكنها مثل الدمام تقريبا تمام ؟ نجي للخفجي ! الخفجي مدينه محافظه يعني وامورها تمام التمام وهي على منفذ الكويت وفيها كل شي تبونه ومتطوره ومافيه اي مشكله معها وكل يوم وانت بالافينو وبالكوت بالكويت الشقيقه ^_^ وبينك وبين الجبيل ساعه ونص الى ساعتين وبينك وبين النعيريه اقل من ساعه تمام ! القريه العليا تقع بالنص مابين النعيريه وحفر الباطن وتقدر تسكن بقريه نفسها وتروح وتجي عالحفر من قريب لانه الحفر اكثر تطور من القريه العليا واقرب مطار لها مطار حفر البطان ثم مطار الدمام وتبعد عن النعيريه قرابة نص ساعه بالسياره تقريبا والربيع فيها يجنن مررره واغلبية سكانها من قبلية مطير وبني خالد وتبعد عن الخفجي حول ساعه وربع بالسياره وساعه ونص وانت بجوازات الكويت الصرار تبعد عن الدمام حوالي ساعتين هذا اللي اعرفه عنها واذا تبون بجيب لكم ترتيبها بالضبط عن الدمام بس ترا كل الشرقيه سهالات ومافيها الا العافيه معلومه بناتنا امهات 17 سنه كل يوم يطلعون من الخبر والدمام الصباح ويروحون يداومون بكلية النعيريه ويرجعون بنفس اليوم يعني سهالات لكن انتبهو من ساهر *_* |
من الدمام إلى السفانية 235 كلم
من السفانية إلى الخفجي 106 كلم (من الدمام إلى الخفجي: 360كلم) من الدمام إلى بقيق 80 كلم من الدمام إلى النعيرية 210 كلم من النعيرية إلى الصرار 56 كلم (من الدمام إلى الصرار: 256) من النعيرية إلى القرية العليا 93كلم (من الدمام إلى القرية العليا: 303) من القرية العليا إلى الرفيعة 95 (من الدمام إلى الرفيعة: 398) جبت لكم هالمسافات بالضبط طبعا جميع الطرق مسفلته |
انا تخصصي تربية خاصة وتعينت في الدمام الله يسهلها ان شاء الله
ام بروكي الله يعطيك العافية ماقصرتي كفيتي ووفيتي..وفالك التعيين بإذن الله |
اقتباس:
واياك يااارب اي شي حاظرين يامرشحين الشرقيه بالخدمه وحياكم الله مره ثانيه بمدينتي :h:w ايوه صح اذا جيتو وسألتو عن ادارة التعليم وماعرفتو وينها تراها بجنب الاماره اسألو عن امارة المنطقه الشرقيه او ابد تعالو الكورنيش مجمع مارينا مول على الكورنيش مباشره خلوه يساركم وبيجيكم دوار الصدفه لونه ازرق خلي البحر يمينك وخذ مع الدوار يسار وسيده تلاقون ادارة التربيه يساركم عالزاويه وبس ^_^ |
و الله يا أم بروكي خليتيني من كلامك ابغ اتعين في الشرقية 😍
|
اقتباس:
من مايبي الشرقيه !! ;):Thumbs: |
| الساعة الآن 09:30 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين