|
مشكلة في الوظيفة
السلام عليكم ورحمة الله وبركاته كل عام وأنتم بخير ومن العايدين لدي مشكلة في الشركة التي أعمل فيها حيث ان الوضع بدأ يتأزم لدي أتمنى منكم مساعدتي حتى أجد حل لمشكلتي طبعأ وكما هو متعارف ان العقد شرعية المتعاقدين وانا وقعت عقد على وظيفة له مسمى وظيفي بناء على شهادتي واختياري لهذه الوظيفة وفور مباشرتي للعمل طلبو مني الانتظار والمباشرة بعد أسبوع وبعد أسبوع تفأجات بأنهم نقلوني لقسم أخر و بوظيفة أخرى سألتهم وش الموضوع كل يوم يطلعولي بحجة مرة يقولو مدير القسم يحتاج واحد عنده خبرات ومرة يقولو وظيفتك تحتاج تكون متمرس باللغة الإنجليزية وهلم جر وكل ما أقول لهم ما أبي هذه الوظيفة يقولون ما في شاغر رغم ان الوظيفة لي وقعت عليها لا زالت شاغرة الى الأن قلنا طيب دام ان الراتب نفسه .... يوم 28 رمضان يتصلون علي أساس بعد الإجازة باشر في القسم الجديد يعني هم الأن مرتين ينقلوني .................................................. ............................................... طبعاً هذه الوظائف لي نقلوني عليها لا تناسب شهاداتي ولا راح تفيدني كخبرة لانها لا تناسب مجال تخصصي .................................................. ................................................ أفيدوني وش السوات معاهم الله يجزاكم خير |
يمكن يبون واحد ثاني علشان كذا يقولو خبرات وانجليزي هاذي تصريف شركات تعودنا عليها
واذا الوظيفة ماتناسبك ومش الي موقعها في عقد اطلب اخلاء طرف ودور غيرهم مدام عندك خبرات |
اقتباس:
شكرأ أخي الغالي على مروك اخي ليس لدي خبرات في أعمال سابقة هذه أول وظيفة لي بعد تخرجي من الجامعة بس حاب أذكر لك أمر لم اتطرق ليه طبعاُ هذه الشركة كبيرة ولديها فروع : انا وقعت القعد مع الشركة من شهر 1 وكنت على وظيفتي لي موقع عليها طبعاً شهر 5 انتقلت الى أحد الفروع التابعة لها وهنا بدأت المشكلة والحوسة لي انا الحين فيها حتى تكون في الصورة الشركة الام وقعت معها عقد تدريب ثم انتقلت الى أحد الفروع ووقعت عقد عمل |
اقتباس:
اها يعني خلصت الفترة تجربية الي هيا 3 شهور حقت تدريب بعدها ودوك الي احد فروعها وقعت عقد العمل من 4 او 5 مشكلة ان مدير فرع يبي خبرات وبعدها ودوك مكان يبي انقليزي احس فيه شي فيهم او لايكونو بعض الاجانب الي هناك خايفين على كراسيهم واتفقو معا بعض يغيرو مكانك هذا احتمال كبير مدام الوظيفة الي وقعت عليها شاغرة الى الان يعني قاصدينها يبون لوحد ثاني مكان ويبون يحطونك بمكان ما تبية علشان تطلع تفكيرهم قذر:mad: |
حسبي الله ونعم الوكيل عليهم...
شكلهم يبغون يطفشونك ... جربت تشتكي عليهم بمكتب العمل ... |
اقتباس:
اشكرك يالغالي على تجاوبك معي انا صراحة طفح الكيل عندي الشهور لي راحت كانت عندي ظروف أهم من الشغل فما كنت اخذ واعطي معاهم في المسألة قلت بعد إجازة العيد عندي خيارين اروح للشركة الأم واشرح لهم المشكلة ... أو ... اروح مكتب العمل واقدم شكوى يهمني شورك اخي العزيز |
اقتباس:
تسلم يالغالي حالياً هذا لي أفكر فيه |
اقتباس:
اذا شفتة ما عطاك خبر او يتهرب بقول اي حاجة تكلمة جوال واذا شفتة مارد عليك روح انشب له في مكتبة قولة مايصير كذا اذا ماتبوني كان قلتولي من البداية لاتعلقوني كذا :mad: بنسبة لمكتب العمل ماعندي خبرة بس الافضلية تكون معاك صورة من عقد علشان توريها مدير مكتب:Thumbs: |
اقتباس:
وعلى طاري العقد انا وقعته وما اخذت نسخه منه على العموم بكرة راح اروح ونشوف اخرتها |
السلام عليكم ورحمة الله وبركاته
راح أكمل وش صار معي في الايام لي راحت كنت ناوي على مكتب العمل على طول بس نصحني احد الزملاء ان اخلي مكتب العمل اخر حل لي رحت الشركة الام وشرحت لهم الموضوع بالتفصيل الممل وقالي مدير التوظيف مالهم حق يغيرون وظيفتك بدون موافقه منك بس حسيت من كلامه انه ما يقدر يسوي شيئ لي قال : انا بتفاهم معهم بس انت ارجع لشغلك قلت : ماراح أداوم إلا على وظيفتي لي موقع العقد عليها رجعت للشركة الفرع وقلت لهم لي صار معي بالضبط وانه مالهم حق يغيرون وظيفتي عاد استلمني المصري بالكلام ونوعاً ما كلامه صحيح قال : الوظيفة لي موقع عليها وقعتها في الشركة الام والشركة الام وظفت سعوديين على أساس تطلع تأشيرات للأجانب (سعودة) وهذي الوظيفة مو سهلة زي ما تتصور تحتاج واحد خبرة مرة و راح تكون فيها انت والمدير فقط علشان كذا المدير رافضك لان ما عندك خبرة كافية قال : علشان تفهم أكثر شوف الموظفين السعوديين لي حنا وظفناهم عن طريقنا وشوف الموظفين لي جو من الشركة الام وتعرف حقيقة كلامي قلت له : قلت طيب كلامك سليم بس عطني حل قال : صراحة انت بالذات ماني عارف كيف احصل لك حل . وسكتنا لمدة دقيقة وسلمت عليه و خرجت . |
| الساعة الآن 06:35 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين