انشهد انك يفهد جبت رجال
مساكم خير احمم احمم الطفش بعض الاحيان له فايده وانا قاعده لحالي وافكر وافكر باللي صار بالعيد طرا علي موقف ولد اخوي جعله للجنه المهم كتبت كم بيت وعطوني رايكم بكل صراحه اول شي ماشاء الله تبارك الله على ولد اخوي عمره 9سنوات عنوان القصيده انشهد انك يفهد جبت رجال انشهد انك يفهد جبت رجال اثبت وجوده في صباح العيدي طفلن صغير ومايحب الاهمال فتح مجلسك يبوه للمعايديني اللي بسنه لاهي وسط الالعاب وهو قلبه عندك دفينـــــــــــي يعين ابوي يبعد كل رجال ياتاج راسي وقلبي وعيني قام يتبسم ويصب من الادلال يوم حضرو بيتك ربعك المحبيني قلطهم شبلك وادموعه اهمال ادموع الفرح مهي بدموع الحزيني حيا ورحب وصب لهم من صفر الادلال قهوتن بها البن الاشقر يفوحي وطيب الحكي بذكراك مازال ياللي بقبرك من شهورن دفيني انت الاسد وخليت لك شبل الاشبال حافظ عرينك من كل شيني امه تنادي انا اليوم جبت رجال ربي يحفظه ويكون لخوانه معيني انشهد انك يبو فهد صرت رجال وتستاهل الكنيه وربي يعينك ياروح عمتك يبعد كل الاطفال اثبت وجودك يبعد كل غالي واخر كلامي من بعد ماطال اردد البيت الاول واعيدي انشهد انك يفهد جبت رجال انشهد انك يفهد جبت رجال انشهد انك يفهد جبت رجال وسلامتكم:w دعواتكم له بالرحمه ويخلي ذريته ويحفظهم |
واااااااااااااااااااااي نسيت النقطه اللي بالعنوان
|
اشكركم ي 33 مشاهد بس ياليت عطيتوني رايكم بالقصيده :d
|
ياروح عمتك يبعد كل الاطفال اثبت وجودك يبعد كل غالي صح بوحس اللهم اجمعنا بهم بالفردوس الاعلى من الجنه ابدعتي ام اصوله فديتس يكفيني من الفخر أنني اخته.. وحسبي من الوجع انه تحت الثرى آلآخو عز و فرآقه يهز وفرآقك هزني بآلحيل يآخوي |
القصيدة جميلة بأبياتها ولكن تحتاج الى وزن فقط
واضفت لك النقطة في عنوان الموضوع صح لسانك |
وانا اشهد انكك يافهد جبت رجال ماشاء الله تبارك الله ونعم التربيه الله يحفظه ويبلغكم فيه ويجعله من الذرية الصالحة وفعلاً اللي بعمره مايسوي اللي سواه كلماتك جميلة ومحاولة جيدة منكك واصلي إبداعك حبيبتي |
اقتباس:
هو وزن بس اشوى قاعده اطور نفسي للافضل مشكور على اضافة النقطه هههههههههههه صح بدنك وكلك يعطيك العافيه |
اقتباس:
يعطيك العافيه |
اقتباس:
الله يجمل حالك يعمري يعطيك العافيه |
الساعة الآن 07:10 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين