متى نسلم المسوغات؟
 

السلام عليكم

ودي اسئلكم عن المسوغات كيف نعبيها ومتى نسلمها ؟؟ والكشف الطبي عادي يقبلونه من خارج المنطقة؟

لانه بسوي المقابلة في الدمام وارجع للمدينة وودي اعرف كيف الاجرائات

عادي من اي مكان تكشف بس لابد يكون مختم على الصورة من ادارة التعليم بنفس المنطقه وغير كذا ما يقبلونه

المسوغات كل ادارة ولها طريقتها المهم شيل معك اوراقك كامله مع صورتين طبق اصل للوثيقه وللدبلوم والاصل (الوثائق والسجل) وصور شخصيه

ادارة تبوك شددت علينا بأنه اذا لم يتم تسليم الكشف والمسوغات مع الملفات المطلوبه قبل يوم 24 يرفع امره بأنه لم يسلم الكشف !

والان انا حايس ما لقيت حجز والمسافه بعيده والكشف ياخذ بما يقارب ثلاث ايام او اكثر والله يعين

الله يكون في عونك ولد عمي وتتسهل امورك بإذن الله

يعني اعبي المسوغات من الحين واسلمها مع المقابلة افضل صح ؟

مسوغات التعيين راح يعطونك في ملف من عندهم قبل المقابلة عليك انك تخلص الكشف الطبي في مستشفى حكومي في مدينتك

حسب طلباتهم اهم شيء خلص المطابقه والمقابله وختم الكشف اللي بتكشف فيه وهم يعطونك الطلبات

من ضمن الطلبات ملفين واحد اخضر وواحد بلاستيك وكل واحد في مسوغات تعيين وصور ووثائق طبق اصل وصورة كشف والكشف وصورة ايبان من البنك وتجهزها كامله بملفين وتجيبها لهم قبل يوم 24 شوال

طبعا من تخبطهم ما يتعاملون بالتقنيه ولا يقولون لك لا تجي الا جاهز ولا يعطونك الطلبات الا اخر شيء وعقبال جيلنا يمسك مناصبهم ويغير الخربطه الحاصله ويتعامل بالتقنيه والتكنلوجيا الحديثه وتخلص امور الناس بيوم واحد حتى التوجيه

ادارة وادي الدواسر سلمت لهم كل شي مسوغات التعيين وكل الاوراق باقي بس الكشف الطبي بكره الصباح ان شاء الله وخلاص ننتظر التوجيه و خطاب التوجيه

بالنسبة ياشباب للتوجيه هو نفسه قرار التعيين ؟

لا التوجيه للمدرسه

يعطيك العافية اخوي وإخواني الباقين اللي يعرف
الحين الورقة حقت الكشف من وين اخذها وختمها يكون من المنطقة اللي انا حاليا فيها لانه مبعد ظهرت المفاضلة ولا بعد المقابلة بالمنطقة التعيين هم يعطوني ورقة الكشف مختومة من عندهم وهل المستشفى الحكومي لازم موعد او يطلع النتيجة بنفس اليوم ،،
وبالنسبة الايبان هل افتح حساب بالبنك مثلا الأهلي عادي ولا لازم الراجحي واطلبهم الايبان حقي او لازم بعد المقابلة هم يعطوني طلب تعريف من البنك ،
أتمنى تردوا علي بأسرع وقت ضروري جداً الله يوفقكم 🙌🙌

ورقة الكشف الطبي تطبعيها من موقع تكامل بعد ما ينزل اسمك فالترشيح النهائي من الخدمة المدنية

وبالنسبة للختم حق الكشف الطبي

هم يقولون لازم تختمها من ادارة منطقة التعيين الي بيطلع اسمك فيها فالترشيح النهائي

مثلاً تعينتي فالرياض , تطبعين ورقة الكشف من تكامل ثم تختمينها من ادارة تعليم الرياض

لكن فيه بعض الزملاء ختموها من أي ادارة تعليم ومشت

بالنسبة للمستشفى أول ما تعطينهم الورقه هم بيعرفون المطلوب

وغالباً لا تتأخر الاجراءات فالمستشفى , أنا اخذو من يومين فقط

.

.

بالنسبة للآيبان عادي اختاري أي بنك الي تبغين الراتب يكون عليه

واطلبي من البنك ورقة تعريف بالآيبان "مهم جداً تكون مختومة من البنك"