أحترت ياخوان بين مدرسه أهليه ولا البنك الأهلي
 

السلام عليكم ورحمة الله وبركاته


التخصص بكالوريوس لغه إنجليزيه

غير تربوي

قدمت على مدرسه أهليه وأجتزت المقابله وتوقيع العقد الأحد
أو الإثنين الجاي

واليوم أتصل علي البنك الأهلي مقدم عليهم تقريبا من 3 شهور
وقالو الأسبوع الجاي بنرسل عليك رساله مقابله شخصيه
والوظيفه بتكون ياصراف او خدمة عملاء

المشكله هنا أحترت بين المدرسه والبنك

والمدرسه وظيفتها مضمونه
والبنك باقي مقابله ثم إنتظار
مدري أقبل أو لا

أرائكم حول الموضوع

وشكرا.

وهل البنك الأهلي مقابله فقط
ولا لازم اختبار

حبيبي وقع عقد مع المدرسة عادي

واذا انقبلت بالبنك قدمت استقالة من المدرسة

البنك أفضل

واكمل التربوي

من ناحيه البنوك نصابين ومليون نصابين
اختي عندها شهاده انجليزي وبكلريوس وشهادات اخرى وسوت مقابله وقالو لها اسبوع وبندق عليك
ولحد الان محد دق عليها

البنك افضل بوجهة نظري ومافيه مقارنة خصوصا الاهلي

راتبك اذا صراف حول 8000 ويزيد


والمدرسة مايتعدى 5000

ياخي خذها من واحد في المدارس الاهلية

وقع عقد الدرسة وقت المقابلة الشخصية غيب عن المدرسة وعطهم اي عذر غير انك تقول عندي مقابلة شخصية>>>لانهم يمكن يسحبون عليك
اذا جتك وظيفة البنك فهي ممتازة من ناحية علاقات ومن ناحية الامان الوضيفي ومن ناحية الراتب والتعديل السنوي
لكن اذا كنت ترغب انك تتوظف مدرس حكومي فـ شد على نفسك وتحمل المدارس الاهلية لأنك راح تسفيد كثير من ناحية الاختبار الكفايات ومن ناحية كيف يكون تعاملك مع الطلاب والادارة

اتمنى اكون افدتك

والله تبي نصيحه اترك البنك واحمد ربك بالمدرسه البنوك مشكله يسحبون عليك واذا قبلوك تعب ويدورون الزله وان اخطيت انحسبت عليك اما المدرسه مرتاح من 7 الى 12 ويمديك تستاذن شوري المدرسه تعيش مرتاح

يا اخوان ما احد تكلم عن الراتب من ناحية الدين .. هل مصدر رواتب البنوك نظيف ١٠٠٪ ؟

المشكله انك مضيع نفسك شتان بين نوع الوظيفتين اللي تبيهم لكن اختر الاقرب لميولك وتخصصك الجامعي ان وجد
انا مع راي شاعر نجد
واستخير وقدم على المدرسة قبل البنك خصوصاً الحين قبل بداية الدوامات
والله يغينك بحلاله بالتوفيق ان شاءالله