فكرة مشـروع وأحتاج مشورتـكـم ..
 

أعضاء منتديات حلول البطاله الكرام ..

السلام عليكم ورحمة الله وبركاته ..

أسعد الله اوقاتكم جميعًا بكل خيــر :w ..

جعلكم ووالديكم وازواجكم وذرياتكم ومن أحببتم في جنات النعيم ..

بدايةً لدي مبلغ مالي في حدود الـ 200 ألف ريال ..

وفكرة في عدة مشاريع كثيرة ..

ولكن ولله الحمد استقريت على مشروع ..

(تأجير معدات خفيفة ومواد البناء والسقاله) :rolleyes: ..

فما رأيكم بهذا المشروع هل هو ناجح أم لا (وكم دخله) المتوقع ..

وياليت من خاض غمار هذا المشروع أن يفيدني به (عسا الله يفرج همه وييسر له اموره ويرزقه من حيث لا يحتسب) ..

والحقيقه لا أخفيكم لدي محل ولدي مستودع ..

وأيضًا بالقرب من الموقع الذي اخترته عدة محلات تأجير معدات ولكن لديهم سقاله خفيفه بحكم عدم وجود مستودع لهم ..

خلافي أنا لدي مستودع لأضع فيه السقالات وباقي العدد ..

وبخصوص الموقع اخبروني ناس بأنه لا خلاف بذلك فأنت معهم رزقك سيأتي لك مثل ما أتي لهم ..

مع العلم (الله يرزقهم ويرزق كل مسلم) جميع المحلات شغالين ..

فما رأيكم بذلك بخصوص الموقع ..؟؟؟؟

والشيء اللآخر هل ستسمح البلديه او تعطي رخصه لمثل هذا المشروع سقاله ومواد بناء وتأجير معدات ..؟؟؟؟


وماهي العدد المطلوبه في المحل وافضل الأنواع وأسعارها ..

لا أخفيكم للآسف حاولت أعرف الاسعار عن طريق بعض محلات التأجير وانواع العدد ..

لكن للآسف لا يخبروك بشيء ولا يعطون اجابه شافيه ..

فأملي بالله ثم فيكم يا أهل الخبره بأن تفيدوني بذلك (عسا الله أن يوفقكم لكل خير) ..


وماهي مقترحاتكم ومشورتكم لي في هذا المشروع ..

أي بماذا ابدأ وكيف ..

وكم سيحتاج المحل من عماله وماهي افضل جنسيه ..؟؟؟



منتظر تكرمكم وتشريفكم لي بإثرائاتكم ونصائحكم الثمينه التي لا استغني عنها منكم ..

وجميعها ستكون في الحسبان ومحل اهتمامي وتقديري ..

فأملي بالله عز وجل ثم فيكم بأن تفيدوني بهذا المشروع ..

أسال الله العظيم أن يوفقكم جميعًا لما يحبه ويرضاه وأن يجعل التوفيق حليفكم في الدنيا والآخرة ..

آسف وأعتذر منكم على الإطاله :w ..

تقبلوا خالص تحياتي وتقديري لكم :w ..

أخوكم اينشتاين ..

:)

عليكم السلام
انا خضت غمار هذا المشروع
المشروع هذا ( مكلف متلف ) اولا المحلات القائمة الان قائمة على زبائن خاصين بهم لأن اي زبون يجي يستأجر يطلب منه تأمين مبلغ
اضافة الى كثر سرقات المعدات من المستأجرين حتى لو اخذت رقم اقامته او بطاقته وكثرة الاعطال بالمعدات لأن المقاول المستأجر يستعمل المعدة باستمرار ودون توقف لانجاز عمله اضافة الى انها ليست من معداته الخاصة
ارتفاع قطع وصيانة المعدات مثل مواطير الكهرباء واللحام والدقاق بالاضافة الى تأخر عملية صيانتها
المشروع هذا محتكر من قبل اليمنيين فليس باستطاعتك تنزيل البضاعه بالدفع كاش بينما هم يتم تنزيلها لهم على التصريف
اخي المشروع هذا مكلف جداً والارباح لو كنت شاطر جدا ولديك زبائن ستكون ضعيفة ومعرض للخسائر بكل يوم

سيكون مربح لك في حالة فتح المشروع وتجهيزه وتأجيرة على عامل بأسمك مع تحميله تكاليف خسائر المعدات

السلام عليكم ..


يا أعضاء منتدى حلول البطاله الكرام ..


معقوله هالكلام 137 مشاهده ورد واحد فقط ..؟؟؟؟؟؟؟


وين فزعتكم وشوركم لي بالمشروع ..


معتمد الله على ثم عليكم تشورون عليه بما يناسب ..


شايف اغلب المواضيع مشاركات وتفاعل وردود وهالموضوع رد واحد فقط ..؟؟؟؟


عالعموم بالتوفيق للجميع ..

حيالله الأخ "سلطان ابن الزعيم" ..

الله يرحم والديك لمشاركتك وتفاعلك معي وجعل ربي يكتب لك التوفيق وين ما كنت ..

بالنسبه للزبائن موجودين المقاولين أعرف كثير منهم ويستأجرون مني ان تم الموضوع إن شاء الله ..

ربما الخوف من السرقات وتلف المعدات ..

ألف ألف ألف شكر لمشاركتك وتفاعلك معي ..

تحياتي لك :w ..

بالنسيه لهذ المشروع ماعندي اي خلفيه عنه
لكن بخصوص انك تعرف الاسعار وكذا انا انصحك ماتروح عندهم وتبين لهم انك بتسوي مشروع
روح وكأنك بتستاجر من عندهم كأنك عميل يعني
او انك تشتغل معاهم فتره لمده شهر مثلا حتى لو تشتغل عامل بسيط ولو براتب زهيد كأنك محتاج هذي الشغله بأي راتب
وهذي انجح طريقه عشان تعرف خبايا السوق
وبالتوفيق

حيالله "وجهه المرايا" ..

أبد مشاركتك بالموضوع تشريف لي ..

المشكله انهم مايعطونك أي خلفيه عن المشروع ..

وبالنسبه لفكرتك ممتازه بس يحتاج لها وقت ..


ألف شكر لتجاوبك معي ..

تمنياتي لك بالتوفيق ..

تحياتي لك ..

حبيت اقول رايي
 

ماعندي خلفيه

الله يوفقك ويفتحها عليك يارب

اذا كانت المنطقه اللي فيها المستودع قريب من المباني الجديده

تخصص بالسقالات فقط

شوي شوي وبيجون نفس المحلات للاستيجار منك