|
ضاقت فيني الدنيا وجالس بالبيت بدون عمل
السلام عليكم ورحمه الله وبركاته انا بقولكم قصتي وياليت تشاركوني وش اسوي وتحفزوني معنويا لاني محتاج لكم انا متخرج من الثانويه لي 7 سنوات بتقدير ممتاز والي الحين عاطل وعمري 26 السنين تركض وانا جالس بالبيت واتضايق اذا جلست مع اخوياي بعمري الي ضابط والي طبيب والي مهندس وانا اتضايق من جوى واقول ليش انا مو مثلهم واذا دجيت اتقدم بوظيفه انحرج اذا قالو ليش جالس بالبيت اتلعثم ماعرف وش اقول وانا الحمدلله ماعندي مشاكل صحيه والحين ودي بحل مفكر ادرس برى على حسابي والتحق بالبعثه واتوظف وظيفه محترمه لان الثانوي ولا شي الحين بالزمن هذا والوظايف الحين ماتوكل عيش ولا فيها تتطور فاياليت اقرا نصائحكم والله لادعيلكم الله يوفقنا وياكم |
صادق.. دام شهادتك الثانويه كويسه كمل دراستك وحقق طموحك واذا ماقدرت اخذ دورات انقلش وحاسب وطور من عمرك لانو جد الحين اللي معاهم الجامعه بافي م توظفو واهم شي ماعليك من احد ولا العمر بيخليك تخجل انك تقدم ع االوظايف وتكمل دراستك ...اعرف لك خالي ماشاءالله عمره فوق ٣٠وتوه يكمل دراسته الثانويه ...
اهم شي ....توكل ع الله .. طموح...التفائل... |
-
وايش يمنع تواصل دراستك بما أنك متفوق ماشالله ؟! 7 سنوات كانت فترة طويلة جدا !! وأكيد الناس بتسأل يعني وش عندها غير الهرج :d توكل على الله وحدد اهدافك في هذة الحياة دائما تخيل الصورة اللتي تحب أن تكون عليها مستقبلاً .. المهم ان تبدأ ! " الظروف الصعبة تصنع قصص نجاحات ملهمة " بالتوفيق :rolleyes: |
كمل وان شاءالله قدامك كل خير ..
|
أنت كيف انجليزي عندك ممتاز جيد
أنصحك جديا بالآبتعاث لآن مالك غيره بس بشرط تدرس تخصص له مستقبل قوي ماهب تدرس ادارة اعمال وتخصصات سيئه والآبتعاث يبيلك من 40 الف إلى 50 الف وبشرط انك تقتصد على مابال تنضم للمنحه بس قبل ماتطلع برا هل عمرك مسموح بالآبتعاث يعني ينضمونك للمنحة الافضل تسئل مكتب الي يخرج تأشيرات اوالقبول من الجامعات برا وهل شهادتك علمي ولا أدبي وتراه العمر مايهم دامك أنك بصحة والعافيه |
خلال السبع سنوات اللي قضيتها جالس كيف كنت مستغلها ؟
هل تعلمت لك حرفة هواية او مارست مهنه معينة ؟ اذا خلال السبع سنوات انت مارست شي كان مسلي وممتع لك انا اتمنى تطوره عندك وتنمي هالشي فيك ( لان السبع سنوات وقت طويل وانت مانتبهت على عمرك اللي مضى غير الان فهذا يدل ان في شي كنت تمارسة وكان ممتع و يشغلك علشان كذا اقولك حاول انك تنميه وتطورة عندك ) وخذها مني نصيحه لا تقارن نفسك بغيرك كل انسان له ميول ورغبات وطاقات معينة وانتبه تختار لك مستقبل عشان السمعه عند الناس اختار شي انت تحبه وترغب فيه هذا اهم شي لا تيأس توكل على الله فهو ماكتب لك شيء الا وفيه الخيرة |
اللي خلاك تجلس على مرارة السبع سنين يخليك تجيب البكالوريوس بتخصص مدته ثلاث سنوات ومحتاجه سوق العمل بقوة وعاد انت ابحث عنه وبرضوا تجيب معاه شهادات اخرى تدريبيه وعمل مسائي ايا كان وبأي مدينه كانت والسنين على كلامك تركض لكن انت اركض معها وستجد نفسك بعد 7 سنين اخرى شخص اخر بإذن الله
انا مقدر همك وغمك ... وآلم ماتمر به لكن ان ما تحركت والله تتعذب طول عمرك ادرس وبنفس الوقت جيب اي عمل لو تروح للوافدين ببلدتك وتشتغل باسمك معهم ممكن تلقى خير بس توكل على الله ولا تحزن ولا تضيقها على نفسك شد حيلك واسعى وربك يجيب لك الخير مع الايام |
.
. . وعليكم السلام ورحمة الله وبركاته اعرف احد الاشخاص درس جامعه وعمرهـ 30 وتخرج وعمرهـ 34 او 35 والحمد لله بعد التخرج تزوج وطقطق بالاسهم على ايام عز الاسهم والان بناله بيت وعنده عيال والحمد لله .. واخيراً تذكر قول الله تعالى :{وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ} |
الله يعينك ويرزقك يارب
|
الله يوفقك
|
| الساعة الآن 04:34 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين