السلام عليكم ورحمة الله وبركاته
صبحكم الله بالخير جميعا
كيفكم عساكم بأحسن حال
اقولكم حبايبي انا توي متخرج وقدمت على كم وظيفه وما جاني شي للان وبعد كم يوم بيفتح تقديم جدارة للوظائف الاداريه
وانا حاليا جايتني وظيفه بمدرسه اهليه قلت اقدم كتمشية حال المهم محتار اروح للمدرسه الاهليه او لا
لاني لو وقعت معهم خايف بعدها بفتره معينه تجيني وظيفه افضل من المدرسه و وقتها يكون مسجل اسمي بالتأمينات وكمان لو بترك الوظيفه لازم اقدم استقاله وانتظر شهر بعدين يقيلوني ف انا اللي مخوفني لو جتني وظيفه فجأه اني ما راح يكون يمديني اسقط اسمي من التأمينات الا لما انتظر شهر ! ف حاليا محتار ما ادري وش اقرر هل اروح للمدرسه واوقع العقد او انتظر لين ما ربي يرزقني شي افضل من المدرسه :$ ف ابي شوركم كناس خبره بهالامور

:؛( منتظر ردكم

ماادري صراحة
بس لو تاخذ الوظيفة اللي جتك افضل
لانه حتى لو جتك وظيفة جديدة طريقة النقل لها بتاخذ وقت لو هي اهلية بيطالبونك باخلاء طرف من وظيفتك الحالية
ولو كانت حكومية تاخذ وقت اجراءاتهم
بس اتمنى احد عنده خبرة اكثر مني يجاوبك....
الله يوفقك

من قال شهر يمكن يوم او اقل انا كنت اشتغل بشركة ورحت لهم قدمت استقالتي وفي يومها جتني رسالة من التامينات ان شال اسمي من التامينات

تستسال واحد يقولي لو بتفصل لازم تقدم استقالتك وتنتظر شهر عشان يدورون بديل وبعدين يقيلونك :؛) طبعا هالكلام من واحد متوظف بمدرسه اهليه

عصفور في اليد خير من عشرة على الشجره..طالما متيسره لك الوظيفه الان نصيحححتي كمل فيها وقدم في جداره مايضر ..ما تدري ايش مخبا لك يمكن ما تجيك وظيفه من جدارة ويمكن حتى لو جاتك تكون بعيده وماتروح لها لاي سبب من الاسباب..الواحد ما يدري ايش يسير عليه كمل في المدرسه الاهليه واذا جتك حكومي قدم استقالتك وعلى حسب النظام تستنى شهر بعد الاستقاله ومايضر ان شاء الله لان التعيين على الحكومي بياخذ منك اكثر من شهر بعد طلوع الاسماء يعني يمديك باذن الله.

شكرا لكم جميعا

أنا اقول الافضل لك انك تدخل الوظيفة الحالية
لأن بالعادة الإجراءات تتأخر في التوظيف وخصوصا في جدارة يمكن تأخذ اكثر من شهر
واذا كتب لك الله وظيفة ازين ان شاء الله تقدر تستقيل وبعض الشركات اذا ما عطيتهم خبر قبلها بشهر يقولون ما يحق لك تطالب
براتب اخر شهر , اذا الوظيفة تستاهل قول لهم ما عندي مشكلة استقيل بدون مطالبة بأخر راتب اعرف واحد صارت له وقبلوا استقالته

وبالعادة الوظيفة الجديدة يسألونك متى تقدر تباشر وظيفتك قول لهم بعد شهر
والله يوفقك وان شاء الله اكون افدتك