|
تعرضت للظلم وقطع رزقي الوحيد
السلام عليكم ورحمة الله وبركاته
يا اخوان قصتي باختصار بقولها لكم ولكل واحد منكم له التعليق قصتي ان حافز ماشي معاي وينزل كل شهر ومواصل للدخول الاسبوعي المهم ان رحت قدمت على وظيفة موسمية شهر واحد ويعطونك عليها راتب او نقول مكافاه بدون ماتدخل بالتامينات يعني حافز يستمر معاي مشت الامور طبيعيه ووقعت العقد وقلت للمسؤول اكيد ما ادخل بالتامينات قال اي وظيفه كلها شهر وماندخلك بالتامينات المهم وصلت لين استلام بطاقتي وقالولي ترا دخلناك بالتامينات !!!! يعني ايش يعني حافز طارر ماراح اقولكم ايش سويت معاهم احترام للي بيقرا كلامي المهم دخلت التامينات الثلاثاء وبنفس اليوم حاولت الغي اسمي قالو لازم تمر اربع وعشرين ساعه داخل التامينات وتطلع منها بعد اربع وعشرين ساعه يعني الخميس اطلع منها ... هذي قصتي باختصار والسؤال هل حافز اكيد طار خلاص ولازم انتظر ست شهور او لا للحين مادخلت موقعهم خايف ادخل بصراحه مع اني فاقد الامل لان اسمي بكرا راح يكون كمل يومين بالتامينات وبكرا اطلع منها ... الله يرزقنا ويعوضنا تخيلو كان هذا دخلي الوحيد ان طار مدري ايش راح اسوي ... حسبي الله ونعم الوكيل |
وعليكم السلام ورحمة الله وبركاته
الله يعينك ويغنيك من واسع فضله...أخوي شوف هذا الرد على احدى الاخوات موضوعها اعتقد يشبه موضوعك وجدته بأحد المنتديات بعد ماتتركين الوظيفه بست شهور وبعد ماتسقطين اسمك من التامينات ترجعين لحافز وتسوين اعاده طلب ويتحققون منها ب 3 شهور ويرجعون يكملون لك باقي الدفعات |
الله يسهل عليك ..
|
عليكم السلام
بالنسبه للي يلغي اسمه من التأمينات ينتظر 3 شهور من تاريخ نزول اسمه من التأمينات ، بعدها يرجع يسوي اعادة طلب موفق |
لي تعلقين على الموضوع الاول .... مثل ما قال الاخوان في الردود بمجرد دخول اسمك وخروجه من التامنيات سواء كانت المده كثيره او قليله يبي له 3 اشهر . الثاني ... انت قلت مصدر رزقك الوحيد لا تنسى ان الله هو من بيده تصريف الارزاق وليس موقع حافز وهو قادر على ان يسبغ عليك نعمه ظاهرتاً وباطنه اعرف انك مؤمن بالشي هذا ولكن للتذكير فقط . |
| الساعة الآن 04:40 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين