صباح الخير
اختي انجليزيه وش صار على اعتذارك انا ارسلت قبل يومين فاكس اعتذاري للادارة اللي تعينت فيها وكلمتهم اتأكد انه وصلهم لكن الى الان في جداره ما تغير شي .
ابغى اعرف وش اسوي الحين اروح للخدمة المدنية والا كيف ؟

ياليت اللي عنده خبره ترد علي وشكررا ..

انجليزيه ربي يكتب لك اللي فيه الخير
من كم سنه متخرجه وكم نقاطك هل كل سنه تقدمي؟؟؟

يابنات الي تقولون لاتقدمون على الأماكن البعيده
طيب وين نقدم أجل؟؟ مايطلع إلا أماكن بعيده أقل شي 4 و5 ساعات
كل الي يطلع لي أماكن بعيده وكلها ماراح أكون متأكده 100% إني بروح لها
طيب والحل؟؟
أتركها ماأقدم طيب أوكي بأتركها وماراح أقدم طيب وبعدين؟؟ هل بتطلع لي رغبات قريبه مني جنب بيتي؟؟ إذا تركت البعيده ؟؟

أنا الرغبات تطلع لي كلها بعيده وماني متأكده أرح لها أولا
وراح أقدم يعني راح أقدم وخل يسير الي يسير
لو أمشي على كلامكم المكان البعيد الي مو متأكده أروح له أو لا أتركه ماراح أقدم أبدا بيوصل عمري 100 سنه وأكثر وأنا ماقدمت

باقولكم شي
المشكلة صدقوني مو بالمدن ابد
بالقرى التابعة للمدن
لذلك
نقدم واحنا حاطين ببالنا ان هالمدينة قريبة
وممكن اطلع لها من الرياض!! او جدة!! او غيره
وارجع لبيتي العصر
مافيه مشكله سنتين ثلاث وبيتم النقل
لكن!!!!!



للاسف
المدن هذي شكلية والاحتياج غالبا في
قرية معينة او قريتين تابعة لهاالمدينة
واحيانا تبعد عن المدينة التابعة لها مئات الكيلومترات
يعني اللي مفكر يطلع من بيته ويداوم كل يوم
قطعوا عليه السبل وتغيرت الخطة
اعرف وحدة قدمت على القويعية فقط
وحرمت نفسها من الاحتياج اللي يمين ويسار وشرق وغرب
لان ظروفها ماتسمح
وقدمت على هالمدينة فقط لانها درست الوضع من جميع النواحي
وهذا افضل في حال تعينت فيها
طبعا هي من سكان الرياض
وطلع اسمها.....
وطابقت....
وراحت سوت مقابلتها....
والمفاجأة!!!!
التعيين بالخاصرة
وفي احسن ظروف راح تكونين بالحصاة😩
طيب؟؟؟؟
بتقولون ش صار؟
مايبيلها
تنازلت عن حلمها
لان المسافة تضاعفت عليها
وماتقدر تروح كل يوم تطق هالمشاوير
الله المستعان
انا من رأيي الاحتياج يوضح مكانه بدقة
حسب ماوردهم من وزارة التعليم
قرية كذا/محافظة كذا/ مدرسة كذا
وبس

كلام سليم وهذا اللي المفروض يكون لكن..........!!!!!!!!!

بالنسبه لي قالوا لي ارسلي الاعتذار على ايميل وبعدين هم يرفعونه للوزاره وبعده قالوا اذا وصلنا الرد من الوزارة ارسلنا لك ورقة تراجعين فيها الخدمة المدنية يسقطون اسمك ويفتح لك الترشيح من جديد
ولحد الان ماوصلني رد منهم
بس تتيسر ان شاء الله

حلوو انا كذا ارسلت اعتذاري بالفاكس ثم رفعوه للوزارة لكن بعد هالاجراءات مدري اروح الخدمة المدنية والا اتواصل مع الوزارة لان ادارة التعليم ما قالوا ان الوزارة راح ترد عليهم !

آمين ربي ييسر ويسعدك ع ردك طمنتيني ، الله يعطيك العافية ..

السلام عليكم
اللي اعتذروا وش صار عليكم تغيرت ملفاتكم بجدارة ؟

ووش اخر ما توصلتوا له من اجراءات ؟!