هل استحق حافز لاني مسجله معهد
 

السلام عليكم ورحمه الله وبركاته
متخرجه من الجامعه بشهر 3
وسجلت بدوره كامبردج لمده 3 شهور درست بس مكتوب انه بمعادله 6 شهور بالشهاده او الاعلان
خلصت اختباراتي وانتظر الشهاده في محرم
سؤالي هل استلم حافز او لا لاني سجلت بحافز شهر 11
وتوي اعرف انه اللي بمعهد ما ياخذ صح هالكلام او لا
ابغى جواب اكيد ياربي ايش الحل انا مستنيه حافز على الجامعه وبالنهايه ما اخذها
وعندي سوال ثاني ابغى اسجل بدوره انجليزي لمده شهرين لو دخلتها بنقبل بحافز او لا

وعليكم السلام ورحمة الله وبركاته

انا مثل وضعك لي اسبوع والله وانا اكلم الدعم الفني في حافز استفسر
لان ابي اسجل دورة حاسب او انقليز
بعضهم يقولي اذا اكثر من 3 شهور مو مسموح لك ماراح يجيك حافز.... قلت للموظف ابي 3 شهور بالضبط مو اكثر من كذا .. قل عادي بس مايكون اكثر من ثلاث شهور

بعدين اتصلت مره ثانيه ورد علي موظف وقالي لا غلط مو مسموح حتى ثلاث شهور... لازم اقل من ثلاث شهور.. يعني اقصى حد شهرين ونص

بصراحة انا تخربطت الموظفين بانفسهم ماحد عنده خبر اكيد
لكن امس شفت بتويتر حساب هدف (الموارد البشريه) ردو على شخص يستفسر نفس وضعنا قالو له ثلاث شهور ماراح يقبلك حافز لازم اقل

انا قررت اخذ دوره مدتها مو اكثر من شهرين ونص

نظامهم غبي مدري كيف... الحين انا وغيري اللي في معاهد ندرس بمعهد من فلوس حافز اللي كل شهر
اذا درسنا اكثر من ثلاث شهور يوقفون حافز
يعني يبون يعطونا الفلوس ويخلونا جالسين في البيت عطاله

على فكره بخصوص انك خلصتي دورة وقدمتي بحافز

اللي اعرفه ان بعد الدورة اذا المعهد مايعطيك مكافىة تنتظرين 6 شهور بعدين تقدمين ويراجعون الطلب مدة 3 شهور وبعدين اذا مستحقه يجيك حافز

لكن اذا المعهد يعطيك مكافىة تجلسين سنه بعدين تقدمين على حافز ونفس الكلام تنتظرين ثلاث شهور يراجعون الطلب يعني تنتظرين سنه وثلاث شهور

نظامهم تعقيد حسبي الله ونعم الوكيل

ياويلي وش هالمصيبه
لا مايعطوني
حسبي الله ونعم الوكيل ايش يصبرني 6 شهور ولا بعدين 3 شهور سنه تقريبا

انتي قدمتي في شهر 11 هذا ؟؟؟

يعني قبل كم يوم !!!!!

اذا سجلتي الشهر هذا اصبري 6 اسابيع تقريبا من تاريخ التقديم ويردون عليك.. وبيردون يقولون غير مؤهله لانك لسى خلصتي دورة مدة ثلاث شهور

لكن لاتفقدين الامل !!!!!!!!

لان انا ماني متاكد اذا مسموح ثلاث شهور ولا لا
لان مافيه موظف عطاني خبر اكيد كل موظف يقول كلام من عنده... يمكن ثلاث شهور عادي
بس انا بصراحة ما اضمنهم ابي اخذ اقصى حد دورة شهرين ونص فقط

لكن لاتفقدين الامل خليك متفاىله وواثقه بالله وعليك بالوتر اخر الليل وادعي ربك وتتيسر ان شاء الله

وش رايك انا اعرف واحد من اصحابي يدرس في جامعه وله مكافئة الف ريال من الجامعه ومع هذا يمشي له حافز والله العظيم
يعني ما شاء الله هي توفيق من الله

انا اذكر قد قريت هنا في المنتدى بنت سجلت دبلوم تربوي بعد ماخلصت الجامعه... وكان يمشي لها حافز ما شاء الله

هي توفيق من الله وارزاق ربك يوزعها خلي املك بالله وادعي ربك
وتتيسر امورك ان شاء الله

ان شاء الله اتأهل

انتو لا تنبشو وتفتحو عيونهم عليكم

هما بس لهم بحقون الجامعه
المراحل الدراسية الأساسيه

انا العام كونت ادرس دبلوم بمعهد مده سنتين وعادي استلمت حافز كل الدفعات

اذا معهد خاص بينزل لك انا اعرف واحد بمعهد خاص وسجل ونزلوله حافز

يعني ان شااء الله بينزلك حافز

طيب والموظفين اللي نكلمهم ويقولون ماتقدرون اذا ثلاث شهور واكثر

وانا اعرف واحد بعد والله جاه رفض والسبب يقولون له مسجل في معهد اكثر من ثلاث شهور
والله شيء يحير ويحتاج مغامره

امااا ؟؟ و انا ناوية ادرس بمعهد من فلوس حافز !!