تبغى التجسير يرجع ولا تقدر تروح للوزارة ؟ هنا الحل
 

مرحبا


ندخل بالموضوع على طول


اولاً اللي ما عنده القدرة يروح للوزارة او يرفع خطابات او يتواصل مع الإداريين في الجامعات مثلنا
في حل ولا اسهل منه و اشوف ان له نتايج طيبة لو كان فعلاً في نشاط

كل اللي عليكم هو انكم
تدخلو على خدمة تواصل على هالرابط و تسجلو بياناتكم و ترسلوا مطالبة للوزارة باسترجاع التجسير

http://emw.mohe.gov.sa/newEmsg/Twasu...ationPage.aspx


اشياء ضروري اوضحها
- نوع الرسالة يكون تحت بند ( شكوى )
- صورة الهوية حمل اي صورة عادية حتى لو سوداء و يكتمل عندك و بعدها تقدر ترسل
- الله الله بالجلد والحلطمة لان ماينفع معهم إلا كذه :d

الخطوات :

- سجل رقم جوالك و الرمز اللي حاطينه و بتوصلك رسالة ع الجوال برقم التفعيل
- دخل رقم التفعيل و بعدها سجل بياناتك ( رقم السجل المدني , الاسم .... الى اخره )
و بعدها سجلو رسالتكم و الرد بالكثير يكون بعد يومين


ياليت الكل ينشره تويتر , واتس اب , برودكاست , اي وسيلة المهم يوصل صوت المتخرجين
انا بنفسي تواصلت مع جامعة المجمعة و خبروني إذا الوزارة واقفت على استرجاع التجسير
رح نقدر نبدأ دراسة بعد عيد الأضحى


تفاعلوا هذا اللي يهمنا يكون في ضغط ع الوزارة
الوقت قليل و محتاجين نوصل صوتنا بكل الوسائل
انا حطيت الرابط جاهز اتوقع ما بقى إلا اسجل بياناتكم مقابل عشرين ريال :d

انا مسجلة من شهر ونص وسويت اللي قلتي عليه وهذا ردهم
"
بخصوص معاملة تواصل مع معالي الوزير رقم

نشكرك على تواصلك و سيتم النظر في موضوعك

وزارة التعليم
"
وليومك ذا ماعاد رسلولي شي !!واصلن مافهمت وش قصدهم انو اتواصل مع الوزير

اهم حاجه تقديم شكوى له يطلبون معدل ممتاز قبول تجسير لازم توفل
الجيد يقعد طول عمره عاطل

بنظري نرفع قضية على الجامعة أولا وعلى الوزاره ثانيا
لابد تكون الدعوى جماعية لديوان المظالم لأن كان بامكاننا نسجل بجامعات اخرى طول هالشهووور ونضبط امورنا الشي الاخر القرار تعسفي بما يخص التجسيرررر
لأن الدبلومات والماستر يوجد بها صباحي انما التجسير يختلف وجامعه المجمعه هي الوحيده اللي ما التزمت بقرار الوزاره في استثناء المقبولين لذلك اللجوء لديوان المظالم أفضل حل

مع اني ما اثق كلياااا بالقضاء عندنا لكن الجهتين اللي ذكرتها تستحق رفع القضيه عليها

المشكلة من الوزير قفل التجسير نهائيا

برادا كيف نرفع قضية ياليت تفيدني بهالشي
من زمان والله مفكرة بهذا الموضوع
بصراحة كلمت اداري قبل امس و قال لي حنا ارسلنا خطاب من اول شوال
انا جلست اضحك طيب يوم انكم بترسلوا ارسلوا الحين مو مره و حده و توقفوا
المشكلة قال في عدد كبير جداً يكلموني طيب يومه عدد كبير ارسلو خطاب سوو ضغط ع الجامعة معنا !
عاد كل مره بكلام صراحة لو اعرف كيف طريقة رفع القضية عليهم والله قدام لان حنا متضررين جدا
و بالأصح متمقلبين من الجامعة و كملتها الوزارة :d
ملينا جالسين ع اعصابنا و كل ماكلمناهم قالو اكتفاء حاجة السوق
طيب شدخل حاجة السوق فينا حنا قلنا افتحوا قسم جديد لنا ؟ حنا نبغى نلتحق بالتوظيف الحكومي وهذا حقنا
حتى لو دخلنا بالقطاع الخاص الرواتب فيها تمييز بالنسبة للمؤهل العلمي يعني السبب ابداً مو مقنع
ثانياً وهذا الاهم ان محد معترض لو كان برسوم يعني بإختصار مافي اي سبب بس الدعوى قلة حيا ولكاعة

لازم نتصرف
و بخصوص اللي ارسل وماردوا ارسل مره ثانية الا مايجيك رد المهم اضغطوا عليهم

تكفا ي أخوي اذا فتحو تجسير بلغني لاني رحت لجامعة شقراء وقالو الغي نهائيا ولا أدري ليش الغوه هل م يبون أحد يدرس