السلام عليكم ورحمة الله وبركاته
صباح الخير
كيفكم اخواني عساكم بخير ؟
اقولكم قدمت على وظيفة معيد حاسب الي بجامعة طيبة واتصلوا علي
وحددو لي يوم الربوع المقابله الشخصيه
ف ابي تساعدوني واللي قد جرب المقابله كيف راح تكون طبيعة الاسئله وكيف طريقة المقابله ؟
لاني خريج جديد وهذي اول مقابله لي بحياتي لا تقصرون معي الله يسعدكم دنيا واخره

الثقة بالنفس ثم الثقة ثم الثقة

احيان يسألون أسئلة هم مش عارفين جوابها ، لايريدون منك الحواب بل يختبرون ردة فعلك


لذا خلك واثق وهادي جداً ولا تتكلف في لبسك وشكلك
بالعربي خلك طبييييعي

واحرص تضبط رؤوس الاقلام بتخصصك

وابحث بقوقل وراح تحصّل تجمّعات وناس جربت وبإذن الله تستفيد منهم ويكتب لك نصيب

نصيحة أخيره لا تفقد الأمل بالاعادة مادام لديم المعطيات حتى لو ماقبلوك حاول في غيرهم وغيرهم لا تييئس ثلاث سنوات بحث ع الاقل بعدها حوّل ع الخيار الثاني لو ماكتب الله النصيب

والخيره فيما أختاره الله
والله يحقق امانيك

نصيحه مني لك والله عندي اخواني اثنين في الجامعه يدرسون والله
يقولون لي أهم شئ شخصيه المعيد ولبسه وطريقته في الكلام وهل عنده شخصيه قويه يقدر يمسك ١٥٠ طالب في محاضره او لا
نصايحي لك :
البس واكشخ وهايط في الكلام انك ودك تكمل دراستك العليا واذكر السبب انك تبي تتلحق في جامعات عريقه في التخصص وتبي تزود معلوماتك عن التخصص

توقع السوال هذا في حالة حصلت طالب مشاغب في القاعه كيف تتصرف
اقرا شوي عن المواد اللي درستها ولاتقول ما اعرف جاوب وقول ماني متأكد
اخر كتاب قريته؟
اخر الاخبار السياسيه
ليه قدمت على الاعاده
ايش راح تضيف للقسم؟
وبس والله يوفقك ..

عليك بالتركيز على اساسيات تخصصك هي الفصل وعليها 20%
5% للثقافة
5% مهارات التواصل اللفظي والحركي
3% السمات الشخصية
الاهتمام بالمظهر 3%
الوضع الوظيفي 2% لك في حال كنت عاطل والاثبات برنت من الاحوال
معيار التميز 3 % للي عنده شهادة خدمة مجتمع او نشاط لاصفي او براءة اختراع
60% على معدل البكالوريا


مثل ماسلفت حيكون المعيار هو المعرفة العلمية بالتخصص افضلكم بالتخصص حيكون معيد

الاخوان ماقصروا عطوك الزبده

وانا ابقولكم استعد للإستفزاز
يعني لاتستغرب يسألك عن قبيلتك وبعدين يقولك قبيلتك مالها اصل
يبي يشوف ردة فعلك وهل تعصب وتثور وترمي الطاوله بوجهه والا تتعامل ببرود
اهم شي خلك ريلاكس
والله يوفقنا ويوفقكم ويوفقك جميع من يقرأ