العمر 30 سنه وعاطل ادخلو
 

السلام عليكم ورحمة الله وبركاته اخواني ابي اعرف التقديمات الجايه اذا تعرفون وش فيه قطاعات راح يفتحون تقديم والجيش والحرس متى تقديهم علمآ اني عاطل 6 سنوات وكل مره اقدم ع الامن العام السجون الدفاع وانكرش بسبب الطول دعواتكم لي احصل وظيفه تعبنا من العطاله والعزوبيه

السلام عليكم
عندي لك مثال انا عايشته وان شاءالله يفيدك
ابن عمي لزم وصل ثاني ثانوي وفصل وترك الدراسه مدة تسعة سنين تقريباً ما بقي شركه ما اشتغل فيها بدأ يكبر فالعمر وحس ان الشركات ما تاكل عيش ،
قرر يرجع يكمل الثانويه ليلي وقتها عمره كان 29 سنه تخيل ، كمل الثانويه وسجل فالجامعه ادارة اعمال ودرس تخيل مع طلاب اصغر منه بعشر سنين واكثر ، تخرج من الجامعه وعمره قارب الـ 34 جا تعيينه فوزارة الصحه اداري ع المرتبه السادسه والحين متزوج واموره طيبه
اسأل الله اإن يوفقك ويسهل دروبك

جزاك الله خير اخوي ع التفاعل معي باذن الله راح اكمل جامعه او دراسه لكن اتمنى اتوظف بالاول

ياطول العمر
الحرس الوطني فاتح التجنيد .

من خلال الموقع للوزارة

بالتوفيق

الحرس الوطني فاتح
http://job.sang.gov.sa/registration/Credentials.aspx

الله يوفقك ويرزقك

يا رجال الجيش عندك أهم شي ثنوي جندي أول
وإذا متوسط جندي سائق ببعض الاسلحة
وأقل راتب يبدأ من 7100 وش تبغى باقي ؟
عندك :

سلاح المدفعية
سلاح المشاه
الشؤون الرياضية
الشرطة العسكرية
سلاح المدرعات
وووووو كثيير
وكل فترة يفتح طلب 600 500 واحد ولا تقدم ! :r

بس شكلك تبي دكتور بشهادتك ذي أنا والله
قدمت على المظلات و طلردني ابوي وقدمت مدرعات ونفس الشي
هذا وأنا ما كملت سنة من تخرجي الناس تتزوج وتفتح بيت وأنت جالس
قدم التقديم الجاي على أي شي مر مكتب التجنيد وأسالهم فيه قطاعات بالجيش
ما يعلنون عنها مر المكتب ولا تتردد والله يوفقنا جميع :w

هلا اخوي لا مابي دكتور ابي وظيفه تغنيني عن الناس وبعدين انت ماتدري عن شي تتكلم وكنك تعرف اني ماقدمت ع شي ولا اهتميت اقولك قدمت ع السجون + الدفاع المدني + الجوازات + الامن العام + امن المنشات وكلهم رفض تخيل واحد يتسلف من الناس علشان يسافر ويراجع موعده وبالاخير رفض رجاء لاتتكلم وانت ماتعرف شي , واخواني اللي ردو مشكورين

يتوفيق

كانك قدمت فالحرس الوطني وتبيه

كلمني فيه واحد من عيال عمي هناك ان كان تبي اكلمه لك ابشر بسعدك

هلا بولد العم بنتظر لشهر 2 اذا ماحصلت شي قدمت عليه مشكلة الحرس ماله قطاع بمدينتي افضل حول شيباني والله يسعدك ويوفقك ع طيبتك