مساءالخير
يالله ياشباب همتكم شفوا اللي تعرفون مسجل بساعد وانا بعد بشوف العيال ورد لكم ومني انا موافين هم وانا ع يوم الثلاثاء بكون بالرياض وبشوف متى يستقبل الوزير وبدايه من الاسبوع الجاي نكتب خطاب بأسماءنا ونحدد يوم وع الوزير
انتضركم اذا تبون قروب ردو

موافقين اشاء الله

..كلامك صحيح وانا ياما تكلمت عن هالبرنامج ..حتى راسلت الثامنه يشوفون موضوعنا...وسويت هاشتاق بعد..بس للاسف كان مافي تفاعل...
لازم يكون مطلبنا واحد...مفاضله زي جداره وبس..وجدول تقديمات بعد..

اخويه قبل تقريبا شهرين مدري ثلاثة جاه اتصال من الباحه وعمل مقابلة وكان معاه يمكن سته شباب وطبعا مفاضلة... المهم بعد المقابلة قالهم الموظف رح نرسل ملفاتكم الرياض وانتظروا منا اتصال .. بعدها بكم اسبوع اتصلوا عليه وراح لهم و وقع واختار وظيفة سائق ..وبعد كم اسبوع اتصلوا عليه عشان يسوي كشف طبي .. وبعد الكشف الطبي قالوا خلك على اتصال ... طبعا خلاص باقي المباشرة ... حتى وقتها اذا جيت ادخل موقع ساعد على حسابه يرفض وكأنهم خلاص شطبوا اسمه من الموقع وصار موظف ... ولحد الان انتظار .. يمكن في اخر لحظة حطوا واحد مكانه بالواسطه؟؟ ...وحاليا اذا دخلت حسابه في ساعد عادي ادخل وبياناته موجودة .

حنا معك في شر ولا في قدا
معك معك قدام لو فيها زهدي
شف جمعنا حولك ومن دونك بدا
اليوم يوم العز ما عنه محدي

موفقين والله يسرة انشاء الله

انا نسخت رسالتك وارسلتها في برنامج تواصل وارجو من الجميع يسوي نفس الشي ونشر هذا في الواتس للجميع مع رابط تحميل البرنامج ليكن صوتنا هو الاقوى فزعتكم يا اخوان

السلام عليكم ورحمة الله وبركاته كما تعلمون طرحت وزارة الخدمه المدنيه العام الماضي برنامج&ساعد& المختص في الوظائف المساعده ((بند الأجور والمستخدمين))
ولاكن منذ اطلقت الوزاره هذه الخدمه يكاد لاتعلم انها فتحت باب للواسطه والمحسوبيه بشكل اكبر حيث ان النظام لايشابه برنامج&جداره&
حيث انه الوزاره هي من ترشح للشواغر الوارده لها من قبل الجهات الحكوميه حيث انه برنامج&ساعد& يتيح للجهات الحكوميه الدخول على البرنامج واختيار الشخص الذي تريده وهنا تأتي الواسطه والمحسوبيه ومن هذا المنطلق قمت بالتواصل مع وزير الخدمه المدنيه عبر برنامج تواصل الذي اطلقته الخدمه المدنيه مأخرا لذالك اطلب منكم اعزائي التعاون وتحميل هذا البرنامج ونسخ رسالتي للوزير وارسالها مره اخرى للوزير ليكن مطلب وطني بجعل برنامج &ساعد&مماثل لبرنامج&جداره&ولكم جزيل الشكر ارجوكم اعيدو ارسالها لتعم الفائده

⭕رسالتي لوزير الخدمه المدنيه⭕

بسم الله الرحمن الرحيم معالي وزير الخدمة المدنية حفظة الله ورعاه السلام عليكم ورحمة الله وبركاته وبعد أرجو من معاليكم إعادة النظر في نظام ساعد ، لانه إلى الأن الجهات الحكومية هي من تعلن الوظائف الخدمية ، وكل جهة تتطلب شروط معينة تختلف عن الأخرى ، وبعض الجهات تطلب أن الموظف يكون من نفس المدينة الموجودة بها الوظيفة ، بعض الجهات الأن تطلب أن تكون مسجل في نظام ساعد ، لكن لم يقطع الطريق على المحسوبية والواسطة ، لان الكل مسجل في نظام ساعد ممن يحملون مؤهل الثانوية العامة وما دون ، لابد من نظام يقطع الطريق على المحسوبية والكل يأخذ نصيبه ، مثلاً نظام جدارة أعتقد ممتاز ، لان الخدمة المدنية هي من تختار أرجو النظر في المشكلة ومحاولة حلها ، حتى يشمل الكل ولكم منا خالص الشكر والعرفان)
✳نهاية الرساله✳
♻ارجوكم لاتقف عندكم فهذه للمصلحه العامه وقد يتغير الوضع بنشرك للرساله ويتوظف بسببك محتاج ♻
🔴محمد العيسى🔵
ارجو هالنموذج يتعمم في وسائل التواصل الإجتماعي

اهلين يااخواني جبت لكم بشاره تزف لنا بصيص من الامل اليوم رحت لفرع الخدمه ببريده وقالي المدير انهم ارسلو خطابات لجميع الدوائر الحكومية بالمملكه كلها اذا عندهم وظائف يدقون ع اللي مسجلين بساعد ويسوون معهم مقابله وع طول يوظفونهم وطلبوا الافاده بعد وخلوا جوالاتكم فاتحه خصوصاً الصبح وهذا مو معناته نسكت لا لازم نروح للوزير وبخصوص اخوي استفسارك ان كل واحد من منطقه كلها يوم نتفق انا نكون باليوم الفلاني بالرياض والساعه الفلانيه بوزاره الخدمه المدنيه وانتهت السالفه بس يعني مو نروح كذا لا لازم معروض ويوضح فيه طلبنا وبعد نطالبه باستحداث وظايف او رفع الوظايف المجمده لاني كل مارحت لدائره حكومية قالوا نبي موظفين بس موقف التوظيف ومن هالقبيل ع كلاً انا باذن الله ارد لكم بكره وش يصير معي بوزاره الخدمه المدنيه وبستفسر عن كل شي وخصوصاص متى استقبال الوزير للمواطنين لان الوزير يستقبل مواطنين والله اليوم ريحني كلام مدير فرع الخدمه ببريده واعتذر ع التاخير بالرد لاني رجعت من بريده متاخر ونمت

الله يبشرك بالجنه اخوي محمد ، والعاقبة لنا ولك ولجميع بالوظيفة الحكومية ، قولوا امين .