والله يا اخوي للاسف ماعندي فكرة
بس ما اتوقع ان فيها ربح
ويكفي انها تاابعه للاتصالات السعودية
يعني ما تشوف من وراها الا وجع الراس
شيبتني هذي الشركة بخدمتها السيئة خاصة في مجال الانترنت .

شوف ممكن أقل شي اقل شي تحصلها ب9.20 طبعا بعد التعب والتدوير والسؤال تحصلها

وتبيعها على البقالات ب9.75 والبقالات يبيعونها ب10 كل واحد تقريبا يكسب نص ريال او ربع ريال.

شوف افضل طريقه ولالامانه ماجربتها بس معروفه اذا كان عندك رأس مال كبير جداً تقدر تشتريها مباشره من اس تي سي شريطه يكون عندك سجل تجاري. عادي تكلم مكتب تقسيط تعرفه وقوله انك بتعطيه الفلوس ويجيبها مباشره بإسمه وتكون واثق فيه.
او تروح لمحلات بيع بطاقات السوا بالتقسيط . واذا شافو ان عندك مبلغ كبير بيعطونك اياه ب9.30 بس بشرط تكون عندك دفعه حلوه وكبيره عشان تفيدهم

اخوي انا فكرت قبلك وسئلت صاحب شغله في البطايق
يقول الحين طلعت الصرافات اللي بالمكينة
يقول نزلت نسبت بيعنا

هلا أخوي
استغربت والله من كلام الأخوان ,
أخوي من كم شهر اشترى بطاقات سوا وموبايلي فئة ال10 ريال
الوحدة ب8 ريال , وباع مجموعة على البقالات ب9,50 على ماأعتقد والباقي على زملائه بمقر العمل وعلى الأقارب وكذا .. وطلع منها مبلغ كويس

ع العموم الله يوفقك أخوي واسأل أكثر ولو الشغلة مفيدة ومربحة لك لاتضيعها
بالتوفيق