خريجة قديمه عام 1423 هـ
 

السلام عليكم ورحمة الله وبركاته .. أنا خريجة جامعة الامام محمد بن سعود ( فرع القصيم ) عام 1423 هـ قسم اصول دين انتساب .. وثيقتي تلفت تلف تام وماعندي لها أي صوره وأبغى أطلع بدل فاقد وتوصيتين وسجل أكاديمي .. خاطبت جامعة القصيم (فرع الامام سابقاً) ما حصلت منهم أي فائده ولا ساعدوني بأي شيء .. الله يجزاكم خير ممكن تدلوني على الطريقة كيف ومن وين أطلبها ؟ واذا فيه أرقام للمسؤولين أتواصل معاهم ؟
لأني خريجة قديمة قبل 12 سنه وبعد دمج الفرعين في القصيم أخاف ما أحصل شيء يثبت انتسابي للجامعه

ياليت تردون علي محتاجة أعرف وضعي وبسرعه عشان أقدر أكمل دراستي

مادري عن الانتساب

لكن ممكن عن طريق الرقم الجامعي ، ممكن يطلعون شهايدك

هذا احتمال مو متاكد منه والله يوفقك

ما مر علي أي رقم جامعي وحتى في شهادتي ماكانو كاتبين فيها اي رقم !!!!! حتى أيام الاختبارات يكتبون الأسماء على باب القاعه بدون أرقام !! وش السواة الحين ؟ تكفووون ردوا علي معقولة تكون راحت معلوماتي ؟

اختي يقدروا يطلعوا معلوماتك بالسجل المدني كل شي مسجل عندهم لا تحاتي ..
راجعي الجامعة شؤون الطلاب او عميد الشؤون قسم الرجال ..
الله ييسر أمرك

الله يجزاك خير ويوفقك ويفتح عليك ويفرج لك كل هم يارب

انا اقدم منك من 1420 وخريجة كلية التربيه في جدة حابة اكمل ماستر عندي شهادتي الاصليه بس ماعنددي السجل الاكاديمي ولا توصيات رحت راجعت جامعه الملك عبد العزيز لأنه ماعاد فيه شي اسمه كلية التربيه ماتعبت في كشف الدرجات رحت لللمسؤلة الاربعاء الاحد وهو جاهز ومختوم وخالص وماطلبت مني الوثيقه الاصليه اكتفت بالصوره بس تعبت بالتوصيات لانه اكثر دكتوراتي ماعادو موجودات واللي موجوده تتعذر بانها ماتعرفني او بالاحرى نسيتني المهم اخذت توصيتين بعد روحه وجيه 3 ايام للجامعه غير يوم السجل والان رفعت اوراقي الله ييسرها لي ولك المهم راجعي الجامعه بنفسك واحصلي على وثيقه بدل الي فقدتيها ولاتتاخرين اكثر من كذا