قصتي في التجسير - جامعة الملك عبد العزيز - والحمد لله يوجد تجسير في جميع تخصصات الجامعة
 

السلام عليكم ورحمة الله وبركاتة


اولا صلو على النبي

بقولكم قصتي كاملة في الجسير :b

انا تخرجت من الككلية التقنية تخصص حماية البيئة عام 1435:wa كنت ادور تكلمة للدراسة في جميع جامعات المملكة ولم اجد الجامعة التي يوجد بها هذا التخصص .. قلت خلاص مافي امل جلست 8 او 9 اشهر اشتغل في الشركات و بعد فتره جاني واحد من الزملاء قالي ان جامعة الملك عبد العزيز فيها تخصصنا لاكن مايدري هل في تجسير والا لا .... قلت خلي ابحث عن الكلية ولقيتها هي كلية الارصاد بجامعة الملك عبد العزيز ...

راسلت احد الدكاترة عن طريق الاميل و قالي ان اغلب الطلاب الي في الكلية خريجين الكلية التقنية و يمديك تكمل الدراسة .. وقتها فرحت ...رحت انا و احد الزملاء للكلية وقابلنا رئيس القسم وشرحناله الموضوع وقال يمديكم تكملون ... والحمد لله وجهنا لادارة القبول ...

طبعا قديمنا معروض او معاملة ل مدير القبول .. قال لنا مافي تجسير في الكلية ذي قلنا له رئيس القسم يقول لامانع من قبول طلاب الكلية التقنية .. طبعا مدير القبول يتكلم من خشمه .. قال طيب سوو معاملة وراح توصل للمتخصين وتابعو النتائج .. بعد ماقدمنا المعاملة .. صرنا نراجعهم كل يوم كل مانجي ل مدير القبول نتهاوش معه ..من كثر مانجي للجامعة الموظفين طفشو منى ..والحمد لله تم قبولنا الترم ذا و باقيلي بسـ 64 ساعة و اخذ البكالوريوس

طبعا ياشباب نسيت اقول لكم في واحد من الزملاء قدم معنى وكان معدلة ناقص 3 درجات عن نسبة القبول .. مدير القبول رفض يقبل الولد شرح للمدير قال بسـ 3 درجات ماراح تضر المدير رفض و يرفع صوته .. المهم الولد ماسكت راح لمدير الجامعة نفسة و ماقصر مدير الجامعة سوا استثناء للولد وقبوله والحمد لله وباقي له 58 ساعة وياخذ البكالوريوس .. الي ابي اوصلة لا تسكت عن حقك وانشب لهم ..

كفووو ماشاء الله مايضيع حق وراء مطالب ..هذا هو المفترض الواحد يطالب بحقه وأنا أشوف الشكوى أفضل طريقة لياخذ حقوقة
مووفق وان شاء الله حنا من بعدك وماراح نسكككت بأي شكل ..الدبلومات الصحية أساسا لو ماطالبت بالتجسير من 5 سنوات ماكان فكرو يفتحون تجسير من الأصل أو حتى يعرفون وش معنى تجسير
بالمختصر التجسير ما انوجد بالبلد الا من (المطالبات والشكاوي)

انت خريج معهد الثغر.؟

+ياليت تسالهم عن التخصاصات الهندسية زي تقنية مدني وتقنية مساحة

وابيجكم طيارة لو فيه قبول


وتريحنا من روحت تبوك

كم النسبه المطلوبه للتجسير و كم مدة الدراسه عندهم

ماتقل عن 80% حسب المواد والخطه الدراسية ودرجات المواد يقبلو جيد وفوق

مثلا رياضيات جبت فيها مقبول ( مايعادلوها )

مثلا فقه جبت فيها جيد ( يعادلونها شرط تكون نفس الساعات المطلوبة في الجامعة )

انا تخصصي تقنيه معمارية ونسبتي 2.94 (جيد) تتوقع يقبلوني :(

الأخ تخصص حماية بيئة .

انا متخرج من الكلية التقنية تخصص سفر وسياحه

تقدير ممتاز ممكن يقبلوني وشكرآآ اا اا .

اذا تخصصك فيه بالجامعة راسل القسم الي تبي تدرس فيه والا روح لهم بســ حااول فيهم ممكن تحصل قبول

ماشاء الله دام تقديرك ممتاز والتخصص موجود بالجامعة راح يقبولنك على وطول بسـ يبيلك تراجعهم وانشب لهم اذا مائفادوك روح لمدير الجامعة بابه مفتوح ويستقبل الجميع واشرحله ...