مادري صح علي اني استفسر هنا ولا لا

المهم


من شروط ارفاق الملفات
لا تقبل المستندات المصورة بالجوال .

طيب انا اصورها بالجوال وبعدها افتحها ع الوورد واحولها بي دي اف وارفعها

مايبونها بالجوال بإيش مثلا اصورها ؟
ينفع استعمل برنامج سكرين كام الموجود ع الجوال ؟
او عندكم طريقة ثانية ؟

بسألكم يطلع بس اقدم بكلية وحدة ؟ اخترت كلية الاداب والتربية ؟

انا ابي بكل الكليات بكل مدن منطقة تبوك زي الوجه وحقل وضباء :d

يارب فهمتوا علي

الله يسعدكم ويكتب لنا الخير جميعًا
عندي كم سؤال ياليت تفيدوني ..
1 - تاريخ السجل المدني يقصدون تاريخ الاصدار صح ! طيب أحط تاريخ اصدار هويتي ولا بطاقة العائلة؟

2 بالصفحة الاولى من التقديم يطلب تخصصي والتخصص الدقيق وانا وثيقتي مافيها تخصص دقيق وش احط ؟

3 - مافهمت طريقة التقديم هل هي ع حسب التخصص او المؤهل ! يعني مثلا أنا تخصصي انجلش ومكتوب بوثيقتي تخصص ( لغة إنجليزية ) يصير اقدم ع حسب ايش ياليت ترجعون لجدول الاحتياج وتساعدوني 🙈

4 - آخر سؤال وهو زي سؤال الاخت، يصير اقدم ع اكثر من كلية ولا احط رغبة وحده بس

وشكرًا جزييييلاً 🌸🌸🌷🌷

تاريخ السجل المدني هو اللي فشهادة الميلاد اي تاريخ اصدارها
والتخصص الدقيق هو نفسه انجليزي = انجليزي

ملاحظة: تختلف تخصصات اللغة الإنجليزية الدقيقة.

اي بس ماكتبوا بوثيقتي اي تخصص دقيق بس تخصص " لغة انجليزية "

شكرا جزيلا لك

بالتوفيق للجميع

ياليتني فت التجمع قبل ، كنت نفس حيرتك تخصصي لغة انحليزيه ماعندي تخصص دقيق ، المكان الوحيد اللي حسيته متوافق مع شهادتي حقل لانه المؤهل مطلوب لغه انجليزيه بدون تخصص دقيق ، بالمسبه لتاريخ السجل المدني انا حطيت تاريخ اصدار بطاقة هويتي الوطنيه

مايمديك الا بكلية وحده تسجلين

تتوفعون متى اختباراتهم ومقابلات الشخصيه ، اول مره اقدم على جامعة تبوك ،


سبق قدمت على جامعة خالد عندهم بعد شهر من التقديم مقابله وبعدها بشهر اختبار تحريري ومقابله زي الاختار بس شفوي مع دكتور عن طريق الشبكه ،
اذا احد منكم يعرف آلية القبول يفيدني والله يجزاه خير لاني مو من المنطقه وابغى اعرف عشان اعمل حساباتي