|
يقطعك ي عيشتنا بين الضمان والمحكمه !!
هذي حالتي مع المحكمه والضماان لي سنتين وأربع شهور .
اولا أنا مهجورة وأم لثلاث بناااات وعند ابوي شايب ويصرف ع خمس بنات من غير أمي وجدتي وجيت عنده أنا وبناتي وصرت هم عليه وتدرون كم يأخذ من الضمان 1000 الف ريال بس الله لا يكثر خيرهم. ثانيا حاولت اقدم ع الضمان قالوا هاتي مايثبت انك مهجورة ورحت المحكمه وقلت عطوني صك هجران رفضوا وقالوا هاتي ورقه من الضمان عشان نعطيك صك هجران قلت طيب ورحت للضمان قالوا مستحيل مانعطي أوراق إنتي جيبي مايثبت مالنا دخل !!!!! وعقب ويلاااه وحالتي حاله الين كرهت نفسي وحياتي قبلوني الضمان عقب سنه من الشحذه عند المسلمين بشهادة العصابه اللي هم اخواني وبنفس الوقت كنت اراجع المحكمه عشان اتتطلق وطبعا زوجي الله أنوّه لايوفقه الدنيا ولا اخره بهذلن بهذله وطبعا حكم لي الشيخ بالطلاق مقابل مبلغ 10000 عشر الألف ريال والله ثم والله انه الا الان بذمتي دينه وإلا الان ما أخذت الصك من شهر رجب الماضي يعني له الان سته شهور والسبب لس مابلغوا زوجي او أنوّه ضاعت المعامله او أنوّه وانوه اعذار كثار .. ثالثا تجيييين الصدمة القوية تم اسقاطك من الضمان لمرور سنه وانتهاء !!!!!! يا الله وش أسوي من وين اتقبل هالبلوه الله انووه يقطع رزقهم ولا يوسع لهم يارب . والآن زوجي مخلي حريتي معلقه لامطلقه واشوف نفسي واعرف ادبر أوضاعي ولا متزوجة وأقدر اصرف نفسي وبناتي . والمحكمه والضمان خلوني بينهم ملطشة هم يرفضون يعطون صح هجران عشان صك الطلاق موجوده بس لازم زوجي يحضر ويوافق وزوجي مايهمه والضمان رفض يصدقن يحسبن أتلاعب عليهم والله لو انه مالهم بس ما أقول غير الله انه يقطع رزق الشيخ اللي مستلم معاملتي ورزق وزير الضمان الله لا يوسع عليهم والله يضيق قبورهم .. واشهدكم الله لو صار لي شي او سويت شي كله منهم الله لا ويوفقهم .. |
دخلت علشانك والله
الـلـَّــه يفرجها عليك ويرزقك من اوسع ابوابه ترا ربك اللي يرزق ويقسم الرزق انتي اعتمدي على الـلـَّــه وتوكلي عليه شوفي. فيه انه صك الهجران يكون من الضمان تروحي معك اخوانك اللي هم ذوي العصبه. وتقولي لهم معي اخواني ابي تطلعون لي صك هجران وهذا اخواني. ممكن خوالك او اي من معارفك اللي قريبين مره مو لازم من المحكمه. وزوجك اللي مضيق عليك. قدمي عليه قضيه علشانه مايصرف على بناته لا تخافي من شي خليك قويه حاولي تشوفين لك شغل تنفعين به نفسك لو مؤقتاً ولا تنسي الإتكال على الـلـَّــه في كل الامور واطلبي منه الرزق الحلال وربي ما يرد يدين عبده اذا دعاه وهذا لازم تكونين متيقنه منه اسأل الـلـَّــه لك الفرج العاجل ولكل من به ضائقه من المسلمين لا تنسي صلاة الليل. ولو. ركعتين تطلبين فيه بسجودك الفرج والتوفيق والرزق الحلال |
بس مافهمت ؟؟!!!
الوالد الـلـَّــه يحفظه لك. ليش يستلم 1000ريال وامك على ذمته واخواتك. وجدتك ؟؟ هم يعتبرون تابعين له المفروض مضافين معه في المعاش والكهرباء والمساعده !! |
كانوا معه وتم إسقاطهم كلهم لان أمي لقوا باسمه مؤسسه لخووي وهي بس الاسم ولا والله ماهي مستفيده وخواتي اخوي الثاني سجلهم عنده بالمؤسسة عشان يزيد نفاط المؤسسه حقته لأنهن سعوديات وجاء بيرجعهم للضمان بس رفضوا الا عقب ثلاث شهور .
وجدتي لها ضمان لحالها يدوب يكفي علاج السكر .. وترا أنا متخرجة من للجامعه بس مالقيت وظيفه لازم واسطه الحمد لله ع كل حالا .. وجزاءك الله خير .. |
ياالله الله يكون في عونك ياأختي نور صراحة الوحدةماتعرف ايش تقول بعدسماع قصتك مؤثرة وخاصة إنك في بيت والدك وانقطع عنك المعاش حسبي الله ونعم الوكيل
أسأل الله أن يرزقك من غيرلاتحتسبي ولكن اكثري من الدعاء واحسني الظن بالله لان بعدالصبرالاالفرج بإذن الله وثانيالاتيأسي ليش تقول لو صار لي شي او سويت شي سبحان الله لاتنسي نحن كلنا في الدنيا في اختبار عشان ربي يشوف العبدالضعيف من العبد القوي والصابر عن اللي يتضجرويتأفف وكله باأجر وحسنات مضاعفة ماعليكي الاإنك تصبري وتحتسبي الاجر عندالله والدعاء في اخرالليل والناس نيام ويكفيك هذه الاية لكي ترتاحي وماتشيل هم قال تعالى(وإذا سألك عبادي عني فإني قريب أجيب دعوة الداع إذا دعان فليستجيبوا لى وليؤمنوا بى لعلهم يرشدون ) وأيضاالايات اللي عن الاستغفار وفائدةالاستغفار وأبوبناتك أسال الله أن يهديه وكمان الشيخ الله يهديه ليش مايصرعلى زوجك ان يحضر المحكمة طيب اذا تقدري غيري الشيخ إذا يصير وفهمي الشيخ عن وضعك ووضع أبوك عشان يحن قلبه عليكم ويتابع موضوعك ولو يعطيكي صك هجرالين ماأبوالبنات يشرف ويحضر |
اقتباس:
نصيحتي لك كلمي جمعية حقوق الانسان عبر الهاتف واشرحي لهم وضعك والمستشارة بترشدك وتوجهك بإذن الله الجمعية ساعدت نساء كثير مثل حالتك |
اقتباس:
عليكي بالأستغفار وأكثري منه وراح والله تنفرج لكي من حيث لا تعلمي وابعدي عنك وساوس الشيطان وانك ممكن تسوين شي وتشهدينا عليه طولي بالك واصبري وان ما انتي فيه هو اختبار من الله ولابد ان تكوني صابره وان تحمدي الله على كل حال أختي صبراً جميل ومقدرين ما انتي فيه وما كتبتي كذا غير من معاناة انتي عايشتها وحسبي الله على كل من يظلم انسانة |
جزاكم الله خير ..
وربي ماكتبت الا من شيء غبني والله أنوّه ماقهرني غير أني حمل ع ابوي . حاولت أتواصل مع أمير منطقة المدينة المنورة وقالوا اكتبي خطاب ويرد عليك الامير بنفس اليوم والله ماشفت رد الا الان بس حسبي الله ونعم الوكيل واللي يقهر انهم يقولون الأمراء ع طول يردون ع المواطنين ..!! وربي تجننت من كثر روحاتي للمحكمه خلاص صرت معروفه شبه يومي عندهم . الله لا يوفق من كان السبب بحالتي هذي. |
ارفعي قضيه من الشرطه وخلي يجيبون زوجك
وماضاع حق وراه مطالب بس امشي ع خطه واكتبي كل شي يقولونه لك الاماكن وكل شي عشان تركزين احسك ضايعه اوهم ضيعوك حسبي الله عليهم سلامات سنه ونتي ع هل حال وذا في محامي يتوكل عنك جزاه الله خير كلمي حقوق الانسان وراسلي العقلا والاماره اعتقد فيها حريم روحي لهم. وشرحي وضعك وطليقك خلي اخوانك وشرطه او الاماره يكلمونه ورفعي قضيه ضررري هل رجال مايستحي مافكر هل بنات من وين يبون يعيشون قولوله نبي صك عشان ضمان يصرف عليهن او اصرف انت او خذهن |
وعليكم السلام
اختى الكريمه يجب عليك عمل الاتي اولا بعث خطاب لوكيل الوزاره للضمان الاستاذ محمد العقلا على الايميل التالي Moqla@mosa-d.gov.sa ومضمونه الاتي سعاده وكيل الوزاره للضمان محمد العقلا السلام عليكم اسألك بالله العظيم ان تحل مشكلتي والتي تتلخص فيما يلي انا سيده مهجوره ولدي 3 بنات ووالدي طاعن في السن ويصرف له الضمان 1000 ريال شهريا وهو مسئول ويصرف على 5 بنات من غير امي وجدتي راجعت الضمان وافادوني انني لابد من ذهابي للمحكمه وذهبت وافادوني انه لابد من احضار خطاب من الضمان وبعد معانه لمده سنتان و4 شهور تم قبولي في الضمان ولازال صك الطلاق بالمحكمه بسبب الزوج الشيخ حكم بدفع للزوج 10000 ريال ولم استطع ان ادفعها لقله حيلتي ومع ذلك لازال الزوج يماطل بالطلاق ولايحضر للجلسات المقرره وتأتي الطامه الكبرى ايقاف الضمان عني بسبب انتهاء السنه سعاده الوكيل اسألك بالله ان تحل مشكلتي هل هذا هو العدل هل يعقل ان نموت جوعا انا وبناتي بسبب انظمه وبسبب هذا الزوج الذي لايخاف الله بعد قراءاتك لمشكلتي هل يمكنك ان تنتشل اسرتي من الضياع اننا امانه بعنقك وسوف تسئل عنا يوم القيامه كلنا امل بالله ثم بك لأنك لاترضى بهذا الظلم الذي حل ببناتي حفظك الله اينما كنت مقدمته 000000000 رقم الهويه 0000000000 رقم الهاتف 000000000000 كذلك اختى بأمكانك التقديم على اماره المنطقه بنفس هذا الاستدعاء مع تعديله اذا رغبتي لأمير المنطقه ويجب عليك الاصرار بمقابله الامير بنفسه والا تعطي الاستدعاء لأحد غيره لأن هناك صندوق بالاماره مخصص لمساعده الاسر واضيفي بالاستدعاء المساعده ربي يوفقك |
| الساعة الآن 02:38 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين