كيف ادير المطعم > لاصحاب المطاعم <
السلام عليكم والرحمه
اخواني انا عندي بوفيه وفيه عاملين في الطريق ان شا الله خلال شهر او اقل وفيه اثنين باقين انهي اجرائاتهم المتبقيه وانا الشيف وبجي باوقات واجهز الخلطه الظهر بعد العمل والباقي يقوم فيه العمال وبجلس معاهم في المحل اغلب الوقت بما اني فاضي وهذا راس مالي وتعبي فبكون معاهم حاضر السؤال الاهم انا ابي ادير المطعم بمعنى اوكل كل عامل بمهمه عشان مايكون فيه لخبطه وحوسه في المووضوع وانتم عارفين الان البلديه تبحث عن اي زله لاي مطعم عشان المخالفات فماودي اظلم اي عامل او غيره الا بوجه حق والان لي فتره ابحث عن وظيفه في اي مطعم او بوفيه في الرياض او ضواحيها عشان اتعلم واتعرف لكن للاسف البعض مايقدر يوظف شخص حكومي ومازلت ابحث فشوروا علي بارك الله فيكم |
متاااااااااااااااااااااااااابع
وفقك الله باختصار النظاااااااااااااااااااااااااااااااااااااااااااااف ة |
اخوي سبق كتبت موضوع عن المطاعم تقدر ترجع له ..
اول نقطه وزع المهام على ورق بين العمال .. بحيث تكون متساويه تقريباً .. بعد ماتفتح يبي يبين معك انها مش متساويه .. اعد التوزيع وهذا شي طبيعي .. بعد 6 شهور تقريباً حاول تغيير الاماكن .. عشان لو طلع اجازه واحد يكون البقية متدربين على شغله .. الاهم لا تسويها الا بعد ست شهور عشان كل واحد يكون فعلاً اتقن عمله البلديه لا تشيل همهم .. بيكون وضعهم معك تمام ومستامحين لأنك موجود بالمحل ماسبته للعماله .. اهم نصيحة (اضبط الامور المالية تماماً ) خلك دقيق من البداية ولا تبي تتعب بعدين |
بارك الله فيكم
لكن المقصد كيف اوزع المهن بين الاعضا وغيرهم |
واحد يجهز الخلطات ويطبخ
آخر يساعد الطباخ واحد في الحسابات اثنين يلبوا طلبات الزبائن ويرتبوا المحل وينظفوه معنديش خبرة لكن قلت أشارك يمكن أصيب |
محاسب يتصف بالقوة والامانة ينهي لك ما تريده :
دفتر يومية استاذ اعداد تقرير سنويه ... ايضاً عليك الاهتمام بالتالي : 1- ضع لك خطة على المدى الطويل والمتوسط والقصير وحدد الهدف . 2- حاول ان تضع لك برنامج تنظيمي . 3- حاول ان تجد شخص له خبرة جيدة في المطاعم وله المقدرة على التوجيه السليم . 4- الاهتمام بالمراقبة والنظافة الجيده .. هل العمل يسير بشكل جيد وحسب ما خطط له من اجل تحقيق الهدف . ايضاً اهتم باختيار الموظفين الموهلين للعمل والنشاط الذي تقوم به مع الاهتمام بترتيب امورك المالية وحاول ان تهتم بتقديم منتجاتك بصورة جيدة وباقل تكلفة مع التسويق المدروس . وتذكر بان الكثير من المشاريع كانت بدايتها صغيرة ، ولكن مع الوقت اصبحت كبيرة ... وعلى سبيل المثال مطاعم البيك ... طبعاً بعد توفيق الله العلي القدير ... وبالتوفيق . |
الساعة الآن 05:55 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين