اجراءات فتح محل مساج .. افيدوني
 

السلام عليكم

أتمنى احد يفيدني بالاستفسارات التالية :

1 ) لاستخراج السجل التجاري لمحل مساج هو نفسه العلاج الطبيعي ؟
2 ) وش الجهة اللي تعطي رخصة المحل .؟ البلدية او الصحة .؟ وكيف اجراءاتهم وشروطهم بالضبط؟
3 ) تأشيرة العمالة من مكتب العمل تكون تكون تحت أي مسمى؟ وهل لازم يكون العامل عنده شهادة صحية ؟

وين الناس ؟؟ معقولة مافي احد يعرف

فيه شخص هنا عنده خلفيه عن هالمشروع
والله يوفقك

بعد البحث اكتشفت ان المساج ممنوع ولكن هل من الممكن ادراج المساج مع صالون الحلاقة ؟؟

أتمنى الإفادة يا اخوااان

مب ممنوع في كثير محلات تقدم المساج منها الصوالين والحمامات
والفنادق لكن كمحل مختص بالمساج مافيه فالافضل تستأجر بفندق

المساج يندرج تحت العلاج الطبيعي
وفقك الله

فنادق صعبة .. لكن صالون حلاقة اقدر لكن هل انت متأكد انه مو ممنوع ؟؟ لاني سمعت ان كل اللي فاتحين محلات مساج مع صالون وراهم ظهر كبير في البلديات

العلاج الطبيعي أتوقع رخصته من وزارة الصحة وصعبة جدا .. انا ابي مساج داخل صالون حلاقة هل هو ممنوع او لا ..

خذ العلم من شخص درس المشروع دراسه متناهيه

وكنت ناوي عليه ولازلت افكر فيه ولكن العائق بالنسبه لي العمالة



مراكز المساج اللي تشوفها فاتحه في جميع الشوارع مرخصين من الرئاسة العامة لرعاية الشباب

ولكن الترخيص يكون على انه نادي لياقة يعني لازم تجيب لك معدات رياضية بس مو شرط انك تكثر منها


وانصحك تاخذها من الحراج ارخص لك لأنك تحتاجه للترخيص فقط ولو تحصل شركة تأجرها لك يكون أفضل


طبعاً المساج من ضمن الياقه ولكن له نسبه معينه بعدد العماله يعني اذا تكلمنا بشكل نظامي مايكون عندك الا واحد او اثنين تبع المساج وعشان كذا الغالبيه مو بشكل نظامي


اما التراخيص عن طريق علاج طبيعي بيكون معقد شوي لانك تحتاج اخصائيين علاج طبيعي وهذا مكلف ووزارة الصحه صعبه تراخيصها


عشان كذا افتح على انه مركز لياقه


بس المشكله وين العماله وماراح يعطونك تأشيرات كثيره يعني يبي لك تبحث عن تأشيرات

بالتوفيق لكل خير