|
ماهي الاجراءات المترتبة بعد استئجار المحل ؟
السلام عليكم
الحمد لله والشكر لله انا حاليا اصدرت سجل تجاري والحمد لله ربي يسر لي ولقيت محل مناسب وعربنتهم ايش الخطوة الي بعدها ؟ اسوي لوحة المحل والديكورات او اكلف معقب يطلع لي رخصة من البلدية ؟ لان موضوع البلدية ماراح اسوية بنفسي راح اكلف معقب يقوم عليها لذلك ما ادري هل البلدية والرخصة اول ام الديكورات و اللوحة ؟ علما ان نشاطي العاب و ملابس واكسسوارات اما المستأجر الي قبلي كانت صيدلية افيدوني بالله بنصايحكم |
كلم معقب يخلص لك شغل الرخصة اول شي بعد ماتطلع الرخصة اشتغل على المحل من الديكورات والبضاعة
بس اللوحة ضروري تركبها قبل ماتقدم نصيحة روح للبلدية وقولهم النشاط هو بيع كذا وكذا وابغى اعرف الاشتراطات لهذا النشاط او ادخل موقعهم الالكتروني تجد كل الاشتراطات اللي تخص المساحة واللوحة وغيره |
السلام عليكم
سؤجز لك الخطوات النظامية حتى يرى مشروعك النور وتبدا بعملية التشغيل بحول الله اولا يتم تركيب اللوحة وباب القزاز والتجهيز من داخل المحل ثانيا تاخذ عقد الاجار ويتم تصديقه من الغرفة التجارية وهوية من سيكون المحل باسمه وتذهب للبلدية ثالثا تنتظر حتى يقوم المراقب بالبلدية زيارة المحل والكشف عليه ومن ثم تقوم البلدية بتحويلك للدفاع المدني تعطيك ورقة تختمها من الدفاع المدني واهم شروط الدفاع المدني كاشف حرائق وطفاية حريق رابعا بعد ماتخلص الدفاع المدني تسدد رسوم الرخصة وهي تختلف بحسب مقاس اللوحة وان كان هناك لوحات اضافية تحسب عادة اجراءات استخراج رخصة البلدية لا تتجاوز عشرة ايام واذا لك معرفة 3 ايام وانت خالص خامسا تتوجه للغرفة التجارية اوفرع وزارة التجارة لاستخراج سجل تجاري سيطلبون منك اشتراك في الغرفة التجارية تدفع 1250 ريال رسوم الغرفة التجارية ولاتنسى لابد يكون عندك ختم للمحل ماتقدر تسويه الا بعد رخصة البلدية رسوم السجل التجاري خذ حق 3 سنوات 600 ريال تقريبا سادسا الان معنا رخصة المحل ومعنا اشتراك الغرفة التجارية وومعنا السجل التجاري تتوجه الى مكتب العمل وتعطيهم الاوراق تطلب منهم يفتحون لك ملف في النظام بيعطونك يوزر وباسورد للدخول والتسجيل في النظام الخاص بوزارة العمل وقد يطلببون منك ان تدخل النظام وتنشي ملفك بنفسك (( وزارة العمل كل يوم لديهم نظام جديد )) سابعا بعد مايصدر لك رقم ملف بوزارة العمل تفتح موقع التامينات الاجتماعية وتقوم بانشاء ملف لك بموقعهم وطبيعي جدا بيطلبون منك رقم ملفك بوزارة العمل ليتم الربط فيما بينهما ثامنا بعد مايتم تسجيل منشاتك بالتامينات لازم تسجل سعودي وتدفع له مبلغ تامين شهري لايقل عن 600 ريال على اعتبار ان راتبه 3000 ريال ثاسعا بعد ما قمنا بفتح ملف بوزارة العمل وكذالك التامينات سيكون ملفك نطاقه اخضر بوزارة العمل تدخل على التاشيرات وتطلب عدد التاشيرات اللي تبي والمهن اللي تبي وتذكر ان الهند واليمن لا يعطونك الا 50% يعني لو طلبت تاشيرتين من الهند يرفض النظام يعطيك وحدة بس للهند والثانية اي بلد اخر غير الهند عاشر تنتظر على طلبك وتشيك كل يوم على النظام حتى يتم اصدار تاشيراتك احد عشر بعد مايتم اصدار التاشيرات تتجه الى احد المكاتب الخدمية اللي تسوي لك تفويض اكتروني للمكتب اللي بالهند او الفلبين اللي انت تبي .. وهنا لابد يكون لديك كرت المكتب حق الهند مثلا اللي بيجي عاملك عن طريقه علشان تسوي له تفويض اكنروني ثاني عشر قبل ماتسوي التفويض الالكتروني لابد توقع عقد العمل الموحد هناك نموذج موحد تعبية وتصدق عليه من الغرفة التجارية وترسله للمكتب اللي في الهند بالاميل او الواتس وهم يطبعونه ويخلون العامل يوقع عليه علشان يدخلون اوراقه للسفارة السعودية ثالث عشر مدة هذه الاجراءات تاخذ من 3 الى 7 اشهر يعني حط بحسابك بتدفع اجار محلك ستة اشهر وهو مغلق امر محبط هذه الاجراءات والتعقيدات البيروقراطية المتعبة والمضيعة للوقت ولكن هذا الواقع اخيرا اتمنى ان افدتك وباقي الاخوان وارجو الله للجميع التوفيق والسداد لاتنسوني من دعواتكم |
يالحبيب بلا معقب بلا خرابيط الدعوة متاخذ 10 دقايق ومنها تعرف الأمور والخفايا
|
اول شيء لازم تاخذ شروط البلدية للمحل من مساحة واذا لزم الامر لادوات السلامه
بعدين تستأجر وتركب اللوحة وتكمل بقية الاجراءات من البلدية بعدها تخلص الغرفة التجارية بعدين تفتح ملف في مكتب العمل بعدين تسجل في خدمة واصل في البريد السعودي وبعدها التامينات ( الزكاة والدخل ماعندي علم هل هي اجباري على مشروعك اولا ) ومن ثم ترجع لمكتب العمل لاستخراج التاشيرات |
مشكور اخوي ( كاش بقوة ) ماقصر الله يعطيك العافية ويرزقك
|
السلام عليكم ورحمة الله وبركاتة اخي الكريم Mlakotb من واقع تجربه فعليه جميع الاجراءات ما تاخذ معاك غير يوم واحد فقط او يومين بالكثير (يعني حسب مزاجك) باستثناء رخصة البلدية لانه تتطلب كشف ميداني من قبلهم ( يعني لازم يكشفو على المحل وغالبا تاخذ معاك من يومين لثلاثه ايام ) وبعد ما تستلم رخصة البلدية تتجه للغرفة التجاريه وتخلص معاهم في عشره دقايق او تروح لفرع الغرفة التجارية الموجود بوزارة التجارة او عن طريق النت يمكن الاشتراك بالغرفه التجارية ( من موقع وزارة التجارة ) وفي كل الحالات الثلاثه بتخلص في اقل من ربع ساعة بعدين مكتب العمل ياخذ معاك من ساعه لساعتين . والتأمينات تخلص معاهم في خمسه دقايق . وانتهى الفيلم مبروك عليك المحل والله يرزقك من واسع فضله طبعا بالنسبه لسؤالك بعد ما تتاكد عن طريق موقع البلدية بالاشتراطات الخاصه بالنشاط الا تبغى تعمله تبداء تجهز المحل ديكورات ولوحه وبعدين تراجع البلدية لإنهاء إجراءات إستخراج الرخصة تحيآتي |
الله يرزقك من واسع ابوابه
|
اقتباس:
الله يجزاااك خييير ويكثر من أمثالك شرحك وافي لكل من دخل واستفاد الله يوفقك :rolleyes: |
المعقب يماطل فيك البلدية وضعها سهل وكل شي سهل راجع بنفسك تخلص وانت واقف الدنيا تغيرت كل شي بالنت الان وانت جالس بالبيت
|
| الساعة الآن 11:16 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين