|
راتبي مدري وين يروح شوفولي حل
السلام عليكم ورحمه الله وبركاته ي اخواني انا راتبي ماشاء الله تبارك الله كويس لاكن من يوم ماينزل الراتب فقط 10 ايام واطفر المشكله اني مااصرف كثير ياليت لو تعطوني خطه امشي عليها راتبي 9800 ريال القسط البنك الاهلي 2983 ريال القسط البنك التسليف 1714 ريال ايجار الشقه شهريا 1500 ريال قسط من العمل للمساعده المتزوجين 300 ريال مجموع الاقساط الشهريه = 6497 ريال الصافي من الراتب 3303 ريال بلله عليكم وين تروح في فاتوره كهرباء او بطائق شحن للي وللزوجه او مقاضي من السوبر ماركت او حليب للطفله واكيد الحرمه تبي سوق شوفولي خطه امشي عليها براتب 3300 ريال وشكرا لكم ,, |
يالغالي، أول شيء أقولك أعانك الله لأن الأمر مو سهل خصوصاُ أنك حديث زواج ولذلك عندك أعباء مالية كلها تخص فترة مضت ولكن ستتغلب عليها إن شاء الله،
أول شيء الحمدلله ان سيارتك ملك وليست على ايجار أو على اقساط وهذه خطوة كبيرة ولا كانت أمورك اصعب، اول استراتيجية من وجهة نظري هي توحيد الجهة الدائنة، لماذا تتعدد الجهات واستطيع أن أجعلها جهة واحدة فقط؟ كم سددت حتى الآن من قرضك البنكي؟ الربع؟ النصف؟ هل تستطيع اعادة التمويل؟ إذا كنت ستستفيد من اعادة التمويل ستقوم بتقليص الارباح وحصر التزاماتك المالية لثلث الراتب فقط، كم المبلغ المتبقي عليك من بنك التسليف؟ اذا كان قرض زواج فالأكيد انك قطعت مشوار طويل وسددت الربع أو النصف؟ وكم المتبقي من مبلغ اعانة المتزوجين في الشركة؟ احسبها وان كانت تغطي مبلغ اعادة التمويل لدى البنك الأهلي، فتوكل على الله وستجد أن قسطك الشهري لدي البنك بعد اعادة التمويل لن يزيد أكثر من 200 الى 300 ريال والفائدة أنك حصلت على خصم السداد المبكر من التسليف وفكيت الالتزام المالي لدى شركتك، توحيد الالتزامات المالية هو هاجس المواطنين لأن فوائده كبيرة والبنوك صارت تعطي عروض عليها، عندك بنك الرياض، مستعد انه يشتري قرضك من البنك الثاني ويسدد بطاقاتك وسيارتك واي التزامات اخرى تحت بند توحيد الالتزامات المالية، تفضل الرابط https://www.riyadbank.com/ar/informa...nal-loan-offer أهم شيء تستخير قبل أي خطوة تعملها والله الموفق، |
اذا أمك عايشه خصص لها مبلغ ويبارك ربك براتبك
او أكفل يتيم بميتين ريال والله يعينك |
كان الله في عونك
اضافه ع ماتم ذكﻻه من قبل الاخوان تصدق ففي الصدقه بركه الله يرزقك ويعينك ويسهل امورك وييسرها دعائي لك في ظهر الغيب احترامي ..! |
اقتباس:
و عليكم السلام و رحمة الله و بركاته أولاً : ماشاء الله تبارك الله على راتبك و أسأل الله عزوجل أن يبارك لك فيه ثانياً : دائماً رتب مصاريفك الشهرية الباقية من بعد التسديد .. على سبيل المثال إذا استطعت أن تشتري المتطلبات المنزلية بالجملة فهي توفر لك الكثير و الكثير من المال المتبقي فاقتصد على قدر المستطاع ثالثاً : إذا كان لديك وقت كافي حاول أن تجد وظيفة أخرى بدوام جزئي رابعاً : وهو المهم كما ذكر العضوين من قبلي حاول حاول و بقدر المستطاع أخي الكريم أن تخصص من مالك لوجه الله تعالى بـ " الصدقة " لو كل يوم ريال واحد فقط ولا تنسى والديك لا تنسى والديك لا تنسى والديك مهما كانت ظروفك المادية و سوف ترى النتائج إن شاء الله و الله تعالى أعلم |
اقتباس:
|
اقتباس:
|
لو راتبي مثل راتبك ما أصل 5 سنوات ان شاء الله وإلا أنا عندي بيت ملك
حاول تحلل راتبك عشان تشوف فيه البركة وإذا إن راتبك حلال قصدي تداوم مثل الناس ،، البعض مبزوط في عمله ويقول راتبي ما فيه بركه فيه شيء مجرب كل شهر تصدق خلي عندك حصاله وكل يوم إرمي فيها ولو ريال وكل يوم جمعة من كل أسبوع تصدق بها ولو فيه لك استقطاع لدار أيتام مع الصدقة يكون أزين ولا تخلي ابليس يثبطك عن دفع 100 ريال بالشهر للصدقة او جهة خيرية بعد مدة قليلة إن شاء الله راح تكتب للناس هاذي الطريقة لكل واحد مر بنفس اللي تمر فيه إنت الحين وسلامتك |
كمان بعض الناس الاستهلاك الحدي عنده زايد في علم الاقتصاد يقولون كل ما يزيد الدخل يزيد الاستهلاك
مفروض الواحد لا يصرف أكثر من نص راتبه في الكماليات مثلا ايجار البيت ،،، الواحد يحاول ياخذ شقة تناسبه بدل 25 ألف في السنة يشوف 18 أو 15 ألف البعض توه عريس وما خذ شقة 5 غرف ! والمشكلة ان البعض كل شوي يغير جواله والبعض سفريات ويجلس في الوظيفة 10 سنوات ولا قدر يعمر بيت أنصح كل واحد ومنهم أنا ياخذ دورات في الاقتصاد او يدرس إدارة أعمال او اقتصاد راح يعرف كيف يحافظ على موارده الماليه البعض يكون موظف براتب 3000 وأموره ماشيه يتغير دخله بوظيفة ثانية 8000 ريال يقوم يصرف 8000 بدل ما كان يصرف 3000 بالشهر وش اللي حصل ؟ اللي حصل سوء تصرف في المال مفروض يصرف 3000 ريال والباقي ادخار في البنك بعد كذا سنة يقدر يشتري بيت او يشتري شقة بنظام التمليك |
سوء اداره ماليه للأاسف
انجرافنا ورى الكماليات والمظاهر وتبذير مدري وش اخرته اقراء عن الادخار او اكتب باليوتيوب الادخار وسويلك جدول نظم حياتك |
| الساعة الآن 03:51 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين