مشروع قطع غيار سيارات
السلام عليكم ورحمة الله وبركاته
فيه موقع راح استاجره تقريبا ب60 الف ريال والمساحه 5 في 15 وابي اخليه قطع غيار اصليه درجه اولى من جميع الشركات تويوتا وفورد وهوندااي بمعنى امريكي وياباني وكوري والبضاعه مبدئيا ب50 الف ريال الموقع على شارع العام بعيد عن الورش بمسافه ليست بعيده جدا ارجو منكم توجيهي هل هو مشروع مربح ولا لا اذا كان مربح فماهي نصايحكم ؟ شكرا لكم |
مشروع باذن الله ناجح لكن الخساره وارده التجاره كذا مافي شي مضمون لازم تجازف .. هو مشروع ممتاز وتقدر تتعاون مع عده ورش تعطيهم قطع غيار واصلا مجرد ما تجيب عمال لهم خبره خصوصا اليمنيه باذن الله هم يعرفون للسوق ويعرفو كيف يمشون البضائع
قطع الغيار اغلبها ناجحه والله يوفقك اهم شي العمال وتسوق لنفسك وتنزل السوق وتتعرف على عمال كويسين من نفس اللي عندهم محلات قطع غيار تستفسر منهم يمكن تلاقي اجانب يبغون هذا الشغل وتصير امورك باذن الله تمام تقدر تتفق معاهم النص بالنص او تعطيهم راتب وهم يشتغلون والافضل يشتغلون معك النص بالنص او تقول ابي شهريا 6 الاف والباقي لكم مثل كذا ويجي من يفيدك |
دام راس المال 50 انصحك تخصص بنوع معين ياباني او الماني او امريكي او كوري
|
اقتباس:
فمشكور على المشاركه واذا فيه نصايح اخرى فارجو منك ماتقصر معي |
اقتباس:
فاشكرك واذا فيه نصايح اخرى فارجو طرحها لاستفادة اكثر |
من وين اجيب القطع الغيار ؟
هل فيه وكلاء يبيعون بالجملة ؟ |
مشروع مربح باذن الله
بس خلك بجنب الورش القطع من نفس الشركة اعتقد لانه الخصم اكثر كونك وكيل لهم وفقك الله |
اقتباس:
|
أخوي الله يوفقك ويسهل أمورك ، لكن من قراءتي لاستفساراتك و معرفتي براس مالك و قيمة الإيجار
اعطيك حكم مبدئي دون استناد على دراسة جدوى وممكن أكون مخطئ المهم من شخص جرب التجارة هذي ، صعب تنجح وصعب تنافس و الشغلة ماهي سهلة أبدا أبدا إذا ما عندك المعرفة والدراية التامة بالعمل واعتقدنسبة نجاحك بتكون ضعيفة .. مبلغك لا تخسره ، هذا أهم شي و إذا مصر تشتغل بالمجال هذا حاول تستورد بضاعة كأصناف محددة بعد ما تعرف تكاليفك و سعر السوق ، وسوقها للمحلات أبدأ بالتدريج ، أو حاول تشتغل أون لاين وبعدها حدد واستند على وش ممكن تسوي .. |
اقتباس:
|
الله يوفقك ويسر امرك
للتذكير فقط قل: أستغفر الله الذي لا إله الا هو وأتوب إليه عدد خلقه، ورضاء نفسه، وزنة عرشه، ومداد كلماته. حافظ عليها مع تكرارها يومياً، فهي تجلب الرزق لك بإذن الله |
راس المال قليل قطع الغيار كثيييير يعني لو تبي تتخصص في كامري تويوتا فلوسك ماتكفي كامري ٢٠٠٢
اللي بوصلك هو ان شركات السيارات كثير وموديلات السيارات كثير مثال لو تاخذ تويوتا عندها كامري كوريلا افالون هل تقدر توفر قطع هذي السيارات فما بالك في الشركات الثانيه ثانيا الزبون لو يجيك مره مايحصل قطعه عندك ماعاد يرجع لك مره ثانيه انصحك تشتغل في محل قطع غيار لمدة سنه عشان تفهم اسرار المهنه كل عمل له اسرار تعرف كيف تورد القطع وتعرف وش اللي يمشي لاتتهور وتضيع فلوسك نصيحه اذا مالك في هذا المجال بالتوفيق |
اقتباس:
|
اقتباس:
|
الساعة الآن 05:09 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين