يا اهل تربيه الاغنام
السلام عليكم ورحمه الله
مساء النور ..كثرت عليكم يالغوالي جاني واحد من اصحابي بل اعزهم وعرض عليه شراكه ف تربيه الاغنام عليه راس المال وهو التربيه والمتابعه وهو شريكي فقط بالربح والمشاركه بالنصف اما اصل المال ليه ... معىالعلم ان الشخص واثق فيه فاتمني منكم مساعدتي بكل ماترونه من جميع النواحي بهذا الموضوع حتي باصل الفكره |
والله ياعزيزي اذا ماتعرف شيء عن هالمجال ولارايح تتابع شغلك اعتقد صعبة
الااذا كان هالشخص قريب لك وتعرفه 200% وهوناجح بهالمجال ...ممكن |
من رايي انك ماتعطيه مبلغ كبير
يعني لو تكون البداية براس مال قليل منها تجرب صاحبك مدى اخلاصه ووفائه لك لوكانت المدة سنة ومنها لاسمح الله لو صار ماحنا قايلين نصاب نبي نقول من النوع الي ماعليه متكل يعني يتشوق لشغله بعدين يبطل قليل صبر يعني فتكون قد خسرت القليل من المال مو كل الي عندك اما اذا صاحبك صار يستاهل وخلال التجربه شفته سنع وراعي شغل ادفع له ذاك الوقت مبلغ كبير اذا وفقكم الله وتيسرت اموركم |
وعليكم السلام ورحمة الله وبركاته ..
انا مع رد : الأخ محب الخيل والأخت زرقا (اجادوا وافادوا) وفقنا الله واياك اخي الغالي لكل خير |
الجواب عند اخت زرقا اليمامة اقتباس:
|
اقتباس:
|
اقتباس:
هذا الشخص انا قد عايشته من سنين 13 سنه وجربته ولكن بعد بجربه وله تجارب بهالمجال كم مره ونجخ بحمدالله وباذن الله يجنبني واياك وامثالك الخساررره ويفتح علينا ونفتح ع اهلنا ومن حولنا بس مازلت اهل الخبره بهالمجال ينصحوني بنوع الشراء مميزات ايش الافضل ... الخ |
عليه الصلاه واتم التسليم ..
|
السلام عليكم ورحمة الله ...
تربية الغنم ذهب وفيها خير كثير تشترط منك ومن خويك الخبرة والتفرغ التام للمتابعه وشراء مايلزم ويكون مكان مناسب للتربية .. بالنسبه للتربية أكيد أحد من أقاربك الشيبان واللي يربونها راح يفيدونك بتربيتها والبداية من وين تكون .. الشيبان عليهم خبرة بيفيدونك من وين تشتري وبكم تبدأ وكل مايخص التربية .. عماني عندهم ملايين من هذي الشغله وهي شغلهم الأساسي ولاعندهم غيرها ومعينين خير ماشاءالله تبارك الله .. ومن مميزاتها لامحل ولاعمال ولا مكتب عمل ولا دوخة القرارات والمراجعات .. بالنسبه للشراكه انت ابخص بخويك بس لاتستعجل وترى كل يوم بالشغله بتتعرف على شي جديد وتزيد خبرتكم .. والشراكه بالنادر تنجح ولكن تنجح لاتصافت القلوب والنيات .. خل اتفاقكم على ورق الورق يحفظ حقك وحق خويك وإن شاءالله ماتختلفون طالما الثقه موجودة الله يوفقكم وتجارة ناجحه بإذن الله .. |
السلام عليكم ورحمة الله وبركاته
الاغنام ان قلت مكسب هي مكسب وان قلت خسارة فعلاً خسارة على حسب شغلك بعدين لازم تحدد طريقة شغلك يعني هل انت بتشتغل في بيع وشراء يعني تشتري خرفان صغار وتربيها حتى تكبر وتبيع او تشتري غنم وتعتمد على المواليد والاخيره وجع راس وتكاليف وتحتاج متابعة مستمره وتحصينات دورية والاعلاف غااااااالية الا اذا عندك مزرعة وقبل كل ذلك يلزمك عامل على الكفالة وثقة ******** مهم اتمنى اني افدتك في بعض النقاط |
الساعة الآن 08:14 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين