افضل التخصصات بالكليه التقنيه
السلام عليكم
كيفكم ياشباب انا بدخل الكليه التقنيه وابي افضل التخصص بالكليه ولها مستقبل وظيفي ارجوا من المتخرجين من الكليه الافاده واتمنى لكم وظائف سعيده |
ياشباب ضروري
|
ياهلا بك اخوي والله مدري وش تخصصك علمي ولا ادبي بس اذا كان علمي فيه تخصصات شبكات حاسب ودعم فني (صيانة كمبيوتر) هذا انا انصحك فيها خصوصا اذا كنت تحب الكمبيوتر بصراحه تخصصات حلوة وبالنسبه لمستقبلها الوظيفي فانا اعتقد انه انشاء الله طيب لان هذا التخصصات من احتياجات العصر واما التخصصات الأدبيه صراحه ماعندي معلومات وافيه لكن قسم المحاسبه وقسم الادارة طيبه جدا واعرف كثير تم توظيفهم في البنك الاهلي واعذرني على القصور والله يوفقك يارب وجميع المسلمين |
نصيحتي أدخل قسم أداري
|
ادخل قسم حاسب الي افضل لك
انا قسم الكترونيات والى الحين بالبيت حاسب الي الحين البنوك صارو يبون حاسب الى ومن الكلية التقنيه بالتوفيق |
حاسب الي
بالتوفيق ان شاء الله |
اذا علمي ادخل قسم الكهرب
واذا شرعي ادخل اعمال مكتبيه والله يوفقك دنيا واخره |
ادخل حاسب الى افضلك مستقبلااا
|
انا متخرج من الكليه التقنيه قسم حاسب دعم فني والله محصلت وظيفه ولان احاول ادخل تخصص اداراة اعمال انتساب في الكليه او في الجامعه
|
والله بيني وبينك الكليه التقنيه اذا تقدر تبعد عنها تراه اصرف لك
لكن اذا مجبور عليها مالك الا حاسب الي مع العلم اني نفس خوينا ياسر الجوهري حاسب دعم فني والى الان ماحصلت وظيفه مير الشكوى لله :) |
شف وانا خوك
إذا كنت رجال منت راعي دراسه ادخل التقنيه حلوه التخصصات الإداريه ( محاسبه ) التخصصات العلميه ( أي شي له دخل في الكمبيوتر أدخله ) بس لاتقول مستقبل ما مستقبل التقنيه ماوراها الا الدجه ( الزبده ) مافيه أمل تتوظف الا إذا كان عندك واسطه . لكن نصيحه لوجه الله لو تقدر تروح تدرس خارج المملكه أبركلك من التقنيه اللى مافيها اللى الدجه ومضيعة وقت انا عارف فيه ناس يبون يردون ويقولون فيه طلاب توظفوا في بنوك بدون ( واسطه ) نقول OK ناس جابوا معدل 4.5 من 5 هم اللي توظفوا لكن وظيفتك هي هي ما راح تتغير أبد مادامك على شهادة التقنيه . (وآسف على الإطاله ) (((( خريج كلية تقنيه محاسبه )))) عاااااااااااطل |
بالتوفيق ان شاء الله والله يكتب لكـ الصالح ..
|
شف يالاجودي دامك توقفت على الكلية التقنية ومالقيت غيرها شي عليك بالتخصصات الادارية ( ادارة مكتبيه - محاسبة ) بس قصة انك تتوظف على طول بعدين واجد متخررجين منها اعرفهم وماحصلو للحين شي راح تتعب شوي لان مستقبلها ضعيف مادرري وش فايدتها بهالبلد على ما اظن انها (كلية لجبر الخواطر) بس خخخخخخ
|
اخوي خذهـــآ كلمه من عاطل 4 سنوـآت خريج تقنيه
اذا تبي مستقبل لا تدخل الا صحيه او جامعه والمشكله في التقنيه لو تخصصك وزير مافيه امل تكمل بكلوريوس والله تعبنــآ من الكليات التقنيه الدجه كليات تقنيه >> عطاله مؤبده الا بوـآسطه يا امير ولا فريق ركن ولا مدير عام يعني من هالواسطات ياخي جـآمعه تخصص شبكات اذا انت علمي افضل من كل الكليات التقنيه بتخصصاتها مجرد نصيحه لك يا غالي لا تضيع عمرك في التقنيه |
السلام عليكم
طيب ياشباب كيف تنصحون الي يفكر ياخذها بس عشان شاهدة cisco و IT بغض النظر عن شهادة الكلية التقنية |
الا ما يفهم رجاء يحتفظ بنصائحه اذا كانت تسمى نصائح
وشكرا |
اخوي انا خريج تقنية حاسب دعم فني
متوظف ولله الحمد لاكن ماهو في نفس المجال لاكن والله نصيحة في الله اذا تقدر تدرس في كلية التقنية في الاحساء في قسم تحكم الي وظيفتك مضمونه باذن الله قبل لايتخرجون يخذونهم الشركات هذا القسم دراستك كلها حول المكائن الكبار للمصانع مشغل لاكن بحتراف لادرجة يعلمونك ترسم لهم ماكينة وغيره والرواتب من 7000 ريال الى 9000 ريال نصيحة نصيحة ادخل هذا القسم وللمعلومية مافية لك منافسين كل المتخرجين متوظفين وهذا القسم يدرس في الكلية التقنية في الاحساء و الطائف فقط يعني كل المتخرجين ممكن في السنة 200 الى 250 تحيااتي |
يا خوي اذا تبي من ناحية التوظيف ادخل كهرباء
واذا تبي هوايه اخذ اللي تميل ناحيته محدثك مهندس ميكانيكي وشاف حاجة الوظائف في الدوائر الحكومية |
تاريخ كتابة الموضوع
09-10-2008, 10:52 PM خلال هذه الفترة تغيرت امور كثيرة |
شوف توقيعي وتعرف مصير خريج التقنيه ,,
ابعد عنها افضل لك |
الساعة الآن 07:03 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين