استفسارات لمشروع حضانة أطفال
السلام عليكم ورحمة الله
أنا حابه أفتح مشروع حضانة أطفال .. تخصصي رياض أطفال , تخرجي بإذن الله راح يكون الترم الجاي , وأبغى أفتحها بأسرع وقت من أتخرج .. - ودي إذا فيه أي شي أقدر أسويه قبل التخرج بيساعدني في اختصار الوقت تفيديوني فيه لأن ماعندي أي خلفية من وين أبدأ .. ؟ من ناحية رأس المال راح أشوف قرض من أحد البنوك - بس أبغى أعرف الشروط بصفة عامة سواءً عشان أطلع قرض أو أفتح الحضانة وإيش الإجراءات ..؟ - عمري 23 , يسبب مشكلة ؟ لأن البعض قال لي لازم يكون عمرك فوق 25 !! - إيش شروط فتح الحضانة من ناحية الموقع المكان نفسه ... الخ , إذا فيه موقع حكومي أو رسمي فيه الشروط ياليت تفيدوني فيها .. لأني مالقيت .. - إذا أي أحد عنده تجربة في فتح حضانة أو عنده معلومات يا ليت يفيدني بالإجراءات .. وشكراً مقدماً .. |
ما أحد يقدر يفيدني ؟!
|
ماعندي خبره بمشروعك
ماشاء الله عليكي حلو انك بذا العمر وتفكري بمشروع الله يوفقك وباذن الله مشروعك يشوف النور دامك متحمسه فلا تيأسي ابحثي واقرأي وزوري الحضانات الي حولك واسألي وربنا يوفقك |
لا ياقلبي عمرك جدا مناسب
من شروط بنك التسليف-وريادة انو عمرك ما يكون اقل من21 ولا يزيد عن 55 ربي يوفقك ويسهل امرك |
شيء جميل أن تكونين صاحبة هم عاليه ،
بالتوفيق |
بس أبغى أعرف الشروط بصفة عامة سواءً عشان أطلع قرض أو أفتح الحضانة
وإيش الإجراءات ..؟ افتحي مواقع الجهات الداعمة ووالممولة واقرأي ,, بمواقعم يكتبون كل شي الاشتراطات وخطوات التقديم ومالك وماعليك - عمري 23 , يسبب مشكلة ؟ لأن البعض قال لي لازم يكون عمرك فوق 25 !! العمر مناسب لانهم يدعمون اعمار 21 واتوقع 18 سنة - إيش شروط فتح الحضانة من ناحية الموقع المكان نفسه ... الخ , إذا فيه موقع حكومي أو رسمي فيه الشروط ياليت تفيدوني فيها .. لأني مالقيت .. اتصلي على رقم وزارة التجارة (حاطين رقم للاستفسارات) واستفسري منهم عن التراخيص المطلوبة لتأسيس حضانة اطفال |
اقتباس:
وكذلك سجل تجاري وزارة التجارة وإشتراك في الغرفة التجارية ( الخطوة هذي أسهل شيء في المشروع ) بعدها رخصة من البلدية بعدها فتح ملف في موقع وزارة العمل ثم إشتراك في البريد السعودية ( واصل ) بعد ما تنتهي من الخطوات هذي تطلبين التأشيرات عن طريق مكتب العمل . اقتباس:
https://www.momra.gov.sa/generalserv/specs/spec0015.asp فيه اشتراطات الروضة وكذلك المدارس الأهلية . أما بخصوص القرض: بنك التسليف الآن موقف االدعم , حالياً ما يدعم رياض أطفال . وماعندي خلفية عن باب رزق جميل . تواصلي مع برنامج كفالة ممكن يفيدوك في موضوع القروض من البنوك . https://www.kafalah.gov.sa/Pages/default.aspx نقطة أخيرة قبل ما تعزمي في الموضوع احسبي التكاليف بالهللة من ناحية الإجار والرواتب والفواتير الله يوفقك |
الساعة الآن 06:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين