|
مع تعيين وزير التعليم احمد العيسى فرصه للمطالبه بارجاع التجسير !!
السلام عليكم بعد ماسوا عزام الدخيل هداه الله من الغاء التجسير وسكر الباب في وجيهنا وتم اعلان اقالته وتعيين احمد العيسى الحين يعود الامل مع الوزير الجديد احمد العيسى بارجاع الاحوال كما كانت هذي فرصتنا دايم اي وزير جديد يحاول يلبي جميع الطلبات هذي فرصتنا بارجاع حقنا للي قدمو بالتجسير العام الي راح والغاه عزام الدخيل الهمه الهمه لاتضيعونها انا اول واحد بحضر في مكتب الوزير يوم الاحد الصباح الله يوفقنا لما فيه الخير |
شكرا كراوز سبقتني بالموضوع فعلا هذي فرصه لابد نستغلها ونكون أول المطالبين بهالشي
كون الوزير الجديد كان عميد او مدير بجامعه اليمامة واللي هي تمنح التجسير للدبلومات ف انشالله يكون فال خير كراوز ياليت اذا رحت تذكر جميع التخصصات النظرية اللي تضررت لأن الاغلب يطالب فقط بتخصص المحاسبة شكرا لك وانا كذلك راح أقدم طلب للوزير باذن الله وياليت يكون الجميع مطاب بهالشي |
ولو اني على يقين ان اي قرار من الوزاره تكون صادره من اللي فوقه واللي عينه
لكن مع ذلك لاضير من المحاولة |
وينكم يالي تطالبون بالتجسير مافيه الا انا مكتب الوزير مزدحم الي يطالبون بالنقل والترسيم ..... الخ لازم نصير يد وحده نطالب |
الســــــــــــــــلام عليكم ورحمة الله وبركاته .. ماشاء الله الجميع في همه عاليه الله يقويكم ... كيفكم يا بنــــات ؟ زمان عنكم ....!! طبعا انقطعت لاسباب صحيه اولا وثانيا بسبب بعض البنات وهم عارفين انفسهم .. حابه ابشركم وان شاء الله ان شاء الله تكون فاتحت خير علينا جميعا ... |
انا من الناس اللى تشتغل وتدور لحالها بعد كذا موقف صارلي لن في كذب من البنات اللى سجلو بجامعه سعود وسحبو على زميلاتهم وقالو ما يقبلونكم وانا رحت للجامعه بنفسي وشفتهم يدرسون صدمه بصراحه ليش الحسد هذا استغفرالله العظيم .. بعدها ما اصدق لازم اسوى الشي بنفسي عشان اتاكد وارتاح رحت بنفسي للجامعه سعود وعطوني موعد وقالو بنتصل اذا فيه مكان وانتظرت شهرين ما احد اتصل علي ولما فتحت الايميل حصلت لهم رساله انجلطت مغبره الرساله ..ورجعت ارسلت لهم قالو انه خلاص فاتك بعد معاناة واعذار اقبلوني تحضيري وانا مسجله بدبلوم مسجله بدبلووووم يعني في فرصه انكم تسجلوون بدبلوم طبعا انا صارت مشااكل مع الجامعه طووويلللله مالها داعي اذكرها لانها ماتهمكم وانصح البنات لاتاخذون العلم الا من الموظفين والموظفات فقط لن في نصب من بعض البنات مايبغون احد يسجل وان شاء الله راح افيدكم بكل شي اقدر عليه . طبعا الحين انا ادرس الترم الثاني ولا ادري ايش الخطه كل اللى اعرفه اني ادرس اول شي تحضيري سنه بعدها اطالب بتجسير ... |
مبروووك قمرمر القبول والله بشرى حلوة ربي يسعدك وموفقه بالتجسير بس جامعه سعود ماتقبل الا خريجين الجامعه نفسها يعني دبلومات جامعه سعود صح ولا؟ وكيف تجسير بجامعه حكومية وعزام الغاها
|
اقتباس:
الله يبارك فيك هذا اللى انتشر انها ما تقبل الا دبلوم معين لا تقبل كل الدبلومات وانا مو من سعود واغلب المسجلين في من دبلومات المجمعه ودبلومات التقنيه ودبلومات سعود ..... |
تراهم ما يسمونه تجسير ترا معادله المقررات اي ماده درستها في الدبلوم خلاص ما عاد تدرسها اذا رفعت وانقبلت وطلعت مطابقه لمنهجهم واهم شي عدد الساعات انا بجرب في شهر 4 في ماده وحده لن قريت عن المواد في منتداهم وحصلت وحده تشبه ماده درستها في الدبلوم بجرب عليها .. وانتم اذا جيتو تسجلون ان شاءالله لا تقولون تجسير الكلمه ذي استغفرالله تاجل كل شي ههههههههههه كل سنه يفتح موقعهم ومن ضمن الاختيارات وش معكم شهاده ثانوي دبلوم بس سبحان الله ما كنا نعرف ولا كان توصلنا اخبار صدق ويارب يارب يارب تنقبلون كلكم ... |
ايه صح معادلة المقررات تكون غالبا بكثير بالجامعات وخصوصا بالخارج وكذلك في جامعات ترفض المعادله خصوصا هنا مايقبلون بالمعادلة من فتره فشيء حلو اقتنعوا بنظام المعادلة والمعادلة تختلف من جامعه لجامعه بعدد الساعات اللي يعادلونها وان شاء الله يعادلونلك كل الساعات بس عندي سؤال هل نقدم أي وقت تقديم يدوي ع اساس يتصلوا او ننتظر التسجيل وفي شروط للعمر والمعدل ونو ع التخصص؟ اتمنى ماتكون تعجيزية لأن عمري فوق 25
وهل الدراسه بتكون بكلية الدراسات التطبيقية أو مقر أخر لأني أبي اتصل عليهم فما اعرف اي جهه أتصل فيهم مرره شكرا قمرمر فتحتي لنا امال موفقه ان شاءالله |
| الساعة الآن 03:44 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين