|
هل هذه الفكره مجديه ؟
السلام عليكم .......
أخواني سبق لي زياره الصين وشاهدت عده اصناف من البضائع اسعارها جيده او ممتازه ....الاكسسوارات النسائيه ,العاب الاطفال والشنط النسائيه اكسسوارات الجوال وغيرها الكثير الكثير من آلاف الاصناف من الكماليات. وسؤالي لو ذهبت للصين واستوردت بضاعه أي نوع وحبيت اوزعها جمله عن طريق مواقع التواصل هل بيكون فيه تفاعل وشراء ؟ مع العلم اني افكر بشراء الاكسسوارات النسائيه لما وجدته في الصين من بضائع جميله جدا وغبر متوفره عندنا . هل تنصحون بالتركيز على الاكسسوارات ام اجيب بضاعه مختلفه العاب اطفال واكسسوارات نسائيه واكسسوارات جوال وغيرها. انتظر وجه نظركم . |
ان شاء الله مشروع ناجح وجيب بضاعه مشكلة
|
الصين بتجد اشياء جميلة كثيرة وبسعر رخيص جدا
لكن السؤال هل عندك سجل استيراد وتصدير؟ اذا الاجابة بنعم لي رجعة على الموضوع ان شاءالله |
بضاعه مشكله معناته تتعطل في الجمارك وانتبه من المقلد والله ماتدخل عن تجربه مريره
افضل شي تسويه تاخذ عينه من المنتج اللي تبي تستورده وتعرضه علي الجمارك وهيئة المواصفات والمقايس اذا وافقه عليه يبقى عندك اهل السوق والسعر تلف علي السوق اذا يبونه روح جيبه تري التسويق صععععععععب في السعوديه لازم يكون عندك مندوب اجنبي انت سعودي مايشترون منك الا بخساره اكثر من سبعين بالميه مثال سلعتك سعرها مية ريال وجيت تسوقها مايشترونها منك بمية ريال لو تاذن يقولك تبيع بعشره نشتري يبون يخسرونك برضو عن تجربه صدقني السوق صعب ياانك تفتح محل ولا ماانصحك بالتسويق علي المحلات او انك تسوق علي المستهلك النهائي مباشره وعلي فكره تري لاتغرك اسعار الصين احيان تحصل حاجات هنا في السعوديه تحصلها ارخص من المصنع في الصين لان المورد اللي هنا راس ماله اقوى منك ممكن يشغل المصنع في الصين لمدة اكثر من سته شهور عشان ينفذون طلبه مثال انت جيت تشتري جوال وراس مالك مية الف في الصين يحسبونه عليك بمية ريال وتحسب نفسك سعره رخيص يجي تاجر غيرك معاه سبعه مليون يحسبونه له بعشرين ريال ولمن تجي السعوديه تتفاجئ بان الجوال ينباع بخمسين ريال وانت شاريه بميه من الصين كيف تكسب في الحاله هذي التجاره صعبه هذي الايام فانصحك خذ من هنا بضاعه بشرط الاسترجاع اذا ماقدرت تبيعها وتعلم وافهم السوق واكسب زباين وبعدها روح للصين بالتوفيق للجميع اي استفسار انا موجود |
بتوفيف
|
وعليكم السلام كما يقول المثل التجاري المعروف : لا تختبر عمق النهر بكلتا قدميك ! لا تسأل عن كيفية التسويق فالظروف مختلفة من شخص لآخر ومن سلعة لأخرى .. ولا تقدم على الشراء من الصين بكميات قبل أن تختبر السوق بنفسك وبشكل مؤكد أنسب الحلول تقريباً أن تحدد أصناف معينة بالبداية ومن ثم عليك بتجار الجملة المحليين ولتكن كتجربة مبدأية للوقوف على ظروف السوق الفعلية وتحديد مقياس التوزيع .. وتدريجياً تستطيع كخطوة تالية أن تستورد لحسابك الخاص بعدما حصلت على الخبرة والمعلومات الكافية نسأل الله أن ييسر لكم كل خير:w |
اخوي انصحك باستيراد النظارات الطبيه او الشمسيه فيها مكاسب فلكيه لكن لتحقق هذه المكاسب يجب ان تفتح محل نظارات اتوقع الاطار الواحد مايكلفك بالصين حدود خمسه او عشره ريال , تحرى ان تكون الخامات نظيفه بصراحه هنا يبيعونك محلات النظارات الاطار على ميتين وخمسين وميه وخمسين وثلاثميه وخمسين وكلها خامات سيئه اتوقع جملة الاطار الواحد مايكلفهم ثلاثه ريال اربعه بالكثير
|
بالتوفيق اخوي ولكن فكر في التالي
- قابلية السوق للمنتجات اللي تفكر باستيرادها . - وقت التصريف للبضاعه لان اذا تاخرت راح تكون بضاعتك قديمه وليست على الموضه . - طريقه التسويق و تصريف البضاعه . نصيحتي - اعمل ببضاعه تجريبيه الى ان يكون عندك قاعده زبائن ثم استورد من الصين . - حاول ماتكثر البضاعه حتى ما ينتشر الربح بين السلع وتحتاج لبيع كميات كبيره للحصول على الربح ( قطع اقل و سعر اعلى وربح اعلى ) مثال : ارباح 50 قطعه من الحلق تساوي ارباح طاوله بيلوت او بلياردو واحده . يعني تبيع اقل و تكسب اكثر . |
اقتباس:
الراجل اللى كتبلك التعليق دا رجل محترم جبالك الزبده انا كل شهرين في الصين والراجل دا قال الكلام المظبوط من ناحيته الجمارك عندكم ومن ناحيه السوق الصيني والمستوردون شكرا للرجال المحترمون اللى بيعطو المعلومه صح بدون اى تضليل |
| الساعة الآن 10:19 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين