ريحوني الله يريحكم بتربته
السلام عليكم ورحمة الله وبركاتة
يا اخوان يشهد الله اني ما نمت من امس احاول ادخل المنتدى ابي استفسر ولا قدرت بسبب عطل الموقع ما يفتح معي يا عالم انا خلصت اوراقي في احد القطاعات العسكريه و قالو الدوره قريبه ان شاء الله لاكن الصدمه امس جت بعد قرارات الملك الله يطول لنا بعمره بانه موقفين نظام التوظيف لهذي السنه هل هذا الكلام صحيح و اذا صحيح الله لا يقوله وش وضع اللي خلص اموره وينتظر الدوره يا ناس والله قهر بعد ما فرج علي ربي وقلت بفتك من هالبطاله اللي جابت لي النفسيه يتقفل بوجهي ياليت يا اخوان اللي عنده اي خبر يريحني و يريح باقي العالم اللي محتاره بهذا القرار لحد الان |
اسأل الله ان يفرج همك ويرزقك من حيث لا تحتسب , إصبر فإن الله مع الصابرين
|
السلام عليكم انا اتوقع انه قصدهم من الحديث انه معد يوظفون الجدد يلي ما خلصو اوراقهم وله انت مخلص ببتوظف إن شاء الله. اكثر من الاستغفار
|
بحسب ما أشوف وحسب فهمي المتواضع أتوقع إنه أنت و أنا وجميع الي خلصوا أوراقهم بنتوظف ان شاء الله , لأن الاوامر الي جت تقول عدم إستحداث وظائف جديدة وحنا تم استحداث وظائفنا من وقت التقديمات حقتنا او من قبلها حتى , فإن شاء الله راح نتوظف و أنا أخوك ووكل أمرك لله , الله يفرج عليك وعلينا وعلى المسلمين أجمعين
وفقك الله .. |
الوظائف العسكرية ماله شغل بتوقيف التوظيف اذا فيه شاغر وظيفي تتوظف على طول الأمور طيبة والله يوفقك
|
هاذا الكلام غير صحيح التوظيف مفتوح والأمور طيبه
لاتخاف وانشالله كلنا موظفين بس عليك بصبر وذكر الله |
غير صحيح
لو صدق موقفين التوظيف كان ما فتحو تسجيل الدفاع المدني الي هو يوم الاحد 23 / 3 /1437 الله يوفقك ويسهل امرك وامر كل مسسلم |
التوظيف غير وال تجنيد غير
|
الساعة الآن 01:50 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين