السلام عليكم ورحمه الله وبركاته

يعلم الله اني محتاجه هالمساعده لظروفنا الصعبه
زوجي اصيب بمرض جلدي وبسببه قاعدوه تقاعد مبكر بامر اللجنه الطبيه كان عسكري بالجيش جندي اول خدمته لم تزد عن 9 سنوات
ويعلم الله لنا 11 شهر متوقف الراتب الﮯ لحظه كتابتي لهذا الموضوع تاخرت معاملاته بين جهة عمله وبين اللجنه الطبيه بالرياض
وعندي طفلين ولد سنتين ونصف وبنت عمرها 3 شهور مصاريفهم واجار البيت وقسط بنك راجحي الي من توقف الراتب وهم اتصالات خايفين يضيع حقهم حسبي الله ونعم الوكيل حساب زوجي الحين سالب 30000 ريال بتروح للراجحي يارب تعين
وصاحب البيت يبي اجاره وزين منه الى الحين صابر علينا
يعلم الله اننا بهم مايعلم فيه الا الله
وزوجي جته نفسيه من يوم مرض وفقد عمله وتراكمت عليه كل هالالتزامات جالسه اساعد باللي اقدر بس مو قادره الحق على شي يادوب نطلع حق اليوم
تراكمت علينا الديون بهالسنه بسبب توقف الراتب وفي ناس جالسه تطالب بحقها
وزوجي مابيده شي
كل ماراح يدور اي وظيفه باي شركه ياتوقف له الشهاده
هو مامعه الا ابتدائيه فقط
او مايدقون عليه
زوجي مايقدر يشتغل اشغال متعبه او يكون فيها متعرض للشمس كثير او الغبار لانها تاثر عليه صحيا ومع هذا يكد ليل نهار من همه ع المصروف
ورب البيت تعبان صحيا وجسديا

وابوه ع الضمان الاجتماعي وزوجي هو كان المعيل لهم بعد الله

ابغى زوجي يرتاح ياعالم ابغى احد يقدر يشغله بوظيفه مناسبه لوضعه الصحي يكون عمل فينا خير ماراح ننساه له
والله العظيم مانملك لاأرض ولابيت
وراتب التقاعد ماراح يزيد كما سمعنا عن 3700
اجار البيت 1500
وقسط الراجحي ماراح يقل عن 1500 او 1600
ايش بقى بالله!! ومع هالغلا ايش تسوي 700 ريال والا حتى 1000 مستحيل تعيشك 3 ايام كيف بالله تعيشك شهر

يااهل الخير طالبتكم طلبه احد يسوي فينا معروف ويلقى ل زوجي وظيفه في حدود منطقه محايل عسير
مايقدر يطلع ابها او خميس مشيط لانو جوها ابدا ماناسب زوجي المرض يزيد عليه بالمناطق الجافه والبارده
زوجي يبي وظيفه يعز فيها نفسه واسرته عن حاجه الناس اللي الاغلب منه خذلنا بهالظروف
زوجي كان من اللي شاركو ب حرب الخوبه عام 1430 ه
وكان بيكون له الشرف بالمشاركه ب عاصفه الحزم واعاده الامل لكن ظروف المرض اعاقته والحمدلله على كل حال

تكفووون ياعيال ديرتي تكفوووون اللي يقدر يساعد زوجي بوظيفه لايبخل عليه
خايفه على زوجي من كل هالضغط
ومرضه يحتاج راحه نفسيه عشان مايتفاقم وبالله من فين الراحه النفسيه وكل هالضغوط حوله

اللهم ابعث لنا من يكون سبب في سعادتنا وراحتنا
يارب
يارب

وعليكم السلام ورحمة الله وبركاته ..

اعانكم الله ويسر اموركم ..

ارفعي خطاب للديوان الملكي لـ :

الملك سلمان ولمحمد بن نايف ولمحمد بن سلمان

ارفعي خطاب لـ :

أمارة محايل عسير وللأمير خاصة تقدرين تروحين تعطينه الخطاب بنفسك ..

أخيراً اكثري من الإستغفار والإلحاح على الله بالدعاء بالسجود وبالثلث الأخير من الليل وفي كل وقت ..

الله يفرج همهم

بس ادخلي هنا وظايف للي حاملين شهاده ابتدائيه
https://www.btalah.com/t652765.html

الحل الاول حاولو بكل معنى كلمه تستعجلون انه ياخذ راتبه تقاعد ومستحقاته
خلي احد من اهلك او اهله يراجع له ويكون ثقه
او احد يتطوع لوجه الله يراجع بمعاملته
ويفضل تتواصلين مع صحيفة سبق
وتشرحين لهم وضعك
2 وزوجك ياخذ تقارير طبيه ويسجل بتاهيل شامل
وذا سجل بتاهيل يعتبر عن 4 اشخاص ويسجل ب اي وظيفه عن بعد
وتاهيل بعطونه راتب شهري اعتقد في
حال قبلوه بيتغير وضعكم بذات شركات يبون اللي معاهم كروت من تاهيل وراتبهم جيده جدا
3 حاولي هل فتره تتوظفين وبكذا تساعدينه لين يصرفون له تقاعده
ودخلكم بيصير افضل
وروحي للجمعيات الخيريه

اهم شي هو لاينسى موضوع تاهيل الشامل اذا اضبطت اموره وقبلوه اغلبيه شركات يعطونه راتب وهو جالس او يوظفونه وظيفه بسيطه
حاليا بماانه مهو مسجل بتاهيل
خليه يمشي حاله
بالمستوصفات اللي حولكم والبنوك وشركات والمدارس اذا يبونه سكيورتي
او استقبال

اويقدم شاي
اي شغله بسيطه تناسبه

في شي خارج عن موضوع بس خليه يفكر فيه اسمه قفزه تعليميه بكذا تروح مشكلة شهادة ابتدائيه
اذا زانت ضروفكم خليه يسأل وبإذن تزين
ونتي اصبري على وضعكم جديد اهم شي صبر
ربي يعوضكم كل خير
وزين تقاعده 3700
بالعاده مايتعدى 2000

طيب اقرب موارد بشريه لكم روحو اسألو
حاولي
اما انتي او هو
الله يوفقكم
ان شاءالله الاخوه والخوات باقين يفيدونكم اكثر

الله يفرج همكم ويكشف كربتكم 😥

اختي لاتنسين روحوا للجمعيات الخيرية ..

واشرحو لهم الوضع لعل وعسى يساعدونكم ..