السلام عليكم ورحمة الله وبركاته

يا اخوان انا موقع عقد مع شركة بمسمى وظيفي ( مطور نظم )
و استمريت على هذا المسمى تقريباً 6 الى 7 شهور من اول ما توظفت
لكن تغير الهيكل تبع الجهة اللي اشتغل فيها ..

جاء مدير لادارتنا جديد و مدير لادارة الدعم الفني
وادارة التقنية مقسمة لثلاث ادارات
1- تطبيقات وخدمات الكترونية 2- ادارة الشبكات والصيانة 3- الدعم الفني

انا بمسمى الوظيفي واللي وقعت عقدي عليه اللي هو "مطور نظم" تحت ادارة التطبيقات والخدمات الالكترونية

بعد الادارة الجديدة ، جاء مدير ادارة الدعم الفني كلم مديري ( التطبيقات والخدمات الالكترونية ) يقول نبغى موظفك اللي هو انا كـفريق عمل معنا في ادارة الدعم الفني ، ووافقت ووافق مديري وبعد فترة يقول انت تحت ادارتي واحنا نقلناك
ولا وقعت لا على ورقة ولا إي شيء . بدون موافقتي ..

يعني بالعامي جحد هو ومدير الادارة ..

وفوق هذا غيروا المسمى الوظيفي حقي من مطور نظم الى مطور قاعدة معرفية

وهذي بتضرني في الـ CV وعقدي على " مطور نظم "


وامس اعطاني التقييم السنوي ويقيمني على مسمى " مطور قاعدة معرفية " بتقييم غير عادل

وش الاجراءات يا اخوان مع هالعينه؟ اطبع صورة العقد وارميه في وجهه؟ واقول تقييمك غلط وعلى مسمى غير المسمى اللي جاي عليه.؟

وهل فيه نموذج من وزارة العمل موحد للشركات حق التقييم السنوي ؟

ان رميت العقد بوجهه
فصلك
جرب ارسل له ايميل بوضعك واحفظه واحفظ رده ان رد
واكتب كل تظلمك
و بنفس الوقت راجع الموقع عسا يفيدك
http://tanbeeh.ma3an.gov.sa

وقدم شكواك لهم لأني اشوف انه استخدام سيئ لسلطاته في ظلمك

سؤال مديرك وش جنسيته ؟
ومهام عملك هل هي فعلا "مطور نظم" ؟
و على أي أساس وضع تقييمه ؟ غياب تأخير أداء في العمل ؟

بالنسبة للجحود
من اول متفقين ينقلونك ال 2
بس جات بطريقة نبغاك عندي

الحل عند المدير العام اطلب اعادتك لمكانك السابق وخصوصاً أنك لا ترغب في مسمى الوظيفة الجديد ولم يصلك خبر عنها إلا من خلال التقييم ولا تاخذ نسخة العقد الاصلية الخاصة بك عندهم والكلام الحسن يحل الامور ووضح أنك تعمل جيدا إذا كان لديك تقييم سابق وضح نسخة منه للمدير العام أو صاحب العمل وربي يسهل .